हेब्रैनी 11:25 - चेपाङ

²⁵ ओउः राजाकोः दर्‌बाल्‌हाङः यात्‌नीस् बर्‌सकायः लीङ्‌हायःती रेव्‌तो काम्‌लम् जाङ्‌ह्ओसै परमेस्‍वर्‌कोः मान्‍तालम्‌कुस् लीह्‌सीःओ गोरःसा झाक्‌लेःआ।

हेब्रैनी 11:25 ပူးပေါင်းရင်းမြစ်များ

मत्ती 13:21

लोने परमेस्‍वर्‌कोः काम् जाङ्‌ह्‌साकायः लीह्‌सीःओ बेला वाङ्‌नाः त खेःया ओउः कुरा फेनानी। इलो खेःओ मान्‍तालम् रुत् ज्‍युम्‍ह्‌ती आलःमालो बाङ् ह्र्युङ्‌हाङः दीह्ओ बीया चोयालो लेखा मुनै।

लुका 16:25

‘लौ चोः नाङ्‌खेपाय् ल्‍हाव्‍ह्‌दैबाङ्‌हाङः मुतोक्‌हाङः पेपेओ थोक्‌लम् दोःतेःआ ओउःतोक् बेलाहाङः इ लाजरुस्‌खेपाय् रेव्‌तो थोक्‌लम् ह दोःआ इत नाङ्इ चीःतेःनौ। द्याह्‌पाय् ओउःखे पेतोलेः स्‍याव्‌नाः नाङ्‌खेपाय् लीह्‌सीःओ च्‍यवःतेःनौ।

खबरदुत 7:34

‘मीस्रा देस्‌कोः मान्‍तालम्इ ङाइ लयः छ्युङ्‌ह्ओ इस्राएल्‌कोः मान्‍तालम्‌कायः गुच्‍युक् खह्र्ओ जाङ्‌ह्‌नाःथास गुच्‍युक् लीह्‌सीःओ बयःनाःथास त ङाइ चीःआलाङः बा। ओउःमयः काय्‍ह्‌ल्‍ह्याव्‌ती र्‍याःओमा सायःआलाङः ओउःत झ्‍यान्‍ते ओउःमयःकायः इ लीह्‌सीःओसै ल्‍हेस्‌ताक्‌लाङ् वाङ्आलाङः। लौ एत हायःसाकायः ङाइ द्याह् मीस्रा देस्‌ताङ् द्यान्‍ह्‌ती ल्‍होक्‌नेःनाङ्’ त दाय्‍ह्‌ती परमेस्‍वर्‌इ तोआथै।

रोमी 5:3

ओउःत तय्‍ह्ओकायः म्रोनाःतय्‍ही फेरी ङी लीह्‌सीःओ च्‍यवःसाकायःमा म्रोनाःतय्‍ही दोह् हायःती दाय्‍ह्‌सा लीह्‌सीःओ गोरःओ मान्‍तापाय् ग्रमःतलेः स्‍याव्‌नाः

२ कोरीन्‍थी 5:17

ओउःत खेःया सुसु ख्रीस्‌कोः मान्‍ता लेःआः ओउःपाय् नया स्‍याव्ओ मान्‍ता खेःलेःनाः। आय् कुरा द्याह् म्‍हीत्‌ती मीह्‌लेःआ लौ सबै कुरा रौलेः खेःनाः बा।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

२ तीमोथी 1:8

ओउःत झ्‍यान्‍ते ङीकोः प्रभुकोः कुरा तोसाकायः रैतेःचाः। ओउःकोः काम् जाङ्‌ह्ओकायःलेः ङा झ्‍याल्‍खानहाङः मुओ मुनाङः। ओउःत चीःती रैमामाःत परमेस्‍वर्‌कोः पेओ समचार्‌ तोती ङाकुस्इ लीह्‌सीःओ गोरःसा ग्‍याअ दा। ओउःत हायःसाकायःलेः परमेस्‍वर्‌इ लयःकोः ग्‍वम् बयःआतय्‍ही।

हेब्रैनी 10:32

द्याह् ख्रीस्‌कोः कुरा ङ्‌हा चीःओ दीन्‌लम्‌पाय् गीलनु। ओउःनम् दीन्‌लम्‌पाय् अरुइ आनतेः लीह्‌सीःओ बयःतेःइतो ओउःत हायःओ नीङ्इ ग्रमःतलेः गोरःतेःआकानी।

हेब्रैनी 11:37

अरु ङ्‌हाम्ओलम्‌कायः मान्‍तालम्इ बाङ् आप्‌ती थोःती सात्‌माआकानी करन्‌तीइ ङ्‌हकःती तात्‌माआकानी तरवाल्इ पाल्‌माआकानी। अरु ङ्‌हाम्ओलम् ह्र्यात् स्‍याव्‌ती मेत्‌छ्याः भेदामेत्‌छ्याःकोः पुन् ह लावती वाह्आकाय्। ओउःमयःकायः अरुइ पेमालो हायःमाआकानी लीह्‌सीःओ बयःमाआकानी।

हेब्रैनी 4:9

खेःल परमेस्‍वर्‌कोः मान्‍तालम्‌पाय् जुदालेः पोक्‌धाङ्इली ओउःत झ्‍यान्‍ते परमेस्‍वर्‌कोः मान्‍तालम्‌कायःपाय् अरु य्‍हाङःतो मुसा राजीपाय् मुलेःधाङ्‌नाः बा।

याकुब् 1:20

दोह् हायःती दाय्‍ह्‌सा ल्‍हुङ् मल्‍ह्ओहाङः मान्‍ताइ परमेस्‍वर्‌ झाक्ओ काम् पेतो जाङ्‌ह्‌सा खाय्उलु।

याकुब् 5:5

ल्‍हाव्‍ह्‌दैबाङ्‌हाङः मुतोक्‌हाङः नीङ् आन ङोस्‌तोलेः चोङाय्‌ती मुतेःआकाय्। आन भोरःती जेःती तुङ्‌ती झ्‍यान्‍ते नीङ् द्युन्‌तोतेः स्‍याव्‌तेःइतो द्युन्ओ मेत्‌छ्याःलो लेखालेः नीङ्‌कोः सात्‌ती वाय्‌सा दीन् वाङ्आनाः।

१ पत्रुस् 2:10

उय्‍ह्‌लेहाङः नीङ्‌पाय् परमेस्‍वर्‌कोः मान्‍ता खेःतेःइली नीङ्‌कायः ओउःइ योनःती योतेःइली द्याह् ओउःइ नीङ्‌कायः योनःती योती झ्‍यान्‍ते नीङ्‌पाय् परमेस्‍वर्‌कोः मान्‍ता मुबाय्‌तेःनै।

प्रकाश 18:7

ओउःपाय् लयःकायः नाःतोलेः ताङ्‌ह्‌ताक्आकास लयःकोः ल्‍हुङ्‌कोः मोह्‌हाय्ओपाय् नाःतोलेः जाङ्‌ह्आकास त्‍युम्‍ह्आकास। द्याह् ओउःच्‍युक्‌लेः लीह्‌सीःओ द्यानःती बयःपाःथै। ओउःपाय् ‘लौ ङापाय् रानी स्‍याव्‌ती मुओआः ङ। ङापाय् बुधा नाःमालो मोमःचोः गलमा स्‍याव्‌ङल सीओ बुधाकायः गलमा क्रेस्‌सा परङल’ त दाय्‍ह्‌ती लयःकोः ल्‍हुङ्‌हाङः ङाःतीलेः ताःआकास।