गालाती 4:31 - चेपाङ

³¹ लौ उया पुःचोङ् हौचोङ्‌य ङीपाय् नोकरी आमाकोः प्‍लोमःदाने मोमःदाने खेःतय्‍हीली ओउः अरु नोकरी खेःमालो आमाकोः प्‍लोमःदाने मोमःदाने खेःनाःतय्‍ही।

गालाती 4:31 ပူးပေါင်းရင်းမြစ်များ

युहना 8:36

ओउः चोःइलेः नीङ्‌कायः फेन्‌ती दल्‌ताक्‌तेःचै त खेःया नीङ् दोङ्‌सीलेः दल्ओ स्‍याव्‌तेःनै बा।

गालाती 4:22

आब्राहाम् त तोओ नीस्‌ज्‍याङ् गोय्‌चोःचोः नाःओ खेःतो। यात्‌ज्‍योः चोःखेपाय् नोकरी आमासै दोःओ अरु चोःखे नोकरी खेःमालो आमासै दोःओ खेःतो त दाय्‍ह्ओ ऐन्‌कोः आखरःहाङः लेखती मुनाः।

गालाती 4:30

ओउःत हायःनानी बा परमेस्‍वर्‌कोः आखरःहाङः दोह्‌त लेखओ दाय्‍ह्‌सा “ओउः नोकरी नीस् आमाचाःकायः ल्‍होक्उ दा। ओउःकोः चोःपाय् नोकरी खेःमालो आमाकोः चोःकुस्‌लेः आपाकोः माल्‌ताल्‌लम् राङ्‌लम् दोह्‌लम् त्‍याक्‌सा गलमा दोःल” त दाय्‍ह्ओ आखरःहाङः लेखती मुनाः।

गालाती 5:1

ऐन्‌कोः काम् जाङ्‌ह्ओसै ख्रीस्इपाय् फेन्‌ताक्आतय्‍ही ओउःत झ्‍यान्‍ते ग्रमःत मुन ऐन्‌कोः नोकरी काम्‌पाय् द्यान्‍ह्‌ती जाङ्‌ह्‌लाम्।

गालाती 5:13

लौ पुःचोङ् हौचोङ्‌य ओउः ऐन् जाङ्‌ह्ओ फेसाकायः परमेस्‍वर्‌इ गोत्‌तेःआकाय्। ओहाङःसैको ओउः ऐन् फेसापाय् फेताक्‌तेःआकाय् ओउःत स्‍याव्आक्‌तीको लयःकोः ल्‍हुङ्‌कोः पेमालो मोह्‌हाय्ओ कुरा जाङ्‌ह्‌माःत अरुकायः राप्‌ती पेओ काम् जाङ्‌ह्‌नु दा।