हेब्रैनी 11:8 - चेपाङ

⁸ आब्राहाम्इमा ङ्‌हाम्‌ती झ्‍यान्‍ते परमेस्‍वर्‌इ तोओ कुरा ग्‍याती ओउःइ लोनेः त्‍याक्‌सा नया देस्‌ताङ् आल्आकाय्। आल्‌सापाय् आल्‌तो ङ्‌हाहाङः ओउः देस्‌पाय् “गाःहाङःलो” त चीःआक्उलु।

हेब्रैनी 11:8 ပူးပေါင်းရင်းမြစ်များ

मत्ती 2:21

एत तोआक्‌तीका युसेफ् च्‍योक्‌ती नीस् आमाचाःकायः लात्‌ती आलःती इस्राएल् देस्‌ताङ् पाय्‍ह्आकाय्।

रोमी 1:5

इ येसुइ ङीकायः छ्युङ्‌ह्आक्‌तीको ओउःकोः काम् जाङ्‌ह्‌साकायः ग्‍वम् बयःती सबै अरु जात्‌कोः मान्‍तालम्‌कायः येसुकोः कुरा पेतो ङ्‌हाम्‌ती ग्‍याताक्‌साकायः ल्‍होक्आताङी।

रोमी 10:16

प्रभुकोः पेओ नोःराय् थोल्‍ह्‌ती तोओलेः खेःतो ओउः कुरा सायःओ यहुदीलम्‌पाय् सायःआक्‌तीको नाःतोलेः ङ्‌हाम्‌सा ग्‍याइली। ओउःतलेः एसायाइमा तोओ “अ प्रभुय ङीइ थोल्‍ह्‌ती तोओ कुरापाय् सुइ ङ्‌हाम्आकानी र” त दाय्‍ह्‌ती दाय्‍ह्आ।

रोमी 6:17

लौ परमेस्‍वर्‌कायः “च्‍युता” त तोसा लेःआः दोह् हायःती दाय्‍ह्‌सा नीङ् ङ्‌हापाय् रेव्ओकोः नोकरीलेः खेःतेःइतो लोने ओउः नीङ्‌कायः स्‍यान्‌ती तोओ दोङ् कुरापाय् ङ्‌हाम्‌ती नीङ्इ ल्‍हुङ्‌हाङः ग्‍याती जाङ्‌ह्‌तेःआकानी।

२ कोरीन्‍थी 10:5

सबै आह्रे माःती नोःओ काय्‌काय्ओलम्‌कायःमा सबै परमेस्‍वर्‌कोः कुरा ङाःती त्‍याःसा बोङःओलम्‌कायःमा ङीइ क्‍लीमःनाङःसु। फेरी मान्‍ताकोः ल्‍हुङ्‌लम् सबै ख्रीस्‌कः ग्‍यातो स्‍याव्‌ताक्‌नाङःसु।

हेब्रैनी 11:33

ओउःमयःइ ङ्‌हाम्‌ती झ्‍यान्‍ते अरु देस्‌कोः मान्‍तालम्‌कुस् मीन्‍ह्‌काय्‌ती क्‍लीमःआकानी। ओउःमयःइ एतलेः पेतो हायःती परमेस्‍वर्‌इ तोती गम्ओ कुरा दोःआकाय्। जाःकोः म्‍होतोङ्‌कायः उमःताक्‌ती दल्‌तो स्‍याव्‌माआकाय्

हेब्रैनी 5:9

ओहाङःसैको ओउःपाय् जुगाङ् नीङ्‌तोलेः स्‍याव्आक्‌तीको सबै ओउःकोः कुरा ग्‍याओलम्‌कायः येसुइ गलकायःमा दल्‌तो स्‍याव्‌सा दोःताक्आकान्।

१ पत्रुस् 1:22

परमेस्‍वर्‌कोः दोङ् कुरा ग्‍याती जाङ्‌ह्‌ती नीङ्‌पाय् नीङ्‌तो ल्‍हुङ् दोःती अरु परमेस्‍वर्‌कायः ङ्‌हाम्ओलम्‌कायः पेतोलेः राप्‌सा खाय्‌तेःनानी ओउःत खेःओ ओउःमयःकायः दोङ् पेतोलेः राप्‌काय्‌न दा।

१ पत्रुस् 3:1

फेरी नीङ् नाःचोङ्‌य नीङ्इमा लयःकोः बुधाइ तोओ कुरालम् म्‍ह्याङ्‌ती ग्‍याती जाङ्‌ह्‌नु दा। ओहाङःसैको सुसुकोः बुधापाय् येसुकोः कुरा ङ्‌हाम्‌माःत मुचानाः ओउः बुधाइलेः नाङ्‌कोः पेओ नीङ्ओ काम्‌लम् च्‍यवःती झ्‍यान्‍ते नोःती स्‍यान्‌मामाःत ओउःपाय् लोने लयः ङ्‌हाम्‌साकायः ग्‍यातो स्‍याव्‌नाः यादो।

१ पत्रुस् 4:17

परमेस्‍वर्‌इ सबैकायः तय्‌छनःती योसा दीन्‌पाय् दाह्‌खेःनाः। ङी ङ्‌हाम्ओलम्‌कायः ङ्‌हालेः लोने अरुकायः परमेस्‍वर्‌इ तय्‌छनःती योनाःतय्‍ही। ओहाङःसै ङी परमेस्‍वर्‌कोः पेओ समचार्‌ ङ्‌हाम्ओलम्‌खेकायः तय्‌छनःती योआतय्‍ही त खेःया ओउः ङ्‌हाम्‌मालोलम्‌खे तय्‌छनःती योतोक्‌हाङः गुच्‍युक् पेमालो स्‍याव्‌नै बा।