गालाती 1:7 - चेपाङ7 इ थे समचार् त तोओपाय् दोङ् पेओ समचार् खेःल बा। यात्नीस्चाक्इ नीङ्कायः ब्रःताक्साकायः ख्रीस्कोः पेओ समचार् छ्योय्ह्तोलेः तोती थे जाङ्ह्नानी। အခန်းကိုကြည့်ပါ။ |
गालाती 1:7
38 ပူးပေါင်းရင်းမြစ်များ
दोह् हायःती दाय्ह्सा यात् नीस् परमेस्वर्कोः कुरा ग्यामालोलम् नीङ्कःहाङः अरुइ चीःमाःत वाङ्आकाय्। ओउःमयःइपाय् परमेस्वर्इ योनःती योओ कुरा ङोय्ह्तोलेः स्यान्ती “लौ ङीइ ङ्हाम्ओलम्कायः द्याह् सबै काम् जाङ्ह्सा स्याव्नाः दोह्मा रेव्ओलेः खेःल” त माःती ल्हास्या काम् जाङ्ह्साकायः तोनानी। एत हायःती ङीकोः यातैज्योः प्रभुमा मालीक्मा येसु ख्रीस्कः झाक्माःत मुनै। ओउः खाल्कोः मान्तालम्कायः “न्युम्ह्तोलेः स्याव्नै” त दाय्ह्ओ उय्ह्लेहाङःसै आखरःहाङः लेखओआः बा।
मीन्ह्काय्लाङ् वाङ्तोक्हाङः ओउः तीःसै थाओकायःमा ओउःकुस् वाह्ओ माःओ कुरा छ्यानःती तोओचाक्कायःमा चुम्आकानी। ङ्हापाय् ओउः माःती तोओइपाय् ग्याङ्ह्राय् जाङ्ह्ती ओउः तीःसै थाओकोः चीन्ह आङ्हाङः नाःओलम्कायःमा ओउःकोः मुर्तीकायः मानओलम्कायःमा ब्रःताक्ती थ्योन्ह्ओ खेःतो। ओहाङःसैको चुम्आक्तीको ओउः तीःसै थाओमा ओउः माःती तोओमा ओउःनीस्पाय् सेलः मुतोक्हाङः म्हेः ल्युङ्ओ गन्धक् नाःओ दुम्हान्हाङः तोस्ती वाय्ओ खेःचतो।
नाङ्इतेः दोह् दोह्तेः हायःतेःनौ ओउःलेः ङाइ चीःलेःनाङः। नाङ्इ गुह्र्मामाःत आन त्युस्ती काम् जाङ्ह्तेःउतो पेमालो काम् जाङ्ह्ओलम्कः नाङ् ब्लाय्क्तेःनाः ओउःतमा चीःलेःनाङः। फेरी “ङीपाय् ख्रीस्इ छ्युङ्ह्ओ ल्होक्ओमयः लेःआः ङी” त माःती तोओलम्कायःमा नाङ्इ तय्छनःती योती ओउःमयःकोः माःओ कुरापाय् चीःती झ्यान्ते सायःतेःउलु एतमा चीःलेःनेःनाङ्।
इत चीःसापाय् चीःलेःनाङः नाङ्कायः यातैज्योः कुराकायः जान्सा खेःतो। ओउः पेमालो मोमःचोः जेजेबेल् त तोओकायः नाङ्कोः मान्ताकःहाङः मुसा ताक्तेःनौ। ओउःपाय् “लौ ङापाय् परमेस्वर्कोः कुरा वानःओचाक् लेःआः ङ” त लयःकायः तोसतो ङाकोः काम् जाङ्ह्ओलम्कायः “लौ ल्हास्या काम् जाङ्ह्नु” तमा थ्योन्ह्ती स्यान्नौ “मुर्तीकायः ल्हाओ जेःगा जेःसा स्याव्लेःनाः” तमा माःती तोती स्यान्नौ।
ကြော်ငြာတွေ