हेब्रैनी 10:24 - चेपाङ

²⁴ ओहाङःसैको ङीपाय् लःलयःकायः योनःतीमा राप्‌तीमा “पेतो हायःनी” त दाय्‍ह्‌ती लव्‍ह्‌काय्इ।

हेब्रैनी 10:24 ပူးပေါင်းရင်းမြစ်များ

खबरदुत 11:29

ओहाङःसैको इ कुरा सायःती ओउः अन्‍तीयोक्‌कोः येसुकायः ङ्‌हाम्ओमयःइ “लौ लःलयःकोः नाःजम्‌च्‍युक् यरुसालेम्‌हाङः मुओ ङ्‌हाम्ओमयःकायः पैसा ल्‍होक्‌पाः” त दाय्‍ह्‌ती होम्‌काय्आकाय्।

रोमी 11:4

परमेस्‍वर्‌इ गत त्‍याङ्आ दाय्‍ह्‌सा “लौ ओउः पेमालो बाःअल् त तोओ द्यव्‌ताकायः मानमालो मान्‍तालम्‌कोः सात् हजार्‌ मान्‍ताकायः ‘इमयः ङाकोः मान्‍तालेः मुपै’ त दाय्‍ह्‌ती गम्‌बत्आलाङःस” त दाय्‍ह्‌ती ओउः बेलाहाङः परमेस्‍वर्‌ त्‍याङ्आ।

रोमी 12:15

चोङाय्ओ मान्‍तालम्‌कुस् चोङाय्‌ती मुन क्रेस्ओ मान्‍तालम्‌कुस् क्रेस्‌ती र्‍याःन।

१ कोरीन्‍थी 10:33

ङालो लेखालेः लयःकोः कुरा बोङःमाःत सबैकायः गलमा म्रोताक्‌ती ओउःमयःकायः दल्‌ताक्‌सा बोङःनु।

१ कोरीन्‍थी 9:22

फेरी ओउः ग्रमःत ङ्‌हाम्‌धाङ्‌मालोलम् पेतो ङ्‌हाम्‌ताक्‌साकायः ङा ग्रमःत ङ्‌हाम्‌धाङ्‌मालो मान्‍तालो लेखा स्‍याव्‌नाङः। माः रैस यात्‌नीस्‌चाक् दल्‌ताक्‌साकायः ङा सबैकायः दोह् खेःयामा स्‍याव्‌सामा ग्‍यालेःनाङः दोह् खेःयामा जाङ्‌ह्‌सामा ग्‍यालेःनाङः।

२ कोरीन्‍थी 8:8

एत तोओपाय् गानाक्‌ती तोओलेः खेःल। ओउः अरु मान्‍तालम् गुच्‍युक् साय्‍क्‌तोलेः बयःसा ग्‍यानै त नीङ्‌कायः छ्यानःनेःआलाङ्‌स। ओहाङःसै नीङ्इमा अरुलम्‌कायः गुच्‍युक् राप्‌ती बयःतेःनानी त ङाइ योसालेः खाय्‌नाङः ओउःत हायःसाकायः ह इतलेः तोनेःआलाङ्‌स।

२ कोरीन्‍थी 9:2

नीङ् बयःसा ग्‍यातेःनै त चीःती एतलेः मासीदोनीयाकोः मान्‍तालम्‌कायः तोआलाङः “लौ ओउः आखया अन्‍चल्‌कोः कोरीन्‍थ सहर्‌हाङः मुओ ङ्‌हाम्ओलम् तेह्‌हाङःसैकोः लव्‍ह्‌ती बयःसा रोःओ खेःइतो” त दाय्‍ह्‌ती तोआलाङः। नीङ् ओउःच्‍युक् ग्‍याओ त अरुलम्इ चीःआक्‌तीको ओउःमयःमा द्याह् बयःसाकायः रोःती मुनै।

गालाती 5:13

लौ पुःचोङ् हौचोङ्‌य ओउः ऐन् जाङ्‌ह्ओ फेसाकायः परमेस्‍वर्‌इ गोत्‌तेःआकाय्। ओहाङःसैको ओउः ऐन् फेसापाय् फेताक्‌तेःआकाय् ओउःत स्‍याव्आक्‌तीको लयःकोः ल्‍हुङ्‌कोः पेमालो मोह्‌हाय्ओ कुरा जाङ्‌ह्‌माःत अरुकायः राप्‌ती पेओ काम् जाङ्‌ह्‌नु दा।

गालाती 5:22

ओउःपाय् ल्‍हुङ्‌खेकोः रेव्ओ कुराखे लेःआः। परमेस्‍वर्‌कोः ग्‍वालामःखेकोः पेओ कुराखे इलेःआः। राप्ओ ल्‍हुङ्‌मा चोङाय्ओ धोमाय्ओ ल्‍हुङ्‌मा लीह्‌सीःओ गोरःओ पेओ योनःती योओ ल्‍हुङ्‌मा ङ्‌हाम्‌सीःओ काङ्ओ रेव्‌तो जाङ्‌ह्‌सा ग्‍यामालो ल्‍हुङ्‌मा लयःकायः मीतो योओमा ओउः सबैलेः परमेस्‍वर्‌कोः ग्‍वालामःइ बयःओ कुरालेः ऐन्इ ताक्‌मालो कुरा खेःल।

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

गालाती 6:1

लौ पुःचोङ् हौचोङ्‌य नीङ्‌कःहाङः यात्‌चाक्इ रेव्ओ काम् जाङ्‌ह्ओ अरुइ च्‍यवःनानी त खेःया नीङ् परमेस्‍वर्‌कोः ग्‍वालामःकोः कुरा जाङ्‌ह्‌ती वाह्ओलम्इ ओउःकायः काङ्‌तीलेः गानाक्‌ती पेतो स्‍याव्‌ताक्‌नु दा। एत हायःतोक्‌हाङः नीङ्‌मा रेव्ओ काम्‌हाङः गन्‌तेःचाःताक्‌चाःइसी।

कोलसी 3:16

ख्रीस्‌कोः नोःराय् ल्‍हुङ्‌हाङः पेतोलेः सेती गम्‌ती लःलयःमयःकायः व्‍हाय्‌तोलेः स्‍यान्‌काय्‌माइसी लुङ्‌काय्‌माइसी। ल्‍हुङ्‌हाङः “च्‍युता” त दाय्‍ह्‌ती परमेस्‍वर्‌कायः पेओ गीत्‌लम् भजन्‌लम् मेन।

१ थेसलोनिकि 1:3

दोह् हायःती दाय्‍ह्‌सा ङीकोः प्रभु येसु ख्रीस्‌कायः पेतो राप्‌तीमा ङ्‌हाम्‌तीमा नीङ्इ ओउःकोः काम् त्‍युस्‌ती जाङ्‌ह्‌तेःनानी फेरी प्रभुकोः द्यान्‍ह्‌ती वाङ्‌सा दीन्‌कायः नीङ् ग्रमःतलेः ल्‍युङ्‌ह्‌ती मुतेःनै। ओउःत गीलती ङीइ परमेस्‍वर्‌ आपाकायः तेती तोतोक्‌हाङः गलकायःमा “च्‍युता” त तोनाङःसु।

१ थेसलोनिकि 5:11

ओउःत चीःती लयःमयः लुङ्‌काय्‌धै लव्‍ह्‌काय्‌धै मुन। नीङ्इ द्याह् लेखालेः ओउःत हायःनु दा।

२ थेसलोनिकि 3:9

नीङ्‌कःसै जेःगा तुङ्‌गा सोह् त्‍याक्‌सा स्‍याव्‌सापाय् स्‍याव्ओ खेःतो ङीइ नीङ्‌कायः पेतो स्‍यान्‌साकायः ओउःतलेः हायःआलाङःसु।

१ तीमोथी 6:18

ओउःमयःइ नाःतो पेओ काम्‌लम् जाङ्‌ह्‌ती आय्‍ह्ओ ल्‍हुङ्इ नाःतो नाःमालोलम्‌कायः बयःपानानी।

तीतस् 2:4

अरु तोहा वानःओ बुधीलम्‌कायः “लौ लयःकोः बुधाकायःमा चोःलम्‌कायःमा इत पेतो राप्उसु” त छ्यानःती तोपानी।

तीतस् 3:8

लौ इपाय् दोङ् ङ्‌हाम्‌सीःआ कुरा लेःआः। इ कुरामा नाङ्इ परमेस्‍वर्‌कोः ङ्‌हाम्ओलम्‌कायः सबै दोङ्‌ह्‌तोलेः स्‍यान्‌सा खेःतो ओहाङःसैको ओउःमयः पेतोलेः हायःती वाह्‌सा खाय्‌नानी। इ कुरापाय् सबैकायः पेलेःनाः स्‍याव्‌लेःनाः।

हेब्रैनी 13:1

अरु ङ्‌हाम्ओलम्‌पाय् लयःकोः पुःचोङ् हौचोङ्‌लो लेखा राप्‌काय्‌ती मुन।

हेब्रैनी 13:3

फेरी झ्‍याल्‍खानहाङः थुनती मुओलम्‌कायः नीङ्‌मा ओउःमयःकुस् मुओलो लेखा ताःती लव्‍ह्‌सा खेःतो एतमा म्‍हेःलाम्। लीह्‌सीःओ गोरःओलम्‌कायः नीङ्‌मा लयः धेःती लीह्‌सीःओ गोरःती मुओलो लेखा योनःतीलेः योनु दा।

हेब्रैनी 3:13

ओउःत झ्‍यान्‍ते तेन्‌छ्याङ्‌कोः दीन्‌लम्‌हाङः “सुकायःमा रेव्ओइ थ्‍योन्‍ह्‌ती ल्‍हुङ् चाक्‌तोलेः स्‍याव्‌ताक्‌लाम्” त दाय्‍ह्‌ती दीन् दीन्‌कायः स्‍योत्‌ती स्‍योत्‌ती लःलयःमयःकायः लव्‍ह्‌काय्‌न दा।

१ युहना 3:18

लौ हौलम्‌य ङीइ नाःमालो हौकायः योती “लौ ङाकोः हौकायः आन राप्‌नाङः” त तोती दोह्‌मा बयःसा ग्‍यामालो मुचाःतय्‍ही त खेःया ओउःपाय् स्‍याव्‌ल। दोह्‌त नीङ्इ लेइ नोःतेःनै ओउःतलेः क्रुत्इमा जाङ्‌ह्‌सा खेःतो।