ओउःकायः “फेनाङः” त म्हर्तोक्हाङः यात्चाक् परमेस्वर्कोः लाङ्कासै ल्होक्ओमयः युसेफ्कःताङ् माङःखाहाङः थाती वाङ्आ। थाती वाङ्ती “लौ नाङ् दावुद् राजाकोः प्लोमःदाने युसेफ्य नाङ्कोः धयःओ मरीयम् मोमःचोःकायः लयःकोः कीम्ताङ् वानःसा अह्र्तेःचानाः। परमेस्वर्कोः ग्वालामःइलेः ओउःकायः चोःतुक् स्याव्सा दोःताक्आथै बा।
हेब्रैनी 1:14 - चेपाङ14 ओउः लाङ्काकोः ल्होक्ओमयः सुलो दाय्ह्सा ओउःमयःपाय् परमेस्वर्कोः काम् जाङ्ह्सा खेःओ चाक् लेःआःइ ओउःमयःपाय् दल्तो स्याव्सा मान्तालम्कायः लव्ह्सा थेङा परमेस्वर्इ ल्होक्नाःथास। အခန်းကိုကြည့်ပါ။ |
हेब्रैनी 1:14
65 ပူးပေါင်းရင်းမြစ်များ
ओहाङःसैको ओउःमयः आल्आक्तीको यात्चाक् परमेस्वर्कोः लाङ्कासै ल्होक्ओमयः युसेफ्कःताङ् माङःखाहाङः थाती वाङ्ती “लौ चीङ्ती नाङ्कोः नीस् आमाचाः लात्ती मीस्रा देस्ताङ् क्रव्अ दा। ओहाङः दाह्आक्तीको ङाइ तोधाङ्माःच्युक्कायः मुन। नाङ्कोः चोःकायः हेरोद् राजाइ सात्ती वाय्सा बोङःनौ बा” त दाय्ह्ती युसेफ्कायः तोआकान्।
ओउःत तोती रोमो तोकोलेः ओउः ल्होक्ओमयःकुस् नाःतो अरुलम् थाती “लौ ‘परमेस्वर्पाय् सबैसै ताङ्ह्लेःनाः सबैसै पेलेःनाः’ त सबै लुङ्ती तोपानी। ल्हाव्ह्दैबाङ्कोः मान्तालम्कायः योनःतीलेः योती परमेस्वर्इ ओउःमयःकायः धोमाय्ओ ल्हुङ् बयःलेःनौ” त दाय्ह्ती सबै ल्होक्ओमयःइ परमेस्वर्कायः झाह्ती तोआकानी।
फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
लयःकोः म्हुक्ओ ल्हुङ्इ ह मान्ताइ परमेस्वर्कायः तय्ह्सा खाय्नीली दोह् हायःती दाय्ह्सा परमेस्वर् पेतो चीःती लयः झाक्ती झ्यान्ते दोह् थोल्ह्ती कुरालो ङ्हाम्सा ग्यामालोलम्खेइ “भ्यामःती नोःओ” त तोनानी ओउः कुराकायःलेः ग्याती ङ्हाम्आक्तीको ओउः ङ्हाम्ओ मान्तालम्खे दल्तो स्याव्नै।
ङामा लोने वाङ्सा बोङःनाङः द्याह् ङीकोः हौ एपाफ्रोदाय्तस् त तोओकायः नीङ्कःताङ् “द्यान्ह्ती ल्होक्सा खेःतो” त म्हर्आलाङः। ओउःकायः नीङ्इ ङाकःताङ् ल्होक्तेःआकानी ल्होक्आक्तीको ओउःइ पेतोलेः लव्ह्आताङः। ओहाङःसैको नीची नीस्चाक्इ ब्राङ्तोलेः परमेस्वर्कोः पेओ कुराकायः काम् जाङ्ह्माआलाङःचु त्यानःकाय्माआलाङःच।
ओउः लाङ्कामयःइ बयःओ कुराखे सायःमालोलम् न्युम्ह्आकाय् त खेःया न्हाङ्तोलेः परमेस्वर्कोः चोःइ बयःओ ताङ्ह्ओ दल्ताक्सा कुराखे ङीइ सायःसालेः खेःतो बा उया ङीइपाय् गलमा दल्तो स्याव्तय्हीली बा। ओउः दल्सा कुरापाय् प्रभु येसुइ ङ्हासै तोआकान् ओहाङःसैको ओउःइ तोआक्तीको ओउःकायः सायःओ मान्तालम्इमा ङीकायःपाय् पाःतीलेः तोआतय्ही।
ख्रीस्कोः कुरा एत छ्यानःतोक्हाङः “लौ इ नीङ्इ छ्यानःओ कुरा नीङ्कायः खेःल लोने वाङ्सा मान्तालम्कायः स्याव्लेःनाः” तमा ओउःमयःकायः छ्यानःओ खेःतो। ओउः लोने वाङ्सा मान्तालम्पाय् नीङ्लेः खेःतेःनै। फेरी ओउः येसु ख्रीस्कोः कुरापाय् तेन्छ्याङ् परमेस्वर्कोः लाङ्कासै ल्होक्ओ ग्वालामःकोः ग्वम् दोःओलम्इ नीङ्कायः छ्यानःओ पेओ समचार् लेःआः बा। इ कुरामा परमेस्वर्कोः लाङ्काहाङः मुओ ल्होक्ओमयः योसामा तय्ह्सामा आन झाह्नै।
फेरी नीङ् पुःचोङ्लम्य “बुधीपाय् ङासै ध्यव्ओ लेःआः” त चीःती लःलयःकोः बुधीकुस् याक्ती ओउःकायः लव्ह्ती बयःनु दा। नाङ्कोः बुधीपाय् नाङ्कुस् आङ् ब्राङ्ती परमेस्वर्इ योनःती बयःओ रौ जीङः दोःतेःनाःज। एत चीःनु ओहाङःसैको ओउःकायः पेतो हायःआक्तीको नीङ्कोः तेओ कुरा परमेस्वर्इ ल्हेत्माःत ग्याती सायःलेःनै।
ओउःत तोआक्तीको ङाइ योती यात्ज्योः भेदा मेत्छ्याःकोः चोः ओउः राजा च्युङःसा थाव्कोः माझहाङः सात्गार्ओ लेखा च्यवःआलाङः। ओउःकायः तोङःती ओउः चार् जीङः नाःओलम्मा ओउः चौबीस् थालवःपालम्मा मुओ खेःतो। ओउः भेदामेत्छ्याःकोः चोःपाय् सात्गोता रोङःमा सात्गोता मीक् नाःओ खेःतो। ओउःकोः सात्गोता मीक्पाय् ओउः ल्हाव्ह्दैबाङ्हाङः तीक्ती वाह्साकायः ल्होक्ओ परमेस्वर्कोः सात् ग्वालामः लेःआः इ।
ကြော်ငြာတွေ