गालाती 3:2 - चेपाङ2 लौ ङाकायः यात्ज्याङ् कुरा तोनाङ्स दा। ऐन्कोः कुरा जाङ्ह्ती परमेस्वर्कोः ग्वालामः दोःतेःआकाय्या ओउःत जाङ्ह्ती नीङ् दोःतेःइली रैस। ख्रीस्कोः कुरा ह ङ्हाम्ती सायःती झ्यान्ते ओउःकोः ग्वालामः दोःओआः बा। အခန်းကိုကြည့်ပါ။ |
गालाती 3:2
19 ပူးပေါင်းရင်းမြစ်များ
“लौ लःलयःकोः रेव्ओ काम् फेती परमेस्वर्कःताङ् द्यान्ह्ती ओउः पेओ काम् ग्यान। ओहाङःसैको नीङ्कः परमेस्वर्कोः ल्हुङ् मल्ह्ओ ल्हुङ्पाय् स्याक्आनाः। फेरी नीङ्इ एत हायःओ त छ्यानःसाकायः येसु ख्रीस्कोः मय्ङ् पेह्ती तीःहाङः बाप्तीस्मा त्याक्नु दा। ओउःत हायःआक्तीको नीङ्कायःमा परमेस्वर्कोः ग्वालामः दोःतेःनै।
ओउः बेलाहाङः समारीया देस्कोः मान्तालम्इ येसु ख्रीस्कोः मय्ङ् ह पेह्ती बाप्तीस्मा त्याक्आकानी ओउःमयः परमेस्वर्कोः ग्वालामः दोःआक्इली। ओउःत झ्यान्ते पत्रुस् युहनानीस् दाह्आक्तीको ओउः समारीया देस्कोः ङ्हाम्ओमयःकायः “लौ इमयः नाङ्कोः ग्वालामः दोःपै” त परमेस्वर्कायः तोती ओउः मान्तालम्कायः क्रुत्इ झाम्ह्आथास। एत हायःआक्तीको ओउः समारीयाकोः मान्तालम् परमेस्वर्कोः ग्वालामः दोःआकाय्।
फेरी ओउः नोःराय्इपाय् मान्तालम् गत हायःती परमेस्वर्कोः मीक्हाङः पेतो नीङ्तो स्याव्सा खाय्नानी त छ्यानःलेःनै। ङ्हाहाङःमा लोनेमा गलकायःमा मान्ताइ ङ्हाम्ओ त खेःया ओउःपाय् नीङ्तोलेः स्याव्ती स्याक्लेःनै दोह् हायःती दाय्ह्सा “सुखेलोइ ङ्हाम्नानी ओउः मान्तापाय् ङ्हाम्धार्नालेः नीङ्तो स्याव्नै” त दाय्ह्ओ परमेस्वर्कोः आखरःहाङः लेखती मुनाः।
दोह् हायःती दाय्ह्सा ङीइ गलमा स्यान्मालो येसुकोः कुरालेः अरु मान्तालम्इ थोल्ह्ती तोनानी त खेःया ओउःमयः तोओ कुरापाय् नीङ्इ ग्याती रोम्तेःनानी। फेरी थे ग्वालामः नीङ्इ त्याक्सामा ग्यातेःनै थेथे कुरापाय् “पेओ समचार् लेःआः” त दाय्ह्ती नीङ्इ सायःसामा ग्यातेःनै। ओउः थे ग्वालामःमा थे पेओ समचार् त तोओमा ङीसै दोःओ दोङ् कुरालेः खेःल बा।
ख्रीस्कोः कुरा एत छ्यानःतोक्हाङः “लौ इ नीङ्इ छ्यानःओ कुरा नीङ्कायः खेःल लोने वाङ्सा मान्तालम्कायः स्याव्लेःनाः” तमा ओउःमयःकायः छ्यानःओ खेःतो। ओउः लोने वाङ्सा मान्तालम्पाय् नीङ्लेः खेःतेःनै। फेरी ओउः येसु ख्रीस्कोः कुरापाय् तेन्छ्याङ् परमेस्वर्कोः लाङ्कासै ल्होक्ओ ग्वालामःकोः ग्वम् दोःओलम्इ नीङ्कायः छ्यानःओ पेओ समचार् लेःआः बा। इ कुरामा परमेस्वर्कोः लाङ्काहाङः मुओ ल्होक्ओमयः योसामा तय्ह्सामा आन झाह्नै।
ကြော်ငြာတွေ