गालाती 1:14 - चेपाङ

¹⁴ फेरी ङाच्‍युक् ताङ्‌ह्ओ यहुदीलम्‌सै ङाइ न्‍हाङ्‌तोलेः ओउःकोः धर्‌मा चीःती आय्‌कानः तोकानःइ बयःओ कुरा व्‍हाय्‌ती जाङ्‌ह्‌ङोतो

गालाती 1:14 ပူးပေါင်းရင်းမြစ်များ

मत्ती 15:6

नीङ्इ इतलेः परमेस्‍वर्‌कोः हुकुम् ल्‍हेत्‌ती वाय्‌ती लःलयः झाक्ओ छ्यात् जवतेःनानी।

खबरदुत 21:20

ओउःत पावुल्इ ल्‍हाक्‌ती छ्यानःओ कुरा सायःती सबै हुम्ओलम्इमा परमेस्‍वर्‌कायः म्रोती तोआकानी। ओहाङःसैको “लौ इहाङःमा नाःतो यहुदीलम्इ प्रभु येसुकोः कुराकायःमा ङ्‌हाम्‌नानी। ओउःमयःइ मोसाकोः उय्‍ह्‌ले बयःओ ऐन्‌कोः कुरामा आन म्‍ह्याङ्‌ती जाङ्‌ह्‌नानी।

खबरदुत 22:3

ओहाङःसैको पावुल् फेरीलेः नोःती “लौ ङापाय् सीलीसीया जील्‍लाकोः तार्‌सुस् सहर्‌हाङः ओत्ओ यहुदी मान्‍ता लेःआः ङ। लोन्‍ते इ यरुसालेम् सहर्‌ताङ् वाङ्‌ती ङाइ गामालीएल् त तोओ मास्‍तर्‌कःहाङः ङीकोः आय्‌कानः तोकानःइ जवओ ऐन् पेतो स्‍यान्आलाङःस। नीङ्‌लो लेखा ङाइ परमेस्‍वर्‌कोः कुरा जाङ्‌ह्ओ आन पेतोलेः झाक्‌ती जाङ्‌ह्आलाङः।

खबरदुत 26:5

ङापाय् यहुदी जात्‌कोः फरीसीलम्‌लो लेखा सबै यहुदीलम्इ जवओ कुरा पेतो द्योक्‌तोलेः जाङ्‌ह्ओ खेःङोतो इतलेः इ यहुदीलम्इ आन ज्‍याङःतोक्‌हाङःसैकोः चीःतीलेः इमयः ग्‍याओ त खेःया ङाकायः पाःती तोसा खाय्‌नानी।

खबरदुत 26:9

“लौ छ्योह्‌खा ङाइमा नासरेत्‌कोः येसुकोः कुरा ङ्‌हाम्आक्‌ङल ओउःत झ्‍यान्‍ते ओउः कुरा ङाइ आन त्‍याःसा बोङःङोतो।

कोलसी 2:8

अरु मान्‍ताकोः माःती तोओ स्‍यान्‌राय् सायःतेःचानी ओउःमयःइ स्‍यान्ओ कुरा आह्रे लेःआः। ओउः कुरापाय् ल्‍हाव्‍ह्‌दैबाङ्‌कोः मान्‍ताइ जवओ द्यव्‌ताकोः कुरा ह ख्रीस्इ बयःओ खेःल।

१ पत्रुस् 1:8

ओउः प्रभु येसुकायः च्‍यवःमामाःत ओउःकायः नीङ्इ राप्‌लेःतेःनानी। तेन्‌छ्याङ् ओउःकायः च्‍यवःमामाःत नीङ्इ ङ्‌हाम्‌लेःतेःनानी ओउःत झ्‍यान्‍ते नीङ् गुच्‍युक् पेतोलेः चोङाय्‌ती मुलेःतेःनै। ओउःच्‍युक् चोङाय्‌तो स्‍याव्ओकायः सुइमा चीःसामा नोःसामा खाय्‌नीली।