गालाती 5:6 - चेपाङ

⁶ येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

गालाती 5:6 ပူးပေါင်းရင်းမြစ်များ

लुका 7:5

ओउःइ ङीकोः यहुदीया जात्‌लम्‌कायः आन राप्‌नाःताङी ङीकायः थनःओ कीम्‌मा जाङ्‌ह्आबत्‌ताङी। ओउःत झ्‍यान्‍ते ओउःकोः नोकरी स्‍याक्‌ताक्‌सा पेलेःनाः” त दाय्‍ह्‌ती येसुकायः काःहाल्‌ती तोआथै।

१ कोरीन्‍थी 13:13

द्याह्‌पाय् इ सुम्‌ज्‍योः पेओ काम् मुनै ङ्‌हाम्‌सामा चोङाय्‌ती ल्‍युङ्‌ह्‌सामा राप्‌सामा इ मुलेःनाः ओउः सुम्‌ज्‍योःकोः राप्‌साकायःलेः अरुसै ताङ्‌ह्‌लेःनाः।

१ कोरीन्‍थी 7:19

दोह् हायःती दाय्‍ह्‌सा ओउः पुन् तात्ओ मुनाः त खेःयामा मुल त खेःयामा दोह्‌मा दयःल। परमेस्‍वर्‌इ तोओ कुरा ग्‍याती जाङ्‌ह्‌सापाय् ओउःपाय् दोङ् ताङ्‌ह्ओ कुरालेः ओउःत हायःसा परलेःनाः।

२ कोरीन्‍थी 5:14

ख्रीस्इलेः ङीकायः आन राप्‌नाःताङी त चीःती ङीइ ओउःकोः काम् जाङ्‌ह्‌सा खेःनाङी। यात्‌चाक्‌पाय् सबै दल्‌ताक्‌साकायः ल्‍हाङःतीलेः सीआ ओउःत झ्‍यान्‍ते ओउः सील त खेःया सबै सीचाः खेःतो।

गालाती 3:26

दोह् हायःती दाय्‍ह्‌सा येसु ख्रीस्‌कायः ङ्‌हाम्‌ती झ्‍यान्‍ते द्याह् नीङ् सबै परमेस्‍वर्‌कोः चोःलम् स्‍याव्‌तीतेः मुतेःनै।

गालाती 3:28

ओउःत ख्रीस्‌कुस् ब्राङ्‌तो स्‍याव्आक्‌तीको नीङ्‌पाय् यहुदीया यहुदी खेःमालो मान्‍ताया परमेस्‍वर्‌इ दोक्‌ती तोउलु। नोकरीया नोकरी खेःमालोया गोय्‌चोःया मोमःचोःया ओउःइ सु खेःयाकायःमा दोक्‌ती तोउलु सबै ख्रीस्‌कुस् यातैज्‍याङ् स्‍याव्‌तेःनै।

गालाती 6:15

पुन् तात्‌सापाय् जवओया जवमालोया दोह्‌मा दयःल। गत दाय्‍ह्‌सा मान्‍ताकायः रौ जीङः दोःसालेः खेःतो ओउः ह ताङ्‌ह्ओ कुरा लेःआः।

एफेसस् 6:23

नीङ् सबै पुःचोङ् हौचोङ्‌लम्‌य धोमाय्ओमा अरुकायः राप्ओमा पेतो ङ्‌हाम्ओ ल्‍हुङ्‌मा परमेस्‍वर्‌ आपाइमा बयःतेःपनै ङीकोः प्रभु येसु ख्रीस्इमा ओउःतलेः बयःतेःपनै।

कोलसी 1:4

दोह् हायःती दाय्‍ह्‌सा “येसु ख्रीस्‌कायः गुच्‍युक् पेतो ङ्‌हाम्‌मानानी ओउःकोः मान्‍तालम्‌कायः गुच्‍युक् पेतो राप्‌मानानी” त दाय्‍ह्‌ती नीङ्‌कायः नोःओ सायःआलाङःसु।

कोलसी 3:11

नीङ् सबै रौ जीङः दोःतेःनै त झ्‍यान्‍ते द्याह् परमेस्‍वर्‌कोः मीक्‌हाङः एलेनीमा यहुदीमा पुन् तात्‌सा जवमालोलम्‌मा पुन् तात्‌सा जवओलम्‌मा बीदेसीलम्‌मा पहारीलम्‌मा नोकरीमा नोकरी खेःमालोलम्‌मा सबै यातैज्‍योः लेःआः थेथे खेःइली दोह् हायःती दाय्‍ह्‌सा ख्रीस्‌पाय् सबै लेःआः सबैकुस् ख्रीस्‌लेः मुनाः।

१ थेसलोनिकि 1:3

दोह् हायःती दाय्‍ह्‌सा ङीकोः प्रभु येसु ख्रीस्‌कायः पेतो राप्‌तीमा ङ्‌हाम्‌तीमा नीङ्इ ओउःकोः काम् त्‍युस्‌ती जाङ्‌ह्‌तेःनानी फेरी प्रभुकोः द्यान्‍ह्‌ती वाङ्‌सा दीन्‌कायः नीङ् ग्रमःतलेः ल्‍युङ्‌ह्‌ती मुतेःनै। ओउःत गीलती ङीइ परमेस्‍वर्‌ आपाकायः तेती तोतोक्‌हाङः गलकायःमा “च्‍युता” त तोनाङःसु।

हेब्रैनी 11:8

आब्राहाम्इमा ङ्‌हाम्‌ती झ्‍यान्‍ते परमेस्‍वर्‌इ तोओ कुरा ग्‍याती ओउःइ लोनेः त्‍याक्‌सा नया देस्‌ताङ् आल्आकाय्। आल्‌सापाय् आल्‌तो ङ्‌हाहाङः ओउः देस्‌पाय् “गाःहाङःलो” त चीःआक्उलु।

१ पत्रुस् 1:8

ओउः प्रभु येसुकायः च्‍यवःमामाःत ओउःकायः नीङ्इ राप्‌लेःतेःनानी। तेन्‌छ्याङ् ओउःकायः च्‍यवःमामाःत नीङ्इ ङ्‌हाम्‌लेःतेःनानी ओउःत झ्‍यान्‍ते नीङ् गुच्‍युक् पेतोलेः चोङाय्‌ती मुलेःतेःनै। ओउःच्‍युक् चोङाय्‌तो स्‍याव्ओकायः सुइमा चीःसामा नोःसामा खाय्‌नीली।