गालाती 2:18 - चेपाङ

¹⁸ ओउः ङ्‌हा फेती वाय्ओ ऐन्‌कोः कुरा ङाइपाय् फेरीलेः जाङ्‌ह्‌चाङः त खेःया ओउःत हायःतीलेः रेव्‌तो स्‍याव्‌नाङः।

गालाती 2:18 ပူးပေါင်းရင်းမြစ်များ

रोमी 14:15

ओहाङःसै यात्‌ज्‍योः थोक् जेःयाकायः नाङ्‌कोः ङ्‌हाम्ओ हौकायः नाङ्इ ब्रःताक्‌तेःनौ त खेःया ओउःत हायःसा स्‍याव्‌ल। जेःतेःनौ त खेःया ओउःकायः नाङ्इ पेतो राप्‌तेःउलु। ओउः मान्‍ता दल्‌ताक्‌साकायः ख्रीस्‌पाय् सीलेःआ ओउःत झ्‍यान्‍ते ओउः मान्‍ताकायः नाङ्इलेः वाय्‌ताक्‌तेःचनौ।

रोमी 2:25

परमेस्‍वर्‌कोः ऐन्‌कोः कुरा नाङ्इ जाङ्‌ह्‌तेःनौ त खेःया “ङापाय् यहुदी मान्‍ता” त छ्यानःसाकायः यहुदीलम्इ जवओ पुन् तात्‌सापाय् स्‍याव्‌लेःनाः। खेःल नाङ्इ ओउः ऐन्‌कोः कुरापाय् जाङ्‌ह्‌तेःल त खेःया ओउःत जवओ आह्रे लेःआः नाङ् पुन् तात्‌मालो यहुदी खेःमालो मान्‍तालो लेखा मुतेःनाः।

रोमी 3:5

ङीइ पेमालो जाङ्‌ह्‌धार्‌नालेः परमेस्‍वर्‌पाय् अरुसै न्‍हाङ्‌तोलेः पेनाः त छ्यानःओ लेःआः। ओउःत खेःओ ङीइ ओउःत रेव्‌तो हायःती परमेस्‍वर्‌कायः पेओ लेःआः त छ्यानःनाःतय्‍ह्‌नी त खेःया “ओउःइ ङीकायः न्‍युम्‍ह्‌ताक्‌सा स्‍याव्‌ल” त दाय्‍ह्‌ती मान्‍तालम् दाय्‍ह्‌नै यादो।

गालाती 2:21

परमेस्‍वर्‌इ ङीकायः योनःती बयःओ कुरापाय् त्‍याक्‌माःत मुसा ङा गलकायःमा ग्‍याङल। ऐन्‌कोः कुरा जाङ्‌ह्‌धार्‌नालेः ङी पेतो स्‍याव्‌नाःतय्‍ही त खेःया लौ ख्रीस्‌पाय् आह्रेलेः सीओआः बा।

गालाती 5:11

लौ पुःचोङ् हौचोङ्‌य ङाखेइ “यहुदीलम्‌कोः पुन् तात्ओ जाङ्‌ह्‌सा खेःतो” त दाय्‍ह्‌ती सुकायःमा थोल्‍ह्‌ती तोङल। ङाइ ओउःत तोदीक् ओउः यहुदीलम्‌कोः ऐन् जवओलम्इ ङाकायः ओउःच्‍युक् लीह्‌सीःओ बयःचाक्‌ताङःल खेःतो। ओहाङःसै “ख्रीस्‌लेः क्‍ल्‍याय्ओ सीङःहाङः सीओआः” त तोओ कुरा सुइमा सायःसा ग्‍याचै खेःतो।