एफेसस् 5:26 - चेपाङ26 ओउःत हायःती ओउःमयःकायः तीःइमा नोःराय्इमा जय्लनःती सबै जय्कुमःत स्याव्ताक्आकान्। အခန်းကိုကြည့်ပါ။ |
एफेसस् 5:26
35 ပူးပေါင်းရင်းမြစ်များ
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
मोसाकोः ऐन् ग्यामालो मान्ताकायः एत न्युम्ह्तो स्याव्नाः त खेःओ सुसुइ परमेस्वर्कोः चोः अह्र्तोलेः योचानी ओउःपाय् न्हाङ्तोलेः न्युम्ह्नै बा। दोह् हायःती दाय्ह्सा ओउः मान्ताइपाय् छय्ङ्ताक्ओ ख्रीस्कोः होम्काय्ती बयःओ वयःपाय् अरुइ बयःओ वयःलो लेखा मीतोलेः ताःमानौ ओउःकायः योनःती योओ परमेस्वर्कोः ग्वालामःकायःमा हेला क्लाःमानौ।
परमेस्वर्कोः नोःराय्इपाय् जीङः नाःओलो लेखालेः आन जाङ्ह्सा खाय्नौ। व्हानःओ नाःसुयःइ ह्रुस् मायः तात्ती वेङ्काय्सा खाय्नौ ओउःसै न्हाङ्तोलेः परमेस्वर्कोः नोःराय्इ मान्ताकोः ल्हुङ्तुक् तात्ती पोक्सा खाय्नौ मान्ताकोः ल्हुङ्तुक्कोः झाक्ओ कुरामा म्हर्ओ कुरामा छीङ्गलःती योसा खाय्मानौ।
गुच्युक् न्हाङ्तोलेः ख्रीस्कोः वयःइपाय् ङीकोः ल्हुङ्तुक्खे छय्ङ्ताक्सा खाय्नौ बा। ओउः जुगाङ् नीङ्तो ख्रीस्इपाय् परमेस्वर्कोः गलकायः मुओ ग्वालामःकोः ग्वम् दोःती लयःकोः आङ्लेः परमेस्वर्कायः ल्हाआकास। ओहाङःसै ख्रीस्कोः वयःइ ङीकायः आह्रे जवओ काम्लम् फेताक्नाःतय्ही ओउःत हायःती ङीइ ओउः जीङः नाःओ परमेस्वर्कायः काम् जाङ्ह्सा खाय्नाःतय्ह्नी।
नीङ्कायःपाय् “लौ ङाकोः लयःकोः मान्तालम् स्याव्पै” त दाय्ह्ती परमेस्वर्इ आपाइ लयः झाक्तीलेः छीङ्ह्तेःआकाय्। ओहाङःसैको एत हायःती येसु ख्रीस्कोः वयःइ रेव्ओसै छय्ङ्ताक्साकायःमा ओउःकोः काम् ग्याताक्साकायःमा परमेस्वर्कोः ग्वालामःइ नीङ्कायः गम्तेःआकाय्। लौ नीङ्कायः परमेस्वर्इ न्हाङ्तोलेः योनःती योती आन पेतोलेः ल्हुङ् धोमाय्ताक्तेःपै।
ကြော်ငြာတွေ