ङी रेव्ओ ल्हुङ् नाःओ मान्तालम्कायःपाय् ओउः आय् ऐन्खेइ दल्ताक्सा खाय्उलु ओउःत झ्यान्ते परमेस्वर्इ लयःकोः चोःपाय् मान्तालो लेखा स्याव्साकायः ल्होक्आकान्। ङी रेव्तो हायःओ मान्तालो स्याव्आक्तीको परमेस्वर्कोः चोःइ रेव्ओ काम्लम् क्युम्ह्ती वाय्ताक्साकायः लयःकोः आङ् ल्हाआकास। एतलेः परमेस्वर्इ मान्ताकोः रेव्ओ काम् न्युम्ह्ताक्माआकान्
हेब्रैनी 10:1 - चेपाङ1 हेब्रैनीलम्कोः ऐन्कोः कुरापाय् ओउः लोनेः वाङ्सा दोङ् कुरा खेःल। ओउःपाय् लोनेः वाङ्सा कुराकोः क्वालाङः ह। ऐन्कोः कुरा जवओलम्इ साल् साल्हाङः यातैज्योः खाल्कोः थोक्पाय् ज्युङ्ह्ती ज्युङ्ह्ती ल्हानानी। ओउःपाय् साल् साल्कायः ल्हासा खेःतो ओउःत खेःया ओउः खाल्कोः ल्हाधार्नापाय् परमेस्वर्कःताङ् वाङ्सा मान्तालम्कोः ल्हुङ्तुक् जुगाङ् पेताक्सा खाय्उलु। အခန်းကိုကြည့်ပါ။ |
हेब्रैनी 10:1
13 ပူးပေါင်းရင်းမြစ်များ
हेब्रैनीलम्पाय् लेवीत तोओ पुरोहीत्लम् मुओ बेलाहाङः ऐन् दोःआकाय्। ओउः लेवीकोः खाल्कोः पुरोहीत्लम्इपाय् परमेस्वर्कोः काम् जुगाङ् केह्तोलेः जाङ्ह्सा खाय्ओ खेःतो त खेःया अरु थे मेल्कीसेदेक् खाल्कोः पुरोहीत् थाती वाङ्सा परआक्ल बा। ओउः थे खाल्कोः पुरोहीत्पाय् लेवीकोः प्लोमःदाने हारन्त तोओसै ग्ल्युङ्ह्ओ खेःआक्इली ओउःपाय् मेल्कीसेदेक्कोः खाल्लेः।
ओउः पुरोहीत्लम्इ ल्हाव्ह्दैबाङ्हाङः मुओ मन्दीर् कीम्कोः दुङ्हाङः ल्हासा काम् जाङ्ह्नानी। ओउःमयःकोः काम्मा लाङ्काकोः काम् तेःनाः ओउःमयःकोः मन्दीर्मा लाङ्काकोः मन्दीर्कोः क्वालाङःलो लेखालेः मुओ लेःआः। मोसाइ ओउः लात्सा खाय्ओ मन्दीर् जाङ्ह्तोक् बेलाहाङः परमेस्वर्इ इतलेः गानाक्ती तोआथै “लौ इ मन्दीर्पाय् नाङ्कायः स्यालुङ्हाङः छ्यानःओ मन्दीर्कोः रुप्कुस् घार्ती जाङ्ह्उ दा” त दाय्ह्ती परमेस्वर्इ तोआथै।
ओउः बेला द्याह् दाह्ओ लेःआः ख्रीस्पाय् तेन्छ्याङ्कोः पेओ कुरा स्याव्ताक्सा थेङा प्रधान् पुरोहीत् वाङ्ओ लेःआः। फेरी ओउः कुरा स्याव्ताक्साकायः ओउःपाय् अरुसै न्हाङ्तोलेः ताङ्ह्ओमा छय्ङ्ओमा मन्दीर्हाङः पुरोहीत् काम् जाङ्ह्लेःनौ। ओउः मन्दीर्पाय् मान्ताइ जाङ्ह्ओ खेःल इ जापीनःती न्यास्ओ ल्हाव्ह्दैबाङ्कोःमा खेःल लाङ्काकोः लेःआः।
ကြော်ငြာတွေ