गालाती 1:16 - चेपाङ

¹⁶ ओहाङःसैको यहुदी खेःमालो मान्‍तालम्‌कायः ओउःकोः चोःकोः कुरा थोल्‍ह्‌ती तोसाकायः परमेस्‍वर्‌इ येसु ख्रीस्‌लेः छ्यानःआताङः। ओउःत ङाकःताङ् छ्यानःआथै

गालाती 1:16 ပူးပေါင်းရင်းမြစ်များ

मत्ती 16:17

“लौ योनाह्‌कोः चोः सीमोन् त तोओ नाङ्‌कायः परमेस्‍वर्‌ आन पेतो दोःताक्‌तेःआ बा। नाङ्इ देङी त्‍याङ्ओ कुरा मान्‍तालम्इ स्‍यान्ओ खेःल ङाकोः परमेस्‍वर्‌ आपाइ ह स्‍यान्‌ती बयःओ लेःआः।

मत्ती 26:41

“लौ द्याह् ल्‍युङ्‌ह्‌ती मुन ल्‍युङ्‌ह्‌ती मुतोक्‌हाङः लयःकायः ‘ङीइ रेव्‌तो जाङ्‌ह्‌साकायः ताक्‌तेःचाःताङी’ त परमेस्‍वर्‌कः तेन। ल्‍हुङ्‌हाङः नीङ् ल्‍युङ्‌ह्‌साकायः ग्‍यासातेः ग्‍यातेःनै बा। आङ्‌पाय् ह्र्याम्‌ती झ्‍यान्‍ते नीङ् लेती मुसा खाय्‌तेःनीली” त दाय्‍ह्‌तीमा येसुइ सबैकायः तोआथास।

खबरदुत 22:21

एत त्‍याङ्आक्‌तीको ‘लौ आल्अ दा यहुदी खेःमालो जात्‌लम्‌कायः स्‍यान्‌ती तोलाङ् ङाइ नाङ्‌कायः लोक्‌तो लोक्‌तो देस्‌लम्‌ताङ् ल्‍होक्‌नेःनाङ् बा’ त दाय्‍ह्‌ती येसुइ तोआताङः” त दाय्‍ह्‌ती पावुल्इ ओउः हुम्ओ यहुदीलम्‌कायः तोआथास।

खबरदुत 5:42

पाय्‍ह्‌ताङःआकाय् पाय्‍ह्‌ती वाङ्आक्‌तीको दीन्‌का दीन् ओउःमयःइ मन्‍दीर्‌हाङःमा “येसु त तोओ ङीकायः दल्‌ताक्‌लाङ् वाङ्‌सा ख्रीस् लेःआः बा” त दाय्‍ह्‌ती येसुकोः छ्युङ्‌ह्ओमयःइ थोल्‍ह्‌ती तोमाआकानी लःलयःकोः कीम्‌हाङःमा येसुकोः कुरा स्‍यान्‌माआकानी।

खबरदुत 9:15

“खेःल नाङ् आल्अ दा। ओउः मान्‍तापाय् अरु इस्राएल्‌कोः मान्‍तालम्‌कायः ङाकोः कुरा तोसाकायः छ्युङ्‌ह्आलाङः बा। ङाकोः कुरा अरु यहुदी खेःमालो जात्‌लम्‌कायःमा ओउःमयःकोः राजालम्‌कायःमा ओउःइलेः तोसा खेःतो।

खबरदुत 9:20

ओउःमयःकुस् मुतोक् बेलाहाङः सावुल्‌पाय् थनःओ कीम्‌लम्‌हाङः येसुकोः कुरा नोःलाङ् आल्आ। “येसु त तोओपाय् परमेस्‍वर्‌कोः गोय्‌चोःचोः लेःआः बा” त दाय्‍ह्‌ती नोःती मुओ खेःतो।

रोमी 1:5

इ येसुइ ङीकायः छ्युङ्‌ह्आक्‌तीको ओउःकोः काम् जाङ्‌ह्‌साकायः ग्‍वम् बयःती सबै अरु जात्‌कोः मान्‍तालम्‌कायः येसुकोः कुरा पेतो ङ्‌हाम्‌ती ग्‍याताक्‌साकायः ल्‍होक्आताङी।

रोमी 11:13

द्याह् नीङ् यहुदी खेःमालोलम्‌कायः तोचेःनाङ्‌स। ङापाय् यहुदी खेःमालोलम्‌कायः ख्रीस्इ छ्युङ्‌हओ ल्‍होक्ओमयः लेःआः ङ। नीङ्‌कायः ल्‍होक्‌च्‍युक्‌हाङः ङाइ ओउः काम्‌कायःपाय् आन ङाःतीलेः तोनाङः

१ कोरीन्‍थी 15:50

लौ पुःचोङ् हौचोङ्‌य “ल्‍हाव्‍ह्‌दैबाङ्‌कोः आङ् नाःओलम्‌पाय् परमेस्‍वर्‌कोः राजी पोक्‌सा दोःइली। वाय्‌सा खेःओ खाल्‌पाय् वाय्‌सा खाय्‌मालो खाल्‌कःहाङः मुसा दोःइली” एत ङाइ तोनेःनाङ्‌स।

२ कोरीन्‍थी 4:6

परमेस्‍वर्‌इलेः “लौ च्‍याक्ओहाङः थोङ्‌तो स्‍याव्‌पाः” त दाय्‍ह्‌ती तोओआः बा ओउः परमेस्‍वर्‌इपाय् ङीकोः ल्‍हुङ्‌मा थोङ्‌ताक्आताङी। ओहाङःसैको ओउः थोङ्ओपाय् येसु ख्रीस्‌कोः खेन्‌सै वाङ्‌ती परमेस्‍वर्‌ गुच्‍युक् पेओमा ताङ्‌ह्ओमा त चीःताक्‌नाःताङी।

२ कोरीन्‍थी 5:16

द्याह्‌हाङःसै ङीखेइ सुकायःमा ओउःकोः रुप् ह योती तय्‌छनःती योङुसुलु ओउःत हायःती ल्‍हाव्‍ह्‌दैबाङ्‌कोः मान्‍तालम्‌खेइ तय्‌छनःती योनानी। माः रैस ङी यात् पेन्‍ह्‌कायः ख्रीस्‌कायः ल्‍हाव्‍ह्‌दैबाङ्‌कोः मान्‍तालो लेखालेः तय्‌छनःती योङुसुतो द्याह्‌पाय् ङीइ ओउःकायः एतलेः योङुसुलु।

गालाती 2:1

ओहाङःसैको चौध बर्‌स स्‍याव्आक्‌तीको ङा बर्‌नाबास्‌कुस्इ यरुसालेम्‌ताङ् द्यान्‍ह्आलाङः तीतस्‌कायःमा लात्‌ती आलःआलाङः।

एफेसस् 3:1

लौ ओउःत हायःतीलेः ङा पावुल् त तोओपाय् नीङ्‌कःहाङः येसु ख्रीस्‌कोः काम् जाङ्‌ह्‌साकायः थुनती मुओ मान्‍ताइपाय् नीङ्‌कायः परमेस्‍वर्‌कः तेती तोनेःनाङ्‌स।

एफेसस् 6:12

ङी मान्‍ताकुस् ह कायःकाय्‌सा खेःङीली सबै लाङ्‌काहाङःसै वाङ्ओ पेमालो हुकुम् बयःओलम्‌कुस्‌मा इ ल्‍हाव्‍ह्‌दैबाङ्‌कोः पेमालो ताङ्‌ह्ओ ग्‍वम्‌लम्‌कुस्‌मा कायःकाय्‌सा खेःनाङी बा।

१ थेसलोनिकि 2:16

ओहाङःसै परमेस्‍वर्‌कोः दल्‌ताक्‌सा पेओ समचार्‌पाय् ङीइ यहुदी खेःमालो जात्‌लम्‌कायः तोतोक्‌हाङः ङीकायः त्‍याःसा बोङःआताङी। ओउःत झ्‍यान्‍ते ओउःमयःइ रेव्ओ काम् जाङ्‌ह्‌तीपाय् दप्‌तोलेः द्युम्‌ताक्आकानी। ओउःमयःकः परमेस्‍वर्‌ आन ल्‍हुङ् मल्‍ह्‌ती न्‍युम्‍ह्‌ताक्‌नाःथास।

१ तीमोथी 2:7

ओउः कुरा छ्यानःती “इ येसु ख्रीस्‌कोः दोङ् कुरा ङ्‌हाम्‌नु” त ङाइ थोल्‍ह्‌ती तोसाकायःमा परमेस्‍वर्‌इ ङाकायः यहुदी खेःमालो मान्‍तालम्‌कःताङ् छ्युङ्‌ह्‌ती ल्‍होक्आताङः। एत दाय्‍ह्‌ती ङाइ माःती तोओ खेःल दोङ् कुरालेः तोनेःनाङ् बा।

२ तीमोथी 1:11

ओउः पेओ समचार्‌ थोल्‍ह्‌ती तोसाकायःमा स्‍यान्‌साकायःमा परमेस्‍वर्‌इ ङाकायः छ्युङ्‌ह्‌ती ल्‍होक्आताङः।

हेब्रैनी 2:14

ओउःकोः हौलम् त तोओपाय् सास् नाःओ वयः नाःओ खाल् खेःलेःनै ओउःत खेःओ येसुमा ओउःमयःलो लेखालेः थाङ्‌ती मान्‍तालेः स्‍याव्आ। ओउःत स्‍याव्आक्‌तीको ओउःकोः सीधार्‌नालेः येसुइ सीताक्‌सा ग्‍वम् नाःओ सैतान्‌कायः क्‍लीमःती वाय्‌सामा खाय्ओ खेःतो।