गालाती 2:16 - चेपाङ16 ओउःतलेः खेःनाःतय्ही ऐन्कोः कुरा जाङ्ह्ती परमेस्वर्कोः मीक्हाङः सुइमा जुगाङ् पेतोलेः स्याव्सा खाय्तय्ह्नीली। येसु ख्रीस्कोः कुरा ङ्हाम्आक्तीको ह पेतो छय्ङ्तोलेः स्याव्नाःतय्ही। एत चीःती ङी यहुदीलम्इमा परमेस्वर्कोः मीक्हाङः पेतो स्याव्साकायः येसु ख्रीस्कोः कुरा ङ्हाम्नाःतय्ह्नी ऐन्कोः कुरा जाङ्ह्तय्ह्नीली दोह् हायःती दाय्ह्सा ऐन्कोः कुरा जाङ्ह्ती परमेस्वर्कोः मीक्हाङः सुमा पेतो स्याव्इली। အခန်းကိုကြည့်ပါ။ |
गालाती 2:16
41 ပူးပေါင်းရင်းမြစ်များ
फेरी ओउः नोःराय्इपाय् मान्तालम् गत हायःती परमेस्वर्कोः मीक्हाङः पेतो नीङ्तो स्याव्सा खाय्नानी त छ्यानःलेःनै। ङ्हाहाङःमा लोनेमा गलकायःमा मान्ताइ ङ्हाम्ओ त खेःया ओउःपाय् नीङ्तोलेः स्याव्ती स्याक्लेःनै दोह् हायःती दाय्ह्सा “सुखेलोइ ङ्हाम्नानी ओउः मान्तापाय् ङ्हाम्धार्नालेः नीङ्तो स्याव्नै” त दाय्ह्ओ परमेस्वर्कोः आखरःहाङः लेखती मुनाः।
ङी रेव्ओ ल्हुङ् नाःओ मान्तालम्कायःपाय् ओउः आय् ऐन्खेइ दल्ताक्सा खाय्उलु ओउःत झ्यान्ते परमेस्वर्इ लयःकोः चोःपाय् मान्तालो लेखा स्याव्साकायः ल्होक्आकान्। ङी रेव्तो हायःओ मान्तालो स्याव्आक्तीको परमेस्वर्कोः चोःइ रेव्ओ काम्लम् क्युम्ह्ती वाय्ताक्साकायः लयःकोः आङ् ल्हाआकास। एतलेः परमेस्वर्इ मान्ताकोः रेव्ओ काम् न्युम्ह्ताक्माआकान्
नीङ्कायःपाय् “लौ ङाकोः लयःकोः मान्तालम् स्याव्पै” त दाय्ह्ती परमेस्वर्इ आपाइ लयः झाक्तीलेः छीङ्ह्तेःआकाय्। ओहाङःसैको एत हायःती येसु ख्रीस्कोः वयःइ रेव्ओसै छय्ङ्ताक्साकायःमा ओउःकोः काम् ग्याताक्साकायःमा परमेस्वर्कोः ग्वालामःइ नीङ्कायः गम्तेःआकाय्। लौ नीङ्कायः परमेस्वर्इ न्हाङ्तोलेः योनःती योती आन पेतोलेः ल्हुङ् धोमाय्ताक्तेःपै।
ओउः दोह्मा रेव्ओ जाङ्ह्मालो ख्रीस्पाय् ङीकोः रेव्ओ काम्लम् सबै क्युम्ह्ती वाय्साकायः यातै पेन्ह्हाङः सीलेःआ। ओउः पेओ नीङ्ओ मान्ताइपाय् ङी रेव्ओ मान्तालम् परमेस्वर्कुस् गोय्खामःसाकायः ङीकोः होन्त लीह्सीःओ गोरःआकान्। ओउःकोः आङ् मुतोक्हाङः येसुपाय् सात्ओ खेःतो परमेस्वर्कोः ग्वम्इ उह्ती च्योक्ताक्ओ खेःतो।
ओहाङःसैको ङाइ योती आन नाःतो हुम्ओ मान्तालम् च्यवःआलाङः। ओउःच्युक् नाःतोलेः सुइमा थेङ्सा खाय्नीली। ओउःमयः सबै जात्सै सबै खलक्सै सबै देस्सै सबै भासासै वाङ्ती ओउः राजा च्युङःसा थाव्कोः ङ्हासैमा ओउः भेदाकोः चोःकोः मीक्हाङःमा चीङ्ती मुओ खेःइतो। ओउःमयःपाय् भाम्ओ क्रमःनाय् लावइसीतो क्रुत्हाङः ल्ह्यय्ओ सीङःकोः मात् चुम्आकानी।
ကြော်ငြာတွေ