गालाती 5:11 - चेपाङ11 लौ पुःचोङ् हौचोङ्य ङाखेइ “यहुदीलम्कोः पुन् तात्ओ जाङ्ह्सा खेःतो” त दाय्ह्ती सुकायःमा थोल्ह्ती तोङल। ङाइ ओउःत तोदीक् ओउः यहुदीलम्कोः ऐन् जवओलम्इ ङाकायः ओउःच्युक् लीह्सीःओ बयःचाक्ताङःल खेःतो। ओहाङःसै “ख्रीस्लेः क्ल्याय्ओ सीङःहाङः सीओआः” त तोओ कुरा सुइमा सायःसा ग्याचै खेःतो। အခန်းကိုကြည့်ပါ။ |
गालाती 5:11
17 ပူးပေါင်းရင်းမြစ်များ
ओउःमयःखेइ मोसाकोः ऐन् म्ह्याङ्ती जाङ्ह्नानी नाङ्खेकायःपाय् ‘पावुल्इ अरु जात्कुस् ल्याव्ह्ती याक्ओ यहुदीलम्कायः “मोसाइ बयःओ ऐन्कोः हुकुम्मा चीन्हमा ङी यहुदीलम्इ जवओ कुरामा सबै जाङ्ह्सा परल” त दाय्ह्ती स्यान्लेःनौ’ ओउःत ल्हाक्ती तोओ कुरा इहाङःकोः येसुकायः ङ्हाम्ओ यहुदीलम्इ सायःआकानी।
दोह् हायःती दाय्ह्सा सीती वाय्सा खेःओ मान्तालम्खे ख्रीस्पाय् ङीकायः क्ल्याय्ओ सीङःहाङः सीओ कुरापाय् सायःसा ग्याइली “भ्यामःती नोःओ कुरा लेःआः” त दाय्ह्ती नोःनानी। ङी ख्रीस्इ दल्ताक्ओ मान्तालम्खेइ ओउः कुरा सायःती “लौ इपाय् परमेस्वर्कोः दल्ताक्सा कुरा लेःआः” त दाय्ह्ती ग्याती तोनाःतय्ह्नी।
ओउः बेलाहाङःपाय् यात्नीस्चाक् दोङ् ङ्हाम्ओ खेःमालो मान्तालम्इ अरुइ चीःमाःत वाङ्ती ङाकुस् मुओ एलेनी देस्सै वाङ्ओ तीतस्कायः यहुदीकोः पुन् तात्सा जवओलेः जाङ्ह्ताक्सा बोङःनीतो ओउःत हायःसा ओउः ताङ्ह्ओ मान्तालम्इ ङाइ छ्यानःओ कुराकुस् ङ्र्याःती झ्यान्ते ताक्थासल। ओउः दोङ् ङ्हाम्मालो मान्तालम्इपाय् “ओउःमयःइ येसु ख्रीस्कायः ङ्हाम्आक्तीको यहुदीकोः ऐन् फेआकानी यादो” त गाल्तुम्ती योसाकायः वाङ्ती ङीकायः फेरीलेः ऐन् जाङ्ह्ओलम् जाङ्ह्सा बोङःताङीतो
नीङ्कायः यहुदीकोः पुन् तात्ओ जाङ्ह्सा बोङःओलम्इ आङ्कोः बाहीरकोः कुरा ह जाङ्ह्सा झाक्नै। ओउःत हायःतीलेः ओउःमयःइ “ ‘ख्रीस्लेः क्ल्याय्ओ सीङःहाङः सीती झ्यान्ते ओउःइ पुन् तात्ओ कुरा वाय्आकान्’ त दाय्ह्ती तोनाःतय्ह्नी त खेःया अरुइ लीह्सीःओ बयःचाःतय्ही ओउःत झ्यान्ते एत तोलाम्” त दाय्ह्ती ओउः क्ल्याय्ओ सीङःकोः कुराखे तोमाःत आङ्कोः पुन् तात्ओ कुराखे जाङ्ह्नानी।
ကြော်ငြာတွေ