हेब्रैनी 11:31 - चेपाङ

³¹ फेरी ओउः रन्‍दी राहाब् त तोओमा परमेस्‍वर्‌कायः ङ्‌हाम्‌ती झ्‍यान्‍ते अरु यरीखोहाङः मुओ ङ्‌हाम्‌मालोलम्‌कायः सात्‌तोक्‌हाङः ओउःकायःपाय् सात्‌थाल दल्‌लेःआ। दोह् हायःती दाय्‍ह्‌सा ओउः कनान् देस् योलाङ् वाङ्ओ इस्राएलीकोः नीस्‌चाक्‌कायः ओउःइ पेतोलेः रोम्आकान्।

हेब्रैनी 11:31 ပူးပေါင်းရင်းမြစ်များ

मत्ती 1:1

येसु ख्रीस् त तोओ आब्राहाम्‌कोः प्‍लोमःदानेमा खेःतो दावुद् राजाकोः प्‍लोमःदानेमा खेःतो। इहाङः येसुकोः होह्र् थेङ्ओ लेखती मुनाः।

मत्ती 1:5

नहस्‍योन्‌कोः सल्‍मोन् सल्‍मोन्‌कोः बोआस् बोआस्‌कोः आमा राहाब् त तोओ खेःतो। बोआस्‌कोः गोय्‌चोः ओबेद् ओउःकोः आमा रुथ् त तोओ खेःतो। ओबेद्‌कोः गोय्‌चोः येसे खेःतो येसेकोः गोय्‌चोः दावुद् राजा।

खबरदुत 15:33

ओहाङः बल नाःतो दीन्‌कायः स्‍यान्‌ती मुआक्‌तीको येसुकायः ङ्‌हाम्ओ मान्‍ताकःसै वेङ्‌ती पेतो दाम्‌काय्‌ती यहुदा सीलास् नीस् साथीचाः यरुसालेम्‌ताङ् पाय्‍ह्आकाय्।

हेब्रैनी 3:18

ओहाङःसै ओउः सायःसा ग्‍यामालोलम्‌कायः “लौ ओउःमयः ङाकुस् ङाकोः पेतो य्‍हाङःती मुसा राजीहाङः पोक्‌सा गलमा दोःइली” त दाय्‍ह्‌ती परमेस्‍वर्‌इ कीरीया जेःती तोती गम्आकान् खेःल तब आने।

याकुब् 2:25

ओउः बेस्‍या राहाब् त तोओइमा यहुदीलम्‌सै वाङ्ओ देस् कनःती योओ मान्‍तालम्‌कायः ग्‍याती लव्‍ह्‌माआकान् ओउःमयःकायः दल्‌ताक्‌साकायः पेओ ल्‍याम्‌हाङः ल्‍होक्‌माआकान्। ओउःत पेओ काम् जाङ्‌ह्‌माधार्‌नालेः ओउः मोमःचोःमा परमेस्‍वर्‌कोः मीक्‌हाङः पेतो स्‍याव्आ।

१ पत्रुस् 2:8

फेरी इ अरु कुरामा लेखओआः परमेस्‍वर्‌कोः कुरा ङ्‌हाम्‌मालो मान्‍तालम्‌कायः “लौ ओउःपाय् दोम् त्‍योक्‌सा बाङ् स्‍याव्‌नाः ओउःहाङः मान्‍ता क्‍वेन्‍ह्‌ती तोन्‌नै” एत हायःसा ङ्‌हाहाङःसै रय्‍ह्ओलेः खेःतो ओउःमयःखेपाय् ङ्‌हाम्‌नीली त खेःया वाह्‌तोक्‌हाङः तोन्आकाय्।

१ पत्रुस् 3:20

ओउः पानःती गम्ओलम्इ उय्‍ह्‌लेहाङः नोआह् त तोओकोः जहास् जाङ्‌ह्‌तोक् बेलाहाङःपाय् परमेस्‍वर्‌कोः कोदीङःती तोओ कुरा सायःसा ग्‍यामालो खेःइतो ओउःत झ्‍यान्‍ते नोआह्‌कुस् आत्‌जन ह तीःजहास्‌हाङः पोक्‌ती झ्‍यान्‍ते तीःसै दल्‌तो स्‍याव्आकाय्।