एफेसस् 6:24 - चेपाङ

²⁴ फेरी ङीकोः प्रभु येसुकायः दोङ् दीःमामाःत राप्ओलम्‌कायः परमेस्‍वर्‌इ योनःती योपाःथास।

एफेसस् 6:24 ပူးပေါင်းရင်းမြစ်များ

मत्ती 22:37

“सबैसै ताङ्‌ह्ओपाय् इलेःआः बा। प्रभु परमेस्‍वर्‌कायः ल्‍हुङ्‌हाङः राप्‌ती ल्‍हुङ्‌तुक् ग्‍याती आन पेतो वाय्‍क्‌ती मुसा खेःनाः।

मत्ती 28:20

ङाइ तोआ कुरा सबै स्‍यान्उसु दा। लौ इ ल्‍हाव्‍ह्‌दैबाङ्‌कोः द्युम्ओ बेलाहाङःमा गलकायःमा ङापाय् नीङ्‌कुस् मुलेःनाङः बा” त दाय्‍ह्‌ती येसुइ तोआथास।

मत्ती 6:13

ङीकायः सैतान्‌सै दल्‌ताक्‌ती रेव्‌तो जाङ्‌ह्‌साकायः ताक्‌तेःचाःताङी’ त दाय्‍ह्‌ती परमेस्‍वर्‌कायः तोसाआः।

रोमी 2:7

सुसुखेइ गलकायःमा पेओ काम्‌लेः जाङ्‌ह्‌धै लयःकायः पेतोमा ताङ्‌ह्‌तो स्‍याव्‌साकायःमा गलमा द्योक्‌मालो जीङःकायःमा बोङःनानी ओउःमयःकायःलेः परमेस्‍वर्‌इ गलमा द्योक्‌मालो जीङः बयःआनाःथास।

२ कोरीन्‍थी 13:14

लौ प्रभु येसु ख्रीस्इलेः नीङ्‌कायः योनःती योतेःपै। परमेस्‍वर्‌इ नीङ्‌कायः राप्‌तेःपै ओउःकोः ग्‍वालामःमा नीङ्‌कुस् ब्राङ्‌ती मुपै। ओउःच्‍युक्‌लेः।

२ कोरीन्‍थी 8:12

नीङ् ग्‍याओ त खेःया नीङ्इ गुच्‍युक्‌तेः बयःसा खाय्‌तेःनानी ओउःच्‍युक्‌लेः परमेस्‍वर्‌इ म्रोती त्‍याक्आनौ। ओउःसै नाःतो बयःसा परल।

२ कोरीन्‍थी 8:8

एत तोओपाय् गानाक्‌ती तोओलेः खेःल। ओउः अरु मान्‍तालम् गुच्‍युक् साय्‍क्‌तोलेः बयःसा ग्‍यानै त नीङ्‌कायः छ्यानःनेःआलाङ्‌स। ओहाङःसै नीङ्इमा अरुलम्‌कायः गुच्‍युक् राप्‌ती बयःतेःनानी त ङाइ योसालेः खाय्‌नाङः ओउःत हायःसाकायः ह इतलेः तोनेःआलाङ्‌स।

एफेसस् 6:23

नीङ् सबै पुःचोङ् हौचोङ्‌लम्‌य धोमाय्ओमा अरुकायः राप्ओमा पेतो ङ्‌हाम्ओ ल्‍हुङ्‌मा परमेस्‍वर्‌ आपाइमा बयःतेःपनै ङीकोः प्रभु येसु ख्रीस्इमा ओउःतलेः बयःतेःपनै।

फीलीपी 1:1

लौ इ चेती ङा पावुल्‌मा तीमोथीमा नीची नीस्‌चाक् येसु ख्रीस्‌कोः नोकरीनीस्इ नीङ् फीलीपी सहर्‌हाङः मुओ ख्रीस्‌कायः ङ्‌हाम्ओलम्‌कायः लेखती ल्‍होक्‌नेःनाङ्‌स. नीङ्‌कायःमा नीङ्‌कोः स्‍यालःओ मान्‍तालम्‌मा परमेस्‍वर्‌कोः काम् जाङ्‌ह्ओलम्‌कायःमा सबैकायः लेखती ल्‍होक्‌नेःनाङ्‌स।

कोलसी 4:18

ङा पावुल्इ नमस्‍ते त लयःकोः क्रुत्इलेः लेखती ल्‍होक्‌नेःनाङ्‌स। ङाकायः थुनती मुलेःनाः त म्‍हेःलाम्। लौ नीङ्‌कायः परमेस्‍वर्‌इ योनःती योतेःपै।

२ तीमोथी 4:22

लौ प्रभुपाय् नाङ्‌कोः वाहीमःकुस् मुपाः ओउःइ सबैकायः योनःती योती पेतोलेः बयःतेःपै।

तीतस् 2:7

नाङ्इमा गलकायःमा पेओ काम् जाङ्‌ह्‌ती ओउःमयःकायः गत हायःती वाह्‌सा त छ्यानःउसु। स्‍यान्ओ बेलाहाङः दोङ् पेओ व्‍हाय्ओ कुरा स्‍यान्उ।

तीतस् 3:15

ङाकुस् मुओलम् सबै नाङ्‌कायः नमस्‍ते ल्‍होक्‌तेःनाः। नाङ्‌कुस् मुओ ङीकायः राप्ओ ङ्‌हाम्ओलम्‌कायः नमस्‍ते तोती बयःउसु। परमेस्‍वर्‌इ नीङ्‌कायः सबै योनःती योतेःपै।

हेब्रैनी 13:25

लौ नीङ् सबैकायःपाय् परमेस्‍वर्‌इलेः योनःतीलेः योतेःपै। ओउःच्‍युक्‌लेः।