हेब्रैनी 11:1 - चेपाङ1 ङी ङ्हाम्ओ मान्ताइ लोने वाङ्सा झाक्ओ कुरापाय् “ताप्आनाः बा” तमा दाय्ह्ती दाय्ह्लेःनाङी द्याह् च्यवःसा खाय्मालो कुरापाय् “मुलेःनाः बा” तमा चीःलेःतय्ह्नी। အခန်းကိုကြည့်ပါ။ |
हेब्रैनी 11:1
24 ပူးပေါင်းရင်းမြစ်များ
इ चेती ङा पावुल्इ ङाकुस् दोङ् पेतो ङ्हाम्ओ हौ तीतस्कायः लेखती ल्होक्नेःनाङ्। ङाकायःपाय् परमेस्वर्कोः काम् जाङ्ह्साकायः येसु ख्रीस्इ छ्युङ्ह्ती ल्होक्आताङः। ओउःइ छीह्ओ मान्तालम्कायः पेतो ङ्हाम्ताक्साकायःमा ओउःकोः दोङ् कुरा पेतो चीःती वाह्ताक्साकायःमा परमेस्वर्इ छ्युङ्ह्आताङः। लोने दोःसा गलमा वाय्मालो रौ जीङःकायः ङीइ झाह्तीलेः ल्युङ्ह्ती मुनाङी। इ रौ जीङःकोः कुरापाय् ओउः गलमा माःताक्मालो परमेस्वर्इ उय्ह्लेहाङःसै ङीकायः तोती गम्ओ लेःआः। ओउःइपाय् लयःकोः क्रोःओ बेलाहाङः ओउः कुराकोः नोःराय् छ्यानःआकान्। ओहाङःसैको ओउः नोःराय्पाय् थोल्ह्ती तोसाकायः ङीकायः दल्ताक्सा परमेस्वर्इपाय् ङाकायःलेः बयःती ल्होक्आताङः। लौ तीतस्य ङीकोः परमेस्वर् आपाइमा ङीकायः दल्ताक्सा येसु ख्रीस्इमा नाङ्कायः योनःती योती ल्हुङ् धोमाय्ताक्तेःपाः।
ओउः ङाइ मेस् तोओ मान्तालम्पाय् परमेस्वर्इ तोती गम्ओ कुरा सबैइ पेतोलेः ङ्हाम्आकानी। ङ्हाम्सापाय् ङ्हाम्नीतो ओउः कुरापाय् “लोने वाङ्सा मान्तालम्खे दोःलेःनै ङी ल्हाव्ह्दैबाङ्हाङः यात् चीच्योक्कायः ब्याह्ती वाह्ओमयःखेइ ओउः कुरापाय् लयः दोःमाःत सीनाङी लोक्तोसै ह च्यवःनाङःसु” त म्रोतोलेः दाय्ह्आकाय्।
ओहाङःसैको नोआह्इमा परमेस्वर्कायः ङ्हाम्ती झ्यान्ते परमेस्वर्इ तोओ लोनेः वाङ्सा खेःओ कुरापाय् ओउः कुरा च्यवःधाङ्माःखाहाङः ओउःइ सायःआकान्। सायःआक्तीको नोआह्इ परमेस्वर्कः रैती लयःकोः कीम्कोः मान्तालम् दल्ताक्साकायः ताङ्ह्ओ “आर्क्” त तोओ तीःजहास् जाङ्ह्आकान्। जाङ्ह्आक्तीको ओउः जहास्हाङः पोस्ती नोआह्मा ओउःकोः कीम्कोः मान्तालम्मा सबै दल्आकाय्। ओउःइ ङ्हाम्आक्तीको दल्आकाय् त झ्यान्ते ओउःइ अरु सीओ ल्हाव्ह्दैबाङ्कोः मान्तालम्कायः “पेमालो हायःआकानी” त छ्यानःआकान्। ओहाङःसैको ओउःकोः ङ्हाम्झ्याङ्कायः परमेस्वर्कोः मीक्हाङः नोआह् पेतो स्याव्लेःआ।
ओउः लाङ्कामयःइ बयःओ कुराखे सायःमालोलम् न्युम्ह्आकाय् त खेःया न्हाङ्तोलेः परमेस्वर्कोः चोःइ बयःओ ताङ्ह्ओ दल्ताक्सा कुराखे ङीइ सायःसालेः खेःतो बा उया ङीइपाय् गलमा दल्तो स्याव्तय्हीली बा। ओउः दल्सा कुरापाय् प्रभु येसुइ ङ्हासै तोआकान् ओहाङःसैको ओउःइ तोआक्तीको ओउःकायः सायःओ मान्तालम्इमा ङीकायःपाय् पाःतीलेः तोआतय्ही।
ကြော်ငြာတွေ