एफेसस् 6:19 - चेपाङ19 ङाकायःमा “लौ ओउःइ पेतोलेः ल्हुङ् फुती तोसा खाय्पनौ” त परमेस्वर्कः तेती तोनाङ्स। ओहाङःसै ङाइ परमेस्वर्कोः पेओ समचार् पेतोलेः छ्यानःसा खाय्नाङः। အခန်းကိုကြည့်ပါ။ |
एफेसस् 6:19
34 ပူးပေါင်းရင်းမြစ်များ
ओहाङःसैको एफेसस् सहर्ताङ् दाह्आक्तीको आपोलस्इपाय् थनःओ कीम्हाङः पोक्ती ओहाङः फुतीलेः स्यान्ती तोखयःआथास। थनःओ कीम्ताङ् स्यान्ती तोतोक्हाङः ओउःइ तोओ कुरा अक्वीला नीस्पय्क्चाःइ सायःआकाचु। सायःआक्तीको ओउःनीस्इ येसुकोः कुरा सबैलेः पेतो चीःताक्साकायः आपोलस् त तोओकायः लोन्ते पेतो स्यान्आकाचु।
अरुलम् रैआकाय् यात्चाक् बर्नाबास् त तोओखेइ सावुल्कोः कुरा ङ्हाम्ती ओउःकायः रोम्ती येसुकोः छ्युङ्ह्ओमयःकःताङ् वानःआथै। वानःआक्तीको “लौ दामास्कस्ताङ् वाह्ओ ल्याम्हाङः सावुल्इ ङीकोः प्रभु येसुकायः च्यवःआकान् येसुकुस् नोःकाय्आकाय् बा। ओहाङःसैको दामास्कस् सहर्हाङः सावुल्इ जुगाङ् रैमाःत येसुकोः कुरा तोमाआकान्” त दाय्ह्ती बर्नाबास्इ सावुल्कोः कुरा सबै ल्हाक्ती छ्यानःआथास।
लौ उया पुःचोङ् हौचोङ्य प्रभु येसुकोः पेओ नोःराय् नीङ्कःहाङः रेन्ह्तोलेः छालःओ खेःतो ओहाङःसै थोल्ह्ती तोधार्नालेः नीङ्इ पेतो ङ्हाम्तेःआकानी। ओउःत झ्यान्ते परमेस्वर्कः तेती तोतोक्हाङः “ङीकःहाङःलो लेखालेः चार् दोवाताङ् प्रभुकोः पेओ नोःराय् रेन्ह्तोलेः पेतो स्याव्पाः” त दाय्ह्तीमा ङीकोः काम् पेतो स्याव्साकायः तेन दा।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ကြော်ငြာတွေ