एफेसस् 5:20 - चेपाङ

²⁰ गलकायःमा दोह् खेःयाकायःमा प्रभु येसु ख्रीस्‌कोः मय्‍ङ् पेह्‌ती ङीकोः परमेस्‍वर्‌ आपाकायः “च्‍युता” त दाय्‍ह्‌ती तोचाक्‌नु।

एफेसस् 5:20 ပူးပေါင်းရင်းမြစ်များ

युहना 15:16

नीङ्‌खेइ ङाकायः छ्युङ्‌ह्‌तेःनाङ्‌सल ङाखेइ नीङ्‌कायः छ्युङ्‌ह्‌नेःआलाङ्‌स। नीङ् अरुकःताङ् आल्‌ती ङाकोः काम् गलमा स्‍युताक्‌साकायः छ्युङ्‌ह्‌ती ल्‍होक्‌नेःआलाङ्‌स। ओहाङःसै दोह् दोह्‌तेः ङाकोः मय्‍ङ् पेह्‌ती ङाकोः आपाकः तेती तोतेःचनै ओउःलेः बयःतेःनै।

खबरदुत 5:41

फेआक्‌तीको ओउः छ्युङ्‌ह्ओमयःलम् सभासै ग्‍ल्‍युङ्‌ह्‌ती “लौ येसुकोः कुरा तोसाकायः परमेस्‍वर्‌इ ङीकायः लीह्‌सीःओ च्‍यवःसा ताक्आतय्‍ही बा” त चोङाय्‌तीलेः पाय्‍ह्आकाय्।

रोमी 1:8

“ओउःमयःइ परमेस्‍वर्‌कोः कुरा आन ङ्‌हाम्‌नानी” त दाय्‍ह्ओ नीङ्‌कोः कुरा सबै ल्‍हाव्‍ह्‌दैबाङ्‌कोः मान्‍तालम्इ चीःनानी। ओउः त झ्‍यान्‍ते ङ्‌हापाय् नीङ् सबैकायः गीलती ङाइ येसु ख्रीस्‌कोः मय्‍ङ् पेह्‌ती परमेस्‍वर्‌कायः “च्‍युता” त तोलेःनाङः।

१ कोरीन्‍थी 1:4

येसु ख्रीस्इलेः नीङ्‌कायः आन बयःतेःआकाय् त झ्‍यान्‍ते नीङ्इ सबै कुरा व्‍हाय्‌ती चीःती नोःसा खाय्‌तेःनानी ओउःत झ्‍यान्‍ते ङाइ गलकायःमा परमेस्‍वर्‌कायः “च्‍युता” त तोलेःनाङः।

१ कोरीन्‍थी 15:24

ओहाङःसैको ओउः द्युम्ओ बेलाहाङः वाङ्‌नाः। ओउःतोक्‌हाङः सबै राजालम्‌कायःमा हुकुम् बयःओलम् ग्‍वम्‌लम्‌कायःमा ख्रीस्इपाय् क्‍लीमःनौ। क्‍लीमःआक्‌तीको ओउःकोः राजी ख्रीस्इपाय् लयःकोः परमेस्‍वर्‌ आपाकायः ल्‍हानौ।

एफेसस् 5:4

रेव्‌तो नोःओमा थ्‍यावःओ कुरामा गलमा नोःमाःत सबैकायः परमेस्‍वर्‌कायः “च्‍युता” त तोतेःपानी।

फीलीपी 1:3

नीङ्‌कायः ल्‍हुङ्‌हाङः लाय्ओ बेलाहाङः परमेस्‍वर्‌कायः गलकायःमा “च्‍युता” त तोनाङः।

फीलीपी 4:6

दोह् खेःयाकायःमा ल्‍हुङ् रुःतेःचनै सबै कुराकायः “च्‍युता” त दाय्‍ह्‌ती परमेस्‍वर्‌कायः तेती तोनु।

कोलसी 3:17

दोह् खेःयामा दाय्‍ह्‌तेःनै दोह् खेःयामा जाङ्‌ह्‌तेःनानी सबै कुरा “इ प्रभु येसुकायः लेःआः” त दाय्‍ह्‌ती ख्रीस्‌कोः मान्‍तालो लेखा जाङ्‌ह्‌मानु। “इ कुरा प्रभु येसुइ दोःताक्आताङः” दाय्‍ह्‌ती परमेस्‍वर्‌ आपाकायः “च्‍युता” त तोमानु।

१ थेसलोनिकि 3:9

द्याह् नीङ् पेतोलेः मुनै त चीःती ङी आन चोङाय्‌तीलेः परमेस्‍वर्‌कायः “च्‍युता” त तोनाङःसु।

१ थेसलोनिकि 5:18

दोह् खेःयाकायःमा ओउःकायः “च्‍युता” त तोनु। नीङ् येसु ख्रीस्‌कायः ङ्‌हाम्ओलम्इ ओउःत हायःतीलेः वाह्ओपाय् परमेस्‍वर्‌ झाक्आनाः।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।

२ थेसलोनिकि 2:13

लौ नीङ् प्रभुइ राप्ओ पुःचोङ् हौचोङ्‌य ङीइ परमेस्‍वर्‌कायः गलमा “च्‍युता” त तोसा खेःनाङी दोह् हायःती दाय्‍ह्‌सा ओउःइ लयःकोः ग्‍वालामःइ छय्‍ङ्‌ताक्‌साकायः नीङ् दोङ् कुरा ङ्‌हाम्ओलम्‌कायः “ओउःमयः दल्‌तो स्‍याव्‌पै” त दाय्‍ह्‌ती ङ्‌हाहाङःसै छ्युङ्‌ह्‌तेःआकाय्।

हेब्रैनी 13:15

लौ उया परमेस्‍वर्‌कायः दोह् ल्‍हाती बयःसा दाय्‍ह्‌सा येसुकोः मय्‍ङ् पेह्‌ती ओउःकायः लुङ्‌ती तोओपाय् ज्‍युङ्‌ह्‌तीलेः तोती ल्‍हाती बयःनी। ङीकोः नोःराय्इ ओउःकोः मय्‍ङ् ताङ्‌ह्‌ताक्ओ कुरापाय् परमेस्‍वर्‌कायः ल्‍हाओ थोक्‌लो लेखा स्‍याव्‌नाः।

१ पत्रुस् 2:5

फेरी ओउः परमेस्‍वर्‌कोः कीम्‌हाङः देती गम्‌सा बाङ्‌लो लेखालेः नीङ् जीङः नाःओलम्‌पाय् छ्युङ्‌ह्ओलेःतेः इ। परमेस्‍वर्‌कायः म्रोताक्‌सा पेओ कुरा ल्‍हासाकायः नीङ् येसु ख्रीस्इ छ्युङ्‌ह्ओ पुरोहीत्‌लो लेखा स्‍याव्‌तेःनै।

१ पत्रुस् 4:11

नीङ्‌कःहाङः यात्‌चाक्इ स्‍यान्‌ती तोओ स्‍यार्‌मे नाःओ त खेःया ओउःइपाय् परमेस्‍वर्‌कोः दोङ् कुरालेः चीःती तोपौ। अरुखेइ ङ्‌हाम्ओलम्‌कायः लव्‍ह्‌ती जाङ्‌ह्‌सा स्‍यार्‌मे नाःओ त खेःया ओउःपाय् परमेस्‍वर्‌कोः ग्‍वम् दोःतीलेः जाङ्‌ह्‌पौ ओहाङःसै इत हायःतीलेः प्रभु येसुकोः ङ्‌हाम्ओलम्इ दोह् खेःयाकायःमा परमेस्‍वर्‌कायः तोङ्‌ह्‌ताक्‌सा खाय्‌नानी। ओउः परमेस्‍वर्‌पाय् गलकायःमा ग्‍वम् नाःओमा तोङ्‌ह्ओमा मुलेःनाः बा। ओउःच्‍युक्‌लेः स्‍याव्‌पाः दै।