25 फेरी ओउःत ङ्हाम्आक्तीको ओउः ऐन्पाय् ङीकायः परल
नाङ्कायः परमेस्वर्इ योनःती योती झ्यान्ते नीङ्इ ऐन्पाय् फेतेःआकानी ओउःत खेःओ रेव्ओ काम्कोः नोकरीलम् खेःतेःइली।
नीङ् पुःचोङ् हौचोङ्पाय् ओउःतलेः खेःतेःइतो नीङ्मा ख्रीस्कुस् आङ्हाङः सीती झ्यान्ते ऐन्सै फेन्ओ लेःतेः इ। द्याह्पाय् परमेस्वर्कोः काम् पेतो जाङ्ह्साकायः ओउः सीओसै च्योक्ओ ख्रीस्कोःलेःतेः स्याव्तेःआकाय्।
ख्रीस्कोः काम् जाङ्ह्तोक्हाङः नीङ्कायः योतीमा गानाक्ती तोतीमा आन नाःतो मान्तालम् मुनै यादो। नीङ्कोः आपापाय् ङा झुङ्आले स्याव्नाङः दोह् हायःती दाय्ह्सा ङाइ येसु ख्रीस्कोः पेओ समचार् तोती नीङ्कायः रौ जीङः दोःताक्नेःआलाङ्स।
ओउः ऐन्पाय् दोह्लो लेखा खेःनाः दाय्ह्सा। गुरुलो लेखालेः ङीकायः स्यालःती ख्रीस्कःताङ् आलःआतय्ही। आलःआक्तीको ङी ओउःकायः ङ्हाम्ती परमेस्वर्कोः मीक्हाङः पेतो स्याव्नाःतय्ही।
