गालाती 6:2 - चेपाङ

² अरुइ लीह्‌सीःओ गोरःओ बेलाहाङः ओउःमयःकायः लव्‍ह्‌नु दा ओउःत हायःती नीङ्इ ख्रीस्‌कोः ऐन् जाङ्‌ह्‌तेःनानी।

गालाती 6:2 ပူးပေါင်းရင်းမြစ်များ

मत्ती 8:17

ओउःत हायःती उय्‍ह्‌लेकोः परमेस्‍वर्‌कोः कुरा छ्यानःओ एसायाइ तोओ कुरापाय् ताप्‌ताक्आकान् “लौ ओउःइपाय् ङीकोः जीक्ओलम् लयःलेः ल्‍हाङःती लात्‌ती आलःती वाय्‌बत्आताङी” त दाय्‍ह्‌ती दाय्‍ह्ओ येसुइ ताप्‌ताक्आकान्।

लुका 11:46

“लौ नीङ् धर्‌मा स्‍यान्ओमयः त तोओलम्‌य लोने नीङ्‌मा न्‍युम्‍ह्‌तोतेः स्‍याव्‌तेःनै दोह् हायःती दाय्‍ह्‌सा मान्‍तालम्‌कायः ‘लौ इमा जवसा खेःनाः ओउःमा जवसा खेःनाः’ त दाय्‍ह्‌ती ओउःमयःकायः आन लीःओ काम्‌लम् जाङ्‌ह्‌ताक्‌तेःनानी ओउःमयःकायः लव्‍ह्‌साकायः जुगाङ् ग्‍यातेःइली।

युहना 13:34

द्याह् ङाइ नया हुकुम् बयःनेःनाङ्‌स। लःलयःकायः राप्‌काय्‌ती मुन गतलो ङाइ नीङ्‌कायः राप्‌नेःआलाङ् ओउःतलेः लःलयःकायः राप्‌काय्‌नाःइसी।

युहना 15:12

लौ ङाइ नीङ्‌कायः तोओ हुकुम्‌पाय् इलेःआः। गतलो ङाइ नीङ्‌कायः राप्‌नेःआलाङ्‌स ओउःतलेः लःलयःमयः राप्‌काय्‌नीङ्‌सी।

रोमी 15:1

ङी पेतो ङ्‌हाम्ओलम्इपाय् ओउः पेतो ङ्‌हाम्‌धाङ्‌मालोलम्‌कायः लुङ्‌सामा लव्‍ह्‌सामा खेःतो। लःलयःखेकायः म्रोताक्‌सा बोङःमामाःत

रोमी 8:2

दोह् हायःती दाय्‍ह्‌सा परमेस्‍वर्‌कोः ग्‍वालामःसै वाङ्ओ जीङः बयःसा ऐन्इलेः ङाकायः ख्रीस्‌कुस् वाह्‌ताक्‌ती ओउः रेव्ओ काम् छ्यानःओ सीताक्‌सा खेःओ आय् ऐन्‌सै बेन्‌ताक्आताङः।

१ कोरीन्‍थी 9:21

ओउः ऐन् चीःमालोलम्‌कःताङ् मुतोक्‌हाङः ओउःमयःकायः ङ्‌हाम्‌ताक्‌साकायः ङा ऐन् चीःमालो मान्‍तालो लेखालेः स्‍याव्‌नाङः। स्‍याव्‌सापाय् स्‍याव्‌नाङः परमेस्‍वर्‌कायः ङाइ ख्रीस्‌कोः ऐन् जाङ्‌ह्‌नाङः।

गालाती 6:5

दोह् हायःती दाय्‍ह्‌सा सबै मान्‍तालम् लःलयःकोः काम्‌लम्‌पाय् लःलयःकायः जाङ्‌ह्‌सा खेःतो।

१ थेसलोनिकि 5:14

“लीङ्‌हायःओलम्‌कायः गानाक्‌ती तोनु रैओलम्‌कायः लुङ्‌तीलेः तोनु। पेतो हायःसा चीःमालोलम्‌कायः लव्‍ह्‌नु सबैकः ल्‍हुङ् मल्‍ह्‌काय्‌माःत मुन” त तोनेःनाङ्‌स।

याकुब् 1:25

सुसुखेइ परमेस्‍वर्‌कोः नीङ्ओ रेव्ओसै दल्‌ताक्‌सा नीयम्‌कोः कुरा म्‍हेःमामाःत जाङ्‌ह्‌धै मुलेःनाः ओउःखेलेः चोङाय्‌तो स्‍याव्‌नाः।

याकुब् 2:12

तय्‌छनःती योतोक्‌हाङः परमेस्‍वर्‌इ नीङ्‌कायः योनःती योतेःनै ओउःत झ्‍यान्‍ते अरु मान्‍तालम्‌कायः योनःतीलेः नोःसामा जाङ्‌ह्‌सामा खेःतेःइतो।

याकुब् 2:8

परमेस्‍वर्‌कोः राजीकोः नीयम् आखरःहाङः इलेः लेखती मुनाः “नाङ्‌कोः लयःकोः वेङ्‌ह्‌ग चेङ्‌ह्‌गकोः मान्‍तालम्‌कायः लयःकायः धेःती राप्‌ती स्‍यास्‌सा खेःतो” त दाय्‍ह्ओ मुलेःनाः। ओउः नीयम् नीङ्इ जाङ्‌ह्‌तेःनानी त खेःया ओउःखे पेलेःनाः।

१ पत्रुस् 2:24

येसु ख्रीस्इ ङीकोः रेव्‌तो हायःओ पेङ्‌कलःती वाय्‌साकायः क्‍ल्‍याय्ओ सीङःहाङः लयःकोः आङ् बयःती ङीकायः ल्‍हाङःती सीआ। ओहाङःसैको ङीपाय् रेव्‌तो हायःओ फेती द्याह् पेतो हायःती वाह्‌सा खाय्‌नाःतय्‍ह्‌नी ओउःकोः आङ् बयःओलेः ङीकायः स्‍याक्‌ताक्आतय्‍ही।

२ पत्रुस् 2:21

परमेस्‍वर्‌इ तोओ कुरामा ओउःकोः काम् पेतो जाङ्‌ह्‌सामा चीःआक्‌तीको ओउःत हायःओ फेसाकायः न्‍हाङ्‌तोलेः स्‍याव्‌ल। ओउःत हायःओसै ओउःमयःइ ओउः पेओ कुरा गलमा चीःमाःत मुओ पेचाः खेःतो।

२ पत्रुस् 3:2

परमेस्‍वर्‌कोः कुरा छ्यानःती तोओमयःइ उय्‍ह्‌लेहाङः नोःओ कुरामा ङीकायः दल्‌ताक्‌सा प्रभुसै दोःओ ओउःइ छ्युङ्‌ह्ओ ल्‍होक्ओमयःकायः बयःओ हुकुम्‌मा नीङ्इ गीलसा खेःतो।

१ युहना 4:21

इतलेः परमेस्‍वर्‌इ तोआतय्‍ही “सुसुइ परमेस्‍वर्‌कायः राप्‌सा बोङःचनौ ओउःइलेः लयःकोः पुःचोङ् हौचोङ्‌कायः राप्‌पाःथास” त दाय्‍ह्‌ती तोओआः।