हेब्रैनी 10:35 - चेपाङ

³⁵ लौ उया नीङ् ल्‍हुङ् क्रोङ्‌तोलेः मुन इत हायःओ फेलाम् ओहाङःसै नीङ् लोनेः आन पेतोलेः दोःतेःनै।

हेब्रैनी 10:35 ပူးပေါင်းရင်းမြစ်များ

मत्ती 10:32

सुसुखेइ मान्‍तालम्‌कःताङ् ‘ङापाय् ख्रीस्‌कोः मान्‍ता लेःआः ङ’ त फुती तोनौ ओउःकायःलेः ‘लौ इपाय् ङाकोः मान्‍ता लेःआः बा’ त दाय्‍ह्‌ती ङाकोः लाङ्‌काहाङः मुओ परमेस्‍वर्‌ आपाकायः तोनाङः।

मत्ती 10:42

दोङ्‌सी दाय्‍ह्‌भनाङ् सुसुखेइ ‘इपाय् येसुकुस् वाह्‌नाः’ त दाय्‍ह्‌ती यात्‌चाक् ङाकुस् वाह्ओमयःकायः तुङ्‌सा तीः बयःनाःथै ओउःलेः परमेस्‍वर्‌कःसै जाङ्‌ह्‌झ्‍याङ्‌कोः दोःलेःनै” त दाय्‍ह्‌ती येसुइ तोआथास।

लुका 14:14

ओउःमयःखेइ नाङ्‌कायः भोस् द्यानःसा खाय्‌सापाय् खाय्‌नीली लोनेः नाङ् आन चोङाय्‌तोलेः स्‍याव्‌तेःनै दोह् हायःती दाय्‍ह्‌सा रौ जीङः दोःओलम् उह्‌ती च्‍योक्ओ बेलाहाङः नाङ्‌कोः पेओ जाङ्‌ह्‌झ्‍याङ्‌कायः नाङ् पेतोलेः दोःतेःनाः बा” त दाय्‍ह्‌ती येसु ओउः भोस् जाङ्‌ह्ओ फरीसीकायः तोआथै।

१ कोरीन्‍थी 15:58

लौ उया ङाइ राप्ओ पुःचोङ् हौचोङ्‌य ग्रमःत मुती प्रभुकोः काम्‌पाय् गलकायःमा पेतो म्‍ह्याङ्‌तीलेः जाङ्‌ह्‌झुङ्‌नु दा ओउःपाय् आह्रे काम् खेःबाय्‌ल।

एफेसस् 3:12

येसु ख्रीस्‌कायः ङ्‌हाम्‌ती ओउःकुस् ब्राङःती परमेस्‍वर्‌कःताङ् फवःतीलेः आल्‌सा खाय्‌नाःतय्‍ह्‌नी।

हेब्रैनी 10:19

ओउःत झ्‍यान्‍ते पुःचोङ् हौचोङ्‌य येसु ख्रीस् सीती वयः बयःधार्‌नालेः ङीपाय् ओउः जुगाङ् नीङ्ओ थाव्‌हाङः सोकार्‌तोलेः पोक्‌सा दोःनाःतय्‍ही।

हेब्रैनी 11:26

“ङा लोनेः वाङ्‌सा खेःओ ख्रीस्‌लो लेखालेः लीह्‌सीःओ गोरःनाङः ओउःत हायःझ्‍याङ्‌कायः ङा परमेस्‍वर्‌सै मीस्रा देस्‌हाङः मुओ सम्‍पतीलम्‌सै पेओ दोःलेःनाङः” त दाय्‍ह्‌ती मोसा म्‍हर्‌आ।

हेब्रैनी 2:2

दोह् हायःती दाय्‍ह्‌सा ओउः लाङ्‌काकोः ल्‍होक्ओमयःइ तोती बयःओ कुरापाय् दोङ् सायःसा खेःओ कुरा खेःतो। सुसुइ ओउः कुरा सायःसा ग्‍यामाःत झ्‍यान्‍ते जाङ्‌ह्‌नीली ओउःपाय् लोने न्‍युम्‍ह्‌तोलेः स्‍याव्‌नै।

हेब्रैनी 3:14

ङी लोनेःकोः वाङ्‌सा खेःओ दीन्‌च्‍युक्‌कायः ङ्‌हालो लेखालेः येसुकोः ङ्‌हाम्‌सीःओ कुरा ग्रमःतलेः ङ्‌हाम्‌ती मुनाःतय्‍ही त खेःया ङी येसुकुस् ब्राङ्‌तोलेः मुसा दोःनाःतय्‍ही।

हेब्रैनी 3:6

येसु ख्रीस्‌खेपाय् परमेस्‍वर्‌कोः चोःलेः खेःती झ्‍यान्‍ते परमेस्‍वर्‌कोः मान्‍तालम्‌सै पुःती ओउःकोः काम् पेतो जाङ्‌ह्‌नौ। फेरी ङीइपाय् ग्रमःत मुती लोनेः वाङ्‌सा कुराकायः पेतो चोङाय्‌तोलेः ङ्‌हाम्‌पाःतय्‍ह्‌नी ओउःत खेःया परमेस्‍वर्‌कोः मान्‍तापाय् ङीलेः खेःनाःतय्‍ही।

हेब्रैनी 4:14

ओउःत खेःओ ङीइ थोल्‍ह्‌ती तोओ कुरापाय् पेतो ग्रमःत मुती ङ्‌हाम्‌पानाःतय्‍ही दोह् हायःती दाय्‍ह्‌सा लाङ्‌काताङ् ज्‍योय्‌ती दाह्ओ परमेस्‍वर्‌कोः चोः येसुपाय् ङीकायः आन ताङ्‌ह्ओ प्रधान् पुरोहीत् मुलेःनाः।

२ युहना 1:8

ओउःत खेःओ ल्‍हुङ् घीःती मुन ओहाङःसैको नीङ्‌कोः हायःझ्‍याङ्‌कोः वाय्‌माःत मुनाः जुगाङ् दोःतेःनै।