हेब्रैनी 11:7 - चेपाङ7 ओहाङःसैको नोआह्इमा परमेस्वर्कायः ङ्हाम्ती झ्यान्ते परमेस्वर्इ तोओ लोनेः वाङ्सा खेःओ कुरापाय् ओउः कुरा च्यवःधाङ्माःखाहाङः ओउःइ सायःआकान्। सायःआक्तीको नोआह्इ परमेस्वर्कः रैती लयःकोः कीम्कोः मान्तालम् दल्ताक्साकायः ताङ्ह्ओ “आर्क्” त तोओ तीःजहास् जाङ्ह्आकान्। जाङ्ह्आक्तीको ओउः जहास्हाङः पोस्ती नोआह्मा ओउःकोः कीम्कोः मान्तालम्मा सबै दल्आकाय्। ओउःइ ङ्हाम्आक्तीको दल्आकाय् त झ्यान्ते ओउःइ अरु सीओ ल्हाव्ह्दैबाङ्कोः मान्तालम्कायः “पेमालो हायःआकानी” त छ्यानःआकान्। ओहाङःसैको ओउःकोः ङ्हाम्झ्याङ्कायः परमेस्वर्कोः मीक्हाङः नोआह् पेतो स्याव्लेःआ। အခန်းကိုကြည့်ပါ။ |
हेब्रैनी 11:7
41 ပူးပေါင်းရင်းမြစ်များ
नोआह् मुतोक्हाङः तीः लय्ङ्ती लन्ह्ती वाङ्धाङ्माखाहाङः मान्तालम्इ जेःधै तुङ्धै मोमःचोःकायः वानःधै गोय्चोःकुस् पाय्ह्धै मुइतो ओउःमयःकायः दोह् स्याव्खेःनाः त जुगाङ् चीःमालो खेःइतो। नोआह्पाय् तीःजहास्हाङः पोक्आक्तीको ह चीःलेःनीतो ओउः तीःपाय् रेन्ह्तो लन्ह्ती वाङ्ती झ्यान्ते जहास् पोक्मालो मान्तालम्कायः तीःइ आलःती ज्युप्ती वाय्आथास। ओउःमयःइ ‘दोह् दयःखेःचाःतय्ही’ त ङ्हापाय् चीःआक्नीली ओउःलो लेखालेः ‘मान्ताकोः चोः दाह्खेःनाः’ तमा ङ्हापाय् चीःसा सुमा दोःइली।
ओहाङःसै ओउःकःताङ् नाःतो फरीसीलम्मा सादुकी त तोओलम्मा वाङ्आकाय्। युहनाइ ओउःमयः वाङ्ओ च्यवःती “लौ नीङ् कुयः युक्कोः चोःलेःतेः खेःतेःनै। नीङ्पाय् इहाङः वाङ्ती ‘रेव्ओ काम् जाङ्ह्झ्याङ्कोः न्युम्ह्ताक्ओसै दल्सा दोःलेःनाः’ त म्हर्तेःनै यादो। इत हायःसा सुइ तोतेःआकाय्। परमेस्वर्इ न्युम्ह्ताक्ओसै नीङ् गत हायःती क्रव्सा खाय्तेःनानी र।
फेरी ओउः नोःराय्इपाय् मान्तालम् गत हायःती परमेस्वर्कोः मीक्हाङः पेतो नीङ्तो स्याव्सा खाय्नानी त छ्यानःलेःनै। ङ्हाहाङःमा लोनेमा गलकायःमा मान्ताइ ङ्हाम्ओ त खेःया ओउःपाय् नीङ्तोलेः स्याव्ती स्याक्लेःनै दोह् हायःती दाय्ह्सा “सुखेलोइ ङ्हाम्नानी ओउः मान्तापाय् ङ्हाम्धार्नालेः नीङ्तो स्याव्नै” त दाय्ह्ओ परमेस्वर्कोः आखरःहाङः लेखती मुनाः।
ओउः पुन् तात्ओपाय् “लौ इत जवओ ङ्हासैलेः ङापाय् परमेस्वर्कोः मीक्हाङः पेतो स्याव्आलाङः” त अरुकायः छ्यानःसाकायः जाङ्ह्ओ खेःतो। ओहाङःसैको पुन् तात्ओ जवधाङ्मालो बेलाहाङःपाय् आब्राहाम् परमेस्वर्कोः मीक्हाङः पेतो स्याव्आ त झ्यान्तेलेः आब्राहाम्पाय् सबै परमेस्वर्कोः मीक्हाङः पेतो स्याव्ओ ङ्हाम्ओलम्कोः ताकुः लेःआः। ओउःपाय् पुन् तात्ओ जवमालो मान्तालम्कोः ताकुः लेःआः
ओउः तोती गम्ओ कुरापाय् पेतो घीःती सायःसा खेःतो बा। ल्हाव्ह्दैबाङ्हाङः तोतोक्हाङः ओउः कुरा सायःसा ग्यामालोलम्पाय् न्युम्ह्ताक्ओसै दल्सा खाय्आक्नीली। ओउःमयःखे दल्सा खाय्नीली त झ्यान्ते ङीइ ओउः लाङ्कासै गानाक्ती तोओ सायःओलम्खे ग्यातय्हीली त खेःया ङी न्हाङ्तोलेः न्युम्ह्ताक्ओसै दल्सा खाय्तय्ह्नीली।
ओउः पुरोहीत्लम्इ ल्हाव्ह्दैबाङ्हाङः मुओ मन्दीर् कीम्कोः दुङ्हाङः ल्हासा काम् जाङ्ह्नानी। ओउःमयःकोः काम्मा लाङ्काकोः काम् तेःनाः ओउःमयःकोः मन्दीर्मा लाङ्काकोः मन्दीर्कोः क्वालाङःलो लेखालेः मुओ लेःआः। मोसाइ ओउः लात्सा खाय्ओ मन्दीर् जाङ्ह्तोक् बेलाहाङः परमेस्वर्इ इतलेः गानाक्ती तोआथै “लौ इ मन्दीर्पाय् नाङ्कायः स्यालुङ्हाङः छ्यानःओ मन्दीर्कोः रुप्कुस् घार्ती जाङ्ह्उ दा” त दाय्ह्ती परमेस्वर्इ तोआथै।
ओहाङःसै उय्ह्लेहाङः ओउः ल्हाव्ह्दैबाङ्कोः पेमालो मान्तालम्कायःमा परमेस्वर्इ सुमा वेताक्ती गम्मामाःत लय्ङ्ती वाङ्ओ तीःइ ज्युप्ती वाय्ताक्आथास। पेमालोलम्खेकायः वाय्ताक्थासतो ओउः पेओ कुरा थोल्ह्ती तोओ नोआह्खेकायःमा अरु ओउःकोः सात् लयःमयःचोङ्कायःमा सबै आत् मान्ताकायः ह परमेस्वर्इ तीःसै दल्ताक्आकान्।
ကြော်ငြာတွေ