ओहाङःसै अरु मान्तालम्खेइमा परमेस्वर्कोः कुरा सायःती ओउःकोः काम् जाङ्ह्आक्नीतो लोने लयः झाक्ओ काम्कायः रुःओ ल्हुङ् वाङ्नाः पैसा क्युसा बोङःओ ल्हुङ्मा लीङ्हायःओ ल्हुङ्मा वाङ्नाः त खेःयाकायः परमेस्वर्कोः काम् जाङ्ह्सा लोने ग्याइली। इलो खेःओ मान्तालम्खे चुःराङ्हाङः दीह्ओ यार्ती वाय्ओ सायःसा खाय्मालो बीयालो लेखा मुनै।
गालाती 1:4 - चेपाङ4 इ पेमालो ल्हाव्ह्दैबाङ्सै ङीकायः पेङ्कलःसाकायः प्रभु येसु ख्रीस्इ ङीकोः परमेस्वर् आपाइ तोओ कुरा ग्याती जाङ्ह्ती ङीकोः रेव्ओ काम् छय्ङ्ताक्ती वाय्साकायः ङीकायः ल्हाङःती सीआ बा। အခန်းကိုကြည့်ပါ။ |
गालाती 1:4
56 ပူးပေါင်းရင်းမြစ်များ
ओहाङःसै परमेस्वर्कायः चीःमालो ल्हाव्ह्दैबाङ्कोः मान्तालम्लो लेखालेः वाह्लाम् परमेस्वर्इ बयःओ रौ ल्हुङ् दोःती वाह्न। ओहाङःसै परमेस्वर्कोः ल्हुङ्हाङः झाक्ओ कुरालेः चीःसा खाय्तेःनानी। दोह् दोह् कुरा पेओ लेःआः दोह् दोह् कुरा ओउःकायः म्रोताक्ओ लेःआः दोह् दोह् छय्ङ्तो नीङ्ओलेः मुनाः ओउःमा चीःसा खाय्तेःनानी।
ङी रेव्ओ ल्हुङ् नाःओ मान्तालम्कायःपाय् ओउः आय् ऐन्खेइ दल्ताक्सा खाय्उलु ओउःत झ्यान्ते परमेस्वर्इ लयःकोः चोःपाय् मान्तालो लेखा स्याव्साकायः ल्होक्आकान्। ङी रेव्तो हायःओ मान्तालो स्याव्आक्तीको परमेस्वर्कोः चोःइ रेव्ओ काम्लम् क्युम्ह्ती वाय्ताक्साकायः लयःकोः आङ् ल्हाआकास। एतलेः परमेस्वर्इ मान्ताकोः रेव्ओ काम् न्युम्ह्ताक्माआकान्
ओउःमयःखेइ ओउःतलेः लयःकायः ताङ्ह्ताक्सा बोङःनीतो ङाखे “ङीकोः प्रभु येसु ख्रीस्लेः ङीकायः दल्ताक्सा थेङा क्ल्याय्ओ सीङःहाङः सीओआः” त दाय्ह्ओ कुरा ह ताङ्ह्ताक्तीलेः तोसा झाक्नाङः। ओउः ख्रीस्पाय् सीआ त दाय्ह्ओ कुराखे चीःती ल्हाव्ह्दैबाङ्कोः कुराखे ङा द्याह् दोह्तमा म्हर्ङल ओउः कुरासै पेङ्कलःती वेङःआलाङःस।
गुच्युक् न्हाङ्तोलेः ख्रीस्कोः वयःइपाय् ङीकोः ल्हुङ्तुक्खे छय्ङ्ताक्सा खाय्नौ बा। ओउः जुगाङ् नीङ्तो ख्रीस्इपाय् परमेस्वर्कोः गलकायः मुओ ग्वालामःकोः ग्वम् दोःती लयःकोः आङ्लेः परमेस्वर्कायः ल्हाआकास। ओहाङःसै ख्रीस्कोः वयःइ ङीकायः आह्रे जवओ काम्लम् फेताक्नाःतय्ही ओउःत हायःती ङीइ ओउः जीङः नाःओ परमेस्वर्कायः काम् जाङ्ह्सा खाय्नाःतय्ह्नी।
ओउः दोह्मा रेव्ओ जाङ्ह्मालो ख्रीस्पाय् ङीकोः रेव्ओ काम्लम् सबै क्युम्ह्ती वाय्साकायः यातै पेन्ह्हाङः सीलेःआ। ओउः पेओ नीङ्ओ मान्ताइपाय् ङी रेव्ओ मान्तालम् परमेस्वर्कुस् गोय्खामःसाकायः ङीकोः होन्त लीह्सीःओ गोरःआकान्। ओउःकोः आङ् मुतोक्हाङः येसुपाय् सात्ओ खेःतो परमेस्वर्कोः ग्वम्इ उह्ती च्योक्ताक्ओ खेःतो।
ओउः ङ्हाम्सीःओ परमेस्वर्कोः कुरा छ्यानःओचाक् येसु ख्रीस्इमा नीङ्कायः योनःती योती ल्हुङ् धोमाय्ताक्तेःपै। ओउः परमेस्वर्कोः चोः येसुपाय् अरुसै ङ्हालेः सीओसै उह्ती च्योक्माआ ओउःपाय् ल्हाव्ह्दैबाङ्कोः राजालम्सै पुःमानाः। येसु ख्रीस्इपाय् ङीकायः राप्लेःनाःतय्ही ओउःकोः वयः बयःती ङीकोः रेव्झ्याङ्कोः क्युम्ह्ताक्आतय्ही।
ओहाङःसैको ङाइ योती आन नाःतो हुम्ओ मान्तालम् च्यवःआलाङः। ओउःच्युक् नाःतोलेः सुइमा थेङ्सा खाय्नीली। ओउःमयः सबै जात्सै सबै खलक्सै सबै देस्सै सबै भासासै वाङ्ती ओउः राजा च्युङःसा थाव्कोः ङ्हासैमा ओउः भेदाकोः चोःकोः मीक्हाङःमा चीङ्ती मुओ खेःइतो। ओउःमयःपाय् भाम्ओ क्रमःनाय् लावइसीतो क्रुत्हाङः ल्ह्यय्ओ सीङःकोः मात् चुम्आकानी।
ကြော်ငြာတွေ