हेब्रैनी 12:25 - चेपाङ25 ओउः तोती गम्ओ कुरापाय् पेतो घीःती सायःसा खेःतो बा। ल्हाव्ह्दैबाङ्हाङः तोतोक्हाङः ओउः कुरा सायःसा ग्यामालोलम्पाय् न्युम्ह्ताक्ओसै दल्सा खाय्आक्नीली। ओउःमयःखे दल्सा खाय्नीली त झ्यान्ते ङीइ ओउः लाङ्कासै गानाक्ती तोओ सायःओलम्खे ग्यातय्हीली त खेःया ङी न्हाङ्तोलेः न्युम्ह्ताक्ओसै दल्सा खाय्तय्ह्नीली। အခန်းကိုကြည့်ပါ။ |
हेब्रैनी 12:25
36 ပူးပေါင်းရင်းမြစ်များ
ओउःखेपाय् सेलः स्याव्आक्तीको “लौ ‘येसुइ स्याक्आलाङः’ त दाय्ह्ओ सुकायःमा छ्यानःतेःचौ। सुकायःमा छ्यानःमाःत पुरोहीत्कःताङ् रेन्ह्तो आल्ती ओउःकायः ह ‘लौ द्याह् ङापाय् सेलः स्याव्आलाङः’ त दाय्ह्ती लयःकोः आङ् छ्यानःआक्उ। ओहाङःसै आङ् छ्यानःआक्तीको मोसाइ गानाक्ती तोओ जवसाकायः मन्दीर्हाङः परमेस्वर्कायः वाः मेत्छ्याः सात्ती ओउःकायः ल्हाउ दा। एत हायःआक्तीको सबैइ नाङ्कायः ‘सेलः मुलेःनाः’ त चीःनानी” त येसुइ दाय्ह्ती तोआथै।
ओउः मोसाकायःपाय् ओउःकोः लयःकोः मान्तालम्इ ‘लौ ङीसै ताङ्ह्ओ हुकुम् बयःओ सुइतेः बयःतेःआ’ त त्यानःती दाय्ह्ती मोसाइ तोओ कुरा सायःसा ग्यामाःत तोथातो ओउःमयःकायः हुकुम् बयःसाकायःमा लीह्सीःओसै ल्हेस्ती दल्ताक्साकायःमा परमेस्वर्इ ओउः मोसालेः छ्युङ्ह्आकान् बा। छ्युङ्ह्आक्तीको इ काम् जाङ्ह्साकायः परमेस्वर्इ ओउः ल्युङ्ओ झ्युर्हाङः थाओ लाङ्कामयः मोसाकायः ल्होक्आथै।
ओहाङःसैको नोआह्इमा परमेस्वर्कायः ङ्हाम्ती झ्यान्ते परमेस्वर्इ तोओ लोनेः वाङ्सा खेःओ कुरापाय् ओउः कुरा च्यवःधाङ्माःखाहाङः ओउःइ सायःआकान्। सायःआक्तीको नोआह्इ परमेस्वर्कः रैती लयःकोः कीम्कोः मान्तालम् दल्ताक्साकायः ताङ्ह्ओ “आर्क्” त तोओ तीःजहास् जाङ्ह्आकान्। जाङ्ह्आक्तीको ओउः जहास्हाङः पोस्ती नोआह्मा ओउःकोः कीम्कोः मान्तालम्मा सबै दल्आकाय्। ओउःइ ङ्हाम्आक्तीको दल्आकाय् त झ्यान्ते ओउःइ अरु सीओ ल्हाव्ह्दैबाङ्कोः मान्तालम्कायः “पेमालो हायःआकानी” त छ्यानःआकान्। ओहाङःसैको ओउःकोः ङ्हाम्झ्याङ्कायः परमेस्वर्कोः मीक्हाङः नोआह् पेतो स्याव्लेःआ।
ओउः पुरोहीत्लम्इ ल्हाव्ह्दैबाङ्हाङः मुओ मन्दीर् कीम्कोः दुङ्हाङः ल्हासा काम् जाङ्ह्नानी। ओउःमयःकोः काम्मा लाङ्काकोः काम् तेःनाः ओउःमयःकोः मन्दीर्मा लाङ्काकोः मन्दीर्कोः क्वालाङःलो लेखालेः मुओ लेःआः। मोसाइ ओउः लात्सा खाय्ओ मन्दीर् जाङ्ह्तोक् बेलाहाङः परमेस्वर्इ इतलेः गानाक्ती तोआथै “लौ इ मन्दीर्पाय् नाङ्कायः स्यालुङ्हाङः छ्यानःओ मन्दीर्कोः रुप्कुस् घार्ती जाङ्ह्उ दा” त दाय्ह्ती परमेस्वर्इ तोआथै।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
ကြော်ငြာတွေ