हेब्रैनी 1:1 - चेपाङ1 उय्ह्लेखेहाङः परमेस्वर्इ लयःकोः नोःराय्लेः ओउःकोः कुरा छ्यानःओमयःकायः बयःआथास। नाःतो बेलाहाङः नाःतो खाल्कोः कुरालम् दाय्ह्ती ङीकोः आय्कानः तोकानःलम्कायः तोसा थेङा ओउःइ बयःथासतो အခန်းကိုကြည့်ပါ။ |
हेब्रैनी 1:1
35 ပူးပေါင်းရင်းမြစ်များ
ओउःत झ्यान्ते पावुल्इ येसुकोः कुरा तोती छ्यानःसा दीन् दोक्ती गम्आक्तीको ओउःनम् दीन्हाङः नाःतो यहुदीलम् पावुल् मुओ कीम्ताङ् हुम्ती वाङ्आकाय्। हुम्ती वाङ्आक्ती पावुल्इ येसुकोः कुरामा परमेस्वर्कोः राजीकोः कुरामा प्रीमाहाङःसै याह्दीङ्मा दाह्तोलेः स्यान्ती ओउः हुम्ओ मान्तालम्कायः तोआथास। उय्ह्लेहाङः लेखओ मोसाइ तोओ कुराहाङःमा परमेस्वर्कोः कुरा छ्यानःओमयःकोः कुराहाङःमा “ख्रीस्कायः दोह् दोह् लेखती मुनाः” त स्यान्ती तोती ओउःमयःकायः होम्सा बोङःआकान्।
तेन्छ्याङ् इ येसु ख्रीस् लाङ्काताङ् आल्ती द्याह् मुधाङ्सा खेःतो। येसु लाङ्काहाङः मुती गल खेःयाकायःमा इ ल्हाव्ह्दैबाङ्कोः ह्र्योङःसा खेःओ दीन् पुत्चाः ओउःनम् दीन्हाङःलेः येसु सबै ल्हाव्ह्दैबाङ् फेरी पेतो जाङ्ह्साकायः द्यान्ह्तीलेः वाङ्आनाः। इ लोन्दोहाङः स्याव्सा कुरा परमेस्वर्कोः कुरा छ्यानःओमयःइ उय्ह्लेहाङःसै तोलेःआकानी।
ओउः तोती गम्ओ कुरापाय् पेतो घीःती सायःसा खेःतो बा। ल्हाव्ह्दैबाङ्हाङः तोतोक्हाङः ओउः कुरा सायःसा ग्यामालोलम्पाय् न्युम्ह्ताक्ओसै दल्सा खाय्आक्नीली। ओउःमयःखे दल्सा खाय्नीली त झ्यान्ते ङीइ ओउः लाङ्कासै गानाक्ती तोओ सायःओलम्खे ग्यातय्हीली त खेःया ङी न्हाङ्तोलेः न्युम्ह्ताक्ओसै दल्सा खाय्तय्ह्नीली।
ओउः लाङ्कामयःइ बयःओ कुराखे सायःमालोलम् न्युम्ह्आकाय् त खेःया न्हाङ्तोलेः परमेस्वर्कोः चोःइ बयःओ ताङ्ह्ओ दल्ताक्सा कुराखे ङीइ सायःसालेः खेःतो बा उया ङीइपाय् गलमा दल्तो स्याव्तय्हीली बा। ओउः दल्सा कुरापाय् प्रभु येसुइ ङ्हासै तोआकान् ओहाङःसैको ओउःइ तोआक्तीको ओउःकायः सायःओ मान्तालम्इमा ङीकायःपाय् पाःतीलेः तोआतय्ही।
ကြော်ငြာတွေ