गालाती 6:12 - चेपाङ12 नीङ्कायः यहुदीकोः पुन् तात्ओ जाङ्ह्सा बोङःओलम्इ आङ्कोः बाहीरकोः कुरा ह जाङ्ह्सा झाक्नै। ओउःत हायःतीलेः ओउःमयःइ “ ‘ख्रीस्लेः क्ल्याय्ओ सीङःहाङः सीती झ्यान्ते ओउःइ पुन् तात्ओ कुरा वाय्आकान्’ त दाय्ह्ती तोनाःतय्ह्नी त खेःया अरुइ लीह्सीःओ बयःचाःतय्ही ओउःत झ्यान्ते एत तोलाम्” त दाय्ह्ती ओउः क्ल्याय्ओ सीङःकोः कुराखे तोमाःत आङ्कोः पुन् तात्ओ कुराखे जाङ्ह्नानी। အခန်းကိုကြည့်ပါ။ |
गालाती 6:12
22 ပူးပေါင်းရင်းမြစ်များ
ओउःत झ्यान्ते अरु दोह्मा नाःमालो मान्तालम्कायः बयःतोक्हाङः ‘लौ इमयःकायः ङाइजा पेतोलेः बयःआलाङः’ त सबैकायः ल्हाक्ती तोलाम्। ओउःतलेः लयःकोः नेह्रो ओर्ताक्सा बोङःओलम्इ हायःनानी। ओउःमयःइ थनःओ कीम्हाङःमा ल्याम्हाङःमा ‘अरुइ ताङ्ह्ताक्पाःताङः’ त दाय्ह्ती म्हर्ती पैसा बयःनानी। दोङ्सी दाय्ह्भनाङ् ओउःमयःखे लयः झाक्ओ द्याह्लेः दोःओआः बा अरु दोःइली।
येसुइ इत चीःती “लौ नीङ्इ जाङ्ह्ओ काम्लम्पाय् ‘पेओलेः’ त नीङ्इ अरु मान्तालम्कायः ताःताक्तेःनानी दोह् हायःती दाय्ह्सा मान्तालम्इ नीङ्कोः ल्हुङ्तुक्कोः कुरापाय् पेतो चीःसा खाय्तेःइली। ओउःमयःखेइ चीःसा खाय्तेःइली परमेस्वर्खेइ नीङ्कोः ल्हुङ्तुक्कोः पेतोलेः चीःतेःनै बा ओउःत झ्यान्ते दोह् दोह् मान्तालम्खेइ ताङ्ह्ताक्लेःनानी ओउःकःलेः परमेस्वर्खे अह्र्लेःनाः बा।
ओउःत हायःसा आन झाक्लेःनै ओउःमयःइमा बुधा सीओ मोमःचोःलम्कोः कीम्लम् माल्ताल्लम् आलःती जेःनानी ओउःत हायःनानी अरुकायः ‘लौ ङापाय् पेओ मान्ता लेःआः ङ’ त छ्यानःसा थेङा अरुकोः मीक्हाङः परमेस्वर्कायः आन ज्याङःतो तेती तोओ माःजाङ्ह्नानी। दोङ्सीलेः इलो खेःओ माःओ जाङ्ह्झ्याङ्कायः ओउःमयः लोनेः जोक्तोलेः न्युम्ह्तो स्याव्लेःनै बा” त दाय्ह्ती येसुइ तोआथास।
ओउःनीस् अन्तीयोक् सहर्हाङः मुतोक्हाङः यहुदीया देस्सै यात्नीस् मान्तालम् वाङ्ती अरु कुरा स्यान्आकानी “मोसाइ जवती तोओ तात्सा चीन्ह त्याक्धाङ्मालो मान्तालम्कायः परमेस्वर्इ बयःओ नया जीङः दोःथासल” त दाय्ह्ती ओउः यहुदीयासै वाङ्ओलम्इ अरु येसुकोः कुरा तोहालेः ङ्हाम्ओ मान्तालम्कायः स्यान्ती तोखयःआकानी।
ओउःमयःइ ख्रीस्कोः दोङ् पेओ समचार् सायःमाःत एत रेव्ओ काम् जाङ्ह्ओ च्यवःती ङाइ सबैकोः मीक्हाङः पत्रुस्कायः जान्ती “लौ नाङ्पाय् यहुदी मान्ता लेःतेःआः। तेन्छ्याङ्तेः यहुदी मान्तालो लेखा वाह्तेःल यहुदी खेःमालोलम्लो लेखा वाह्धै मुतेःनाः ओउःत झ्यान्ते दोह् हायःतीतेः यहुदी खेःमालोलम्कायः यहुदीकोः ऐन् जाङ्ह्तेःताक्तेःनौ” त दाय्ह्ती ओउःकायः तोआलाङः।
ओउः बेलाहाङःपाय् यात्नीस्चाक् दोङ् ङ्हाम्ओ खेःमालो मान्तालम्इ अरुइ चीःमाःत वाङ्ती ङाकुस् मुओ एलेनी देस्सै वाङ्ओ तीतस्कायः यहुदीकोः पुन् तात्सा जवओलेः जाङ्ह्ताक्सा बोङःनीतो ओउःत हायःसा ओउः ताङ्ह्ओ मान्तालम्इ ङाइ छ्यानःओ कुराकुस् ङ्र्याःती झ्यान्ते ताक्थासल। ओउः दोङ् ङ्हाम्मालो मान्तालम्इपाय् “ओउःमयःइ येसु ख्रीस्कायः ङ्हाम्आक्तीको यहुदीकोः ऐन् फेआकानी यादो” त गाल्तुम्ती योसाकायः वाङ्ती ङीकायः फेरीलेः ऐन् जाङ्ह्ओलम् जाङ्ह्सा बोङःताङीतो
ကြော်ငြာတွေ