गालाती 4:30 - चेपाङ

³⁰ ओउःत हायःनानी बा परमेस्‍वर्‌कोः आखरःहाङः दोह्‌त लेखओ दाय्‍ह्‌सा “ओउः नोकरी नीस् आमाचाःकायः ल्‍होक्उ दा। ओउःकोः चोःपाय् नोकरी खेःमालो आमाकोः चोःकुस्‌लेः आपाकोः माल्‌ताल्‌लम् राङ्‌लम् दोह्‌लम् त्‍याक्‌सा गलमा दोःल” त दाय्‍ह्ओ आखरःहाङः लेखती मुनाः।

गालाती 4:30 ပူးပေါင်းရင်းမြစ်များ

युहना 8:35

फेरी नोकरीखे कीम्‌कोः मान्‍ताकुस् गलकायःमा मुसा दोःल दोङ् चोःखे ह गलकायःमा मुसा दोःनाः।

रोमी 11:2

परमेस्‍वर्‌इपाय् ङ्‌हासैलेः छीङ्‌ह्ओ मान्‍तालम्‌कायः फेओ खेःल बा। एतलेः उय्‍ह्‌लेकोः एलीयाइ परमेस्‍वर्‌कः तेती तोओ कुरा आखरःहाङः लेखती मुनाः त नीङ्इ चीःतेःनानी।

रोमी 4:3

“आब्राहाम्इ परमेस्‍वर्‌कायः ङ्‌हाम्आकान् ओउःत झ्‍यान्‍ते परमेस्‍वर्‌इ लयःकोः मीक्‌हाङः ओउःकायः नीङ्‌तोलेः योआथै” त दाय्‍ह्‌ती दाय्‍ह्ओ परमेस्‍वर्‌कोः आखरःहाङः लेखती मुनाः।

गालाती 3:22

ओउःपाय् खेःल “सबै ल्‍हाव्‍ह्‌दैबाङ्‌कोः मान्‍तालम् रेव्‌तो ल्‍हुङ् नाःनै” त दाय्‍ह्‌ती परमेस्‍वर्‌कोः आखरःहाङः लेखती मुनाः ओउःत झ्‍यान्‍ते परमेस्‍वर्‌इ तोती गम्ओ कुरा ताप्‌ताक्‌साकायः येसु ख्रीस्‌कोः कुरा ङ्‌हाम्‌साकायः ह मान्‍तालम् ओउः रौ जीङः दोःलेःनै।

गालाती 3:8

यहुदी खेःमालोलम्‌पाय् परमेस्‍वर्‌कोः कुरा ङ्‌हाम्आक्‌तीको ओउःकोः मीक्‌हाङः पेतो स्‍याव्‌नै त ङ्‌हा चीःती परमेस्‍वर्‌कोः आखरः लेखओलम्इ आब्राहाम्‌कायः “लौ नाङ्‌कःसै सबै ल्‍हाव्‍ह्‌दैबाङ्‌कोः जात्‌लम् आसीक् दोःनै” त दाय्‍ह्ओ पेओ समचार्‌कोः कुरा लेखआकानी।

गालाती 4:22

आब्राहाम् त तोओ नीस्‌ज्‍याङ् गोय्‌चोःचोः नाःओ खेःतो। यात्‌ज्‍योः चोःखेपाय् नोकरी आमासै दोःओ अरु चोःखे नोकरी खेःमालो आमासै दोःओ खेःतो त दाय्‍ह्ओ ऐन्‌कोः आखरःहाङः लेखती मुनाः।

गालाती 4:31

लौ उया पुःचोङ् हौचोङ्‌य ङीपाय् नोकरी आमाकोः प्‍लोमःदाने मोमःदाने खेःतय्‍हीली ओउः अरु नोकरी खेःमालो आमाकोः प्‍लोमःदाने मोमःदाने खेःनाःतय्‍ही।

याकुब् 4:5

“मान्‍ताखेहाङः गम्ओ ल्‍हुङ्‌पाय् आन मोह्‌हाय्ओ झाक्‌रेव् ल्‍हुङ् लेःआः” त आखरःहाङः ङीकायः स्‍यान्‌सा थेङा लेखती मुनाः माःर।