हेब्रैनी 10:10 - चेपाङ10 ओउः नया कुराहाङः येसु ख्रीस्इपाय् परमेस्वर्कोः झाक्ओ काम् जाङ्ह्ती लयःकोः आङ् यातै पेन्ह्कायःलेः ल्हाती झ्यान्ते ङी सबैकायः रेव्ओ काम्सै छय्ङ्ताक्आतय्ही। အခန်းကိုကြည့်ပါ။ |
हेब्रैनी 10:10
25 ပူးပေါင်းရင်းမြစ်များ
मोसाकोः ऐन् ग्यामालो मान्ताकायः एत न्युम्ह्तो स्याव्नाः त खेःओ सुसुइ परमेस्वर्कोः चोः अह्र्तोलेः योचानी ओउःपाय् न्हाङ्तोलेः न्युम्ह्नै बा। दोह् हायःती दाय्ह्सा ओउः मान्ताइपाय् छय्ङ्ताक्ओ ख्रीस्कोः होम्काय्ती बयःओ वयःपाय् अरुइ बयःओ वयःलो लेखा मीतोलेः ताःमानौ ओउःकायः योनःती योओ परमेस्वर्कोः ग्वालामःकायःमा हेला क्लाःमानौ।
गुच्युक् न्हाङ्तोलेः ख्रीस्कोः वयःइपाय् ङीकोः ल्हुङ्तुक्खे छय्ङ्ताक्सा खाय्नौ बा। ओउः जुगाङ् नीङ्तो ख्रीस्इपाय् परमेस्वर्कोः गलकायः मुओ ग्वालामःकोः ग्वम् दोःती लयःकोः आङ्लेः परमेस्वर्कायः ल्हाआकास। ओहाङःसै ख्रीस्कोः वयःइ ङीकायः आह्रे जवओ काम्लम् फेताक्नाःतय्ही ओउःत हायःती ङीइ ओउः जीङः नाःओ परमेस्वर्कायः काम् जाङ्ह्सा खाय्नाःतय्ह्नी।
ज्युङ्ह्तोलेः वाङ्याकायः त खेःयाकायः ल्हाव्ह्दैबाङ् जाङ्ह्तोक्हाङःसैकोः ख्रीस्पाय् ज्युङ्ह्तोलेः लीह्सीःओ गोरःचाः खेःतो ओउःत हायःओ खेःल। द्याह् इ ल्हाव्ह्दैबाङ् द्युम्खेःओ दीन्लम्हाङः ख्रीस्पाय् सबैकोः रेव्ओ काम्लम् क्युम्ह्ती वाय्साकायः यातै पेन्ह्कायः लयःकोः आङ् ल्हालाङ् वाङ्आ।
ओउः दोह्मा रेव्ओ जाङ्ह्मालो ख्रीस्पाय् ङीकोः रेव्ओ काम्लम् सबै क्युम्ह्ती वाय्साकायः यातै पेन्ह्हाङः सीलेःआ। ओउः पेओ नीङ्ओ मान्ताइपाय् ङी रेव्ओ मान्तालम् परमेस्वर्कुस् गोय्खामःसाकायः ङीकोः होन्त लीह्सीःओ गोरःआकान्। ओउःकोः आङ् मुतोक्हाङः येसुपाय् सात्ओ खेःतो परमेस्वर्कोः ग्वम्इ उह्ती च्योक्ताक्ओ खेःतो।
ကြော်ငြာတွေ