एफेसस् 6:9 - चेपाङ

⁹ फेरी नीङ् मालीक्‌लम्इमा नीङ्‌कोः नोकरीलम्‌कायः पेतो हायःती खह्र्तोलेः जान्‌तेःचानी। ओउःमयःकोः मालीक् नीङ्‌कोः मालीक्‌मा लाङ्‌काहाङः मुओ प्रभु परमेस्‍वर्‌ लेःआः बा एतलेः चीःतेःपानी। ओउःइ सुकायःमा घार्‌तीलेः योतेःनै बा।

एफेसस् 6:9 ပူးပေါင်းရင်းမြစ်များ

मत्ती 22:10

एत तोआक्‌तीको ओउः नोकरीलम् मीमीओ ल्‍याम्‌हाङः आल्‌ती सुकायःलो च्‍यवःआकानी पेओमा पेमालोमा ओउःकायःलेः सबै गोत्‌ती भोस्‌ताङ् वानःआकानी। वानःआक्‌तीको भोस्‌हाङः पहुनालम् पेतोलेः स्‍याव्आकाय्।

मत्ती 22:8

वाय्आक्‌तीको ओउः राजाइ अरु नोकरीलम् गोत्‌ती ‘लौ ङाकोः भोस् द्याह् स्‍याव्‌खेःआ। ङाइ ङ्‌हा गोत्‌सा बोङःओलम् पेमालो खेःइतो

मत्ती 24:48

खेःल ओउः नोकरीपाय् ल्‍हुङ् पेमालो स्‍याव्‌ती ‘लौ ङाकोः मालीक् रेन्‍ह्‌तोलेः पाय्‍ह्‌ल’ त म्‍हर्‌ती

मत्ती 24:51

ओउःत झ्‍यान्‍ते ओउः नोकरीकायः जोक्‌तो न्‍युम्‍ह्‌ताक्‌ती ल्‍होक्‌नौ ल्‍होक्आक्‌तीको ओउः नोकरी आन र्‍याःती लीह्‌तो स्‍याव्आनाः।

मत्ती 7:12

फेरी दोह् दोह्‌लो अरुखेइ नीङ्‌कायः जाङ्‌ह्‌सा झाक्‌तेःचै ओउःलेः नीङ्‌खेइ अरुकायः जाङ्‌ह्‌नु दा। ओउःत हायःओ उय्‍ह्‌लेकोः आखरःहाङःमा परमेस्‍वर्‌कोः कुरा छ्यानःओमयःमा दाय्‍ह्‌ती स्‍यान्ओ खेःतो।

लुका 6:31

दोह् दोह्‌लो अरुखेइ नीङ्‌कायः जाङ्‌ह्‌सा झाक्‌तेःचै ओउःलेः अरुकायः नीङ्‌खेइ जाङ्‌ह्‌नु।

युहना 13:13

ङाकायःपाय् गुरु तमा तोतेःनानाङ्‌स प्रभु तमा तोतेःनानाङ्‌स ओउःत तोसापाय् स्‍याव्‌लेःनाः नीङ्‌कोः गुरुमा प्रभुमा खेःलेःआनाङः।

खबरदुत 10:34

ओउःत तोआक्‌तीको “दोङ्‌सीलेः परमेस्‍वर्‌इ सुकायःमा घाराङ्‌लेः राप्‌नाःथास। इतलेः ङाइ द्याह् पेतोलेः चीःनाङः।

रोमी 2:11

दोह् हायःती दाय्‍ह्‌सा सबैकायःपाय् यहुदीलम्‌कायःमा यहुदी खेःमालोलम्‌कायःमा परमेस्‍वर्‌इ यातैज्‍योःलेः घार्‌ती योती जाङ्‌ह्‌नाःथास।

१ कोरीन्‍थी 7:22

सुसुखे प्रभुइ गोत्ओहाङः नोकरी मुनै ओउःपाय् प्रभुकोः मीक्‌हाङः नोकरी खेःमालो मान्‍ता मुनै। फेरी सुसुखे गोत्ओ बेलाहाङः नोकरी खेःइली ओउःपाय् ख्रीस्‌कोः नोकरी स्‍याव्‌नै।

कोलसी 3:25

सुसुइ पेमालो जाङ्‌ह्‌नानी ओउःपाय् रेव्‌झ्‍याङ्‌कायः रेव्ओलेः दोःनै। सुखेलोइ पेमालो जाङ्‌ह्‌नानी ओउःइ रेव्‌तोलेः दोःनै ताङ्‌ह्ओ मान्‍तामा मीओ मान्‍तामा छमाःत दोःनै।

कोलसी 4:1

मालीक्‌लम्‌मा नीङ्‌कोः नोकरीलम्‌कायः पेतो हायःउसु। लाङ्‌काहाङः नीङ्‌कोः मालीक्‌मा मुलेःनाः एत नीङ्इ चीःसा खेःतो।

याकुब् 2:13

अरुकायः योनःती योसा ग्‍यामालो मान्‍ताखेकायः परमेस्‍वर्‌इमा ओउः मान्‍ताकायः योनःमाःत न्‍युम्‍ह्‌ताक्‌नाःथै। अरुकायः योनःती योओ मान्‍ताखेपाय् परमेस्‍वर्‌कोः न्‍युम्‍ह्‌ताक्ओकः रैसा परल।

याकुब् 2:8

परमेस्‍वर्‌कोः राजीकोः नीयम् आखरःहाङः इलेः लेखती मुनाः “नाङ्‌कोः लयःकोः वेङ्‌ह्‌ग चेङ्‌ह्‌गकोः मान्‍तालम्‌कायः लयःकायः धेःती राप्‌ती स्‍यास्‌सा खेःतो” त दाय्‍ह्ओ मुलेःनाः। ओउः नीयम् नीङ्इ जाङ्‌ह्‌तेःनानी त खेःया ओउःखे पेलेःनाः।

याकुब् 5:4

नीङ्इपाय् नीङ्‌कोः लयःकोः राङ्‌हाङः काम् जाङ्‌ह्ओ खेत्‌ल्‍यालम्‌कोः ज्‍याला माःती जेःतेःआकानी। लौ नीङ्इ ओउःमयःकायः पेमालो हायःतेःआकान् त झ्‍यान्‍ते ओउःमयःकोः काय्‍ह्‌य्‍हाव्‌ती नोःओ कुरा सायःनु दा। ओउःमयःकोः कुरापाय् ओउः जुगाङ् ग्‍वम् नाःओ प्रभुइलेः सायःआकान् बा।