गालाती 5:9 - चेपाङ

⁹ “इची मीतो फताक्‌सा ओखोत्इ लाङ् जुदालेः फताक्‌सा खाय्‌नौ” त दाय्‍ह्ओलेः मुनाः। इतलेः यात्‌चाक् रेव्ओ काम् जाङ्‌ह्ओ मान्‍ताइ साथीलम्‌कायः जुदालेः रेव्‌ताक्‌सालेः खाय्‌नौ।

गालाती 5:9 ပူးပေါင်းရင်းမြစ်များ

मत्ती 13:33

“फेरी परमेस्‍वर्‌कोः राजी लाङ् फताक्‌सा ओखोत्‌लो लेखा मुनाः। ओउः ओखोत्‌पाय् मोमःचोःइ रोत्‌ती तीन् पाथीकोः ओय्‍क्‌कुस् ल्‍याव्‍ह्‌ती क्राक्‌ती ओहाङःसैको लाङ् सबै फनाः” त दाय्‍ह्‌ती येसुइ तोआथास।

मत्ती 23:33

ओउःत झ्‍यान्‍ते नीङ् कुयः युक्‌कोः चोःलम् ओउः लोनेः वाङ्‌सा खेःओ न्‍युम्‍ह्‌तो स्‍याव्‌सा बेलाहाङः नीङ्‌पाय् रेव्‌झ्‍याङ्‌कोः गलमा दल्‌तेःइली

मर्‌कस् 8:15

ओउःत चीःती “लौ नीङ्इपाय् धय्‌ती योसा खेःतेःइतो। फरीसीकोःमा हेरोद् राजाकोः लाङ् फोताक्‌सा ओखोत् त्‍याक्‌तेःचानी” त दाय्‍ह्‌ती येसुइ गानाक्‌ती तोथासतो

लुका 12:1

ओउःतोक् बेलाहाङः नाःतो मान्‍तालम् हुम्‌ती झ्‍यान्‍ते न्‍हेङःकाय्‌तो लमःकाय्‌तो खेःइतो। ओउःमयः इत हुम्‌तोक् बेलाहाङः येसुइ लयःकुस् वाह्ओमयःकायः स्‍यान्‌ती तोआथास। “लौ नीङ्‌पाय् धय्‌तीलेः योसा खेःतेःइतो। फरीसीलम्‌कोः माःती स्‍यान्ओ कुरा सायःलाम्।

लुका 13:21

ओउःपाय् लाङ् फताक्‌सा ओखोत्‌लो लेखालेः मुआनाः। ओउः फताक्‌सा ओखोत्‌पाय् मोमःचोःइ रोत्‌ती तीन् पाथीकोः ओय्‍क्‌कुस् क्राक्‌नौ ओहाङःसैको लाङ् सबै फनाः” त दाय्‍ह्‌ती येसुइ स्‍यान्‌ती तोआथास।

१ कोरीन्‍थी 15:33

लौ माःओ कुरा सायःलाम् सुसु पेमालो मान्‍तालम्‌कुस् वाह्‌चनै ओउःमा ओउःमयः लेखा पेमालोलेः स्‍याव्‌नै।

२ तीमोथी 2:17

छाह्‌धै आल्ओ चालो लेखा इ पेमालो कुराइ सबैकायः पेमालो स्‍याव्‌ताक्‌नौ। ओउःत नोःओपाय् य्‍हुमेनीयस्‌मा फीलेतस्‌मा ओउः नीस्‌चाक् आन नोःझुङ्‌नाःच।