फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
गालाती 3:29 - चेपाङ29 फेरी सबै ख्रीस्कोः स्याव्तेःनै त खेःया आब्राहाम्कोः प्लोमःदाने मोमःदाने स्याव्ती झ्यान्ते ओउःकायः तोती गम्ओ कुरापाय् नीङ्मा दोःतेःनै। အခန်းကိုကြည့်ပါ။ |
गालाती 3:29
26 ပူးပေါင်းရင်းမြစ်များ
ओउःलो लेखालेः परमेस्वर्पाय् आब्राहाम्कुस्मा ओउःकोः प्लोमःदानेकुस्मा कुरा त्योम्काय्तीलेः गम्आकानी। ओउः त्योम्काय्ओ कुरापाय् “यात्ज्याङ् प्लोमःदानेकुस् तोतो गम्ओआः” ओउःत आखरःहाङः लेखती मुनाः नाःतो प्लोमःदानेकुस् तोती गम्ओ खेःल। फेरी ओउः यात्ज्याङ् प्लोमःदानेपाय् सुखेलो दाय्ह्सा ओउःपाय् ख्रीस् लेःआः बा।
ओहाङःसैको नोआह्इमा परमेस्वर्कायः ङ्हाम्ती झ्यान्ते परमेस्वर्इ तोओ लोनेः वाङ्सा खेःओ कुरापाय् ओउः कुरा च्यवःधाङ्माःखाहाङः ओउःइ सायःआकान्। सायःआक्तीको नोआह्इ परमेस्वर्कः रैती लयःकोः कीम्कोः मान्तालम् दल्ताक्साकायः ताङ्ह्ओ “आर्क्” त तोओ तीःजहास् जाङ्ह्आकान्। जाङ्ह्आक्तीको ओउः जहास्हाङः पोस्ती नोआह्मा ओउःकोः कीम्कोः मान्तालम्मा सबै दल्आकाय्। ओउःइ ङ्हाम्आक्तीको दल्आकाय् त झ्यान्ते ओउःइ अरु सीओ ल्हाव्ह्दैबाङ्कोः मान्तालम्कायः “पेमालो हायःआकानी” त छ्यानःआकान्। ओहाङःसैको ओउःकोः ङ्हाम्झ्याङ्कायः परमेस्वर्कोः मीक्हाङः नोआह् पेतो स्याव्लेःआ।
ကြော်ငြာတွေ