एफेसस् 5:18 - चेपाङ

¹⁸ ओहाङःसैको हान् तुङ्‌ती ङोतेःचनै। हान्इ ङोताक्ओलम् आन ब्रःती रेव्‌तो जाङ्‌ह्‌नानी। ओउःत हायःमाःत परमेस्‍वर्‌कोः ग्‍वालामः दोःती

एफेसस् 5:18 ပူးပေါင်းရင်းမြစ်များ

मत्ती 23:25

लौ नीङ् धर्‌मा स्‍यान्ओमयःमा फरीसीलम्‌मा लोनेतेः आनतेः न्‍युम्‍ह्‌तेःनानी बा। दोह् हायःती दाय्‍ह्‌सा नीङ् आङ् बाहीरखेताङ् पेतो छय्‍ङ्‌ताक्‌साकायः आन जेस्ओ जवतेःनानी भीत्रखे नीङ्‌कोः छय्‍ङ्‌मालो ल्‍हुङ्‌पाय् लओमा रेव्ओमा आनलेः मुनाः।

मत्ती 24:49

मालीक्‌कोः थोक्‌लम् जेःती तुङ्‌ती झ्‍यान्‍ते ङोतीलेः अरु नोकरीलम्‌कायः घान्‌लेःनौ ओहाङःसैको ओउः नोकरीइ तय्‍ह्‌सा चीःमालो दीन्‌हाङः ओउःकोः मालीक्‌पाय् पाय्‍ह्‌ती दाह्‌ती लयःकोः नोकरीइ पेमालो काम् जाङ्‌ह्‌धै मुओ च्‍यवःनौ

लुका 1:15

इ मान्‍तापाय् लोने परमेस्‍वर्‌कोः मीक्‌हाङः ताङ्‌ह्‌तोलेः स्‍याव्‌नाः। ओउःइपाय् ङोताक्ओ थोक्‌लम् धाक्‌सायःकोः तीःलम् तुङ्‌सा गलमा स्‍याव्‌ल। ओउःपाय् लयः ओत्ओहाङःसै परमेस्‍वर्‌कोः ग्‍वालामः आन दोःनाः।

लुका 11:13

ओउःत झ्‍यान्‍ते नीङ् पेओ खेःमालोलम्‌खेइ लयःकोः चोःलम्‌कायः पेतो बयःसा चीःतेःनानी दोङ्‌सीलेः नीङ्‌कोः परमेस्‍वर्‌ आपाखेइ ओउःकः तेओलम्‌कायः लयःकोः ग्‍वालामः बयःलेःनाःथास।”

लुका 12:45

ओउःत पेतो हायःओ खेःल त खेःया ओउः नोकरीपाय् ल्‍हुङ् पेमालो स्‍याव्‌ती ‘लौ ङाकोः मालीक्‌पाय् रेन्‍ह्‌तोलेः पाय्‍ह्‌ल बा’ त म्‍हर्‌ती मालीक्‌कोः थोक्‌लम् जेःती तुङ्‌ती ङोतीलेः अरु नोकरीलम्‌कायः घान्‌नौ त खेःया

लुका 21:34

लौ पेतो धय्‌ती मुन दा। नीङ् धय्‌ती ल्‍युङ्‌ह्‌ती मुमाःत लुङ्‌ह्‌जेःती हान् तुङ्‌ती लयःकोः काम्‌लम्‌कायः ल्‍हुङ् रुःती मुतेःनै त खेःया नीङ्इ जुगाङ् चीःमालो दीन्‌हाङः ओउः मान्‍ताकोः चोःपाय् याव्‌छीत्‌हाङः ग्रीनःरुसीत दाह्‌ती वाङ्‌लेःनाः।

युहना 2:10

“लौ अरु मान्‍ताखेइ ङ्‌हा पेओ धाक्‌सायः तीः वेःनानी लोने पहुनालम् ङोती चीःमाःखाहाङःलेः पेमालो खाल् बयःनानी नाङ्‌खेइ लोनेकायः पेओलेः रेती गम्‌तेःआकान् बा” त दाय्‍ह्‌ती ओउः मुल् नोकरी दाय्‍ह्आ।

खबरदुत 11:24

बर्‌नाबास् त तोओपाय् परमेस्‍वर्‌कोः ग्‍वालामः आन दोःती परमेस्‍वर्‌कोः कुरा पेतो ङ्‌हाम्‌ती जाङ्‌ह्ओ खेःतो ओउःत झ्‍यान्‍ते ओउः अन्‍तीयोक् मुतोक्‌हाङः नाःतो अरु मान्‍तालम्इ येसुकोः कुरा ङ्‌हाम्‌ती सायःआकानी।

रोमी 13:13

जात्र जाङ्‌ह्ओ हान्इ ङोओ ल्‍हास्‍या जाङ्‌ह्ओ मीन्‍ह्‌काय्ओ अरुकायः चोरःओ इ काम्‌लम् सबै फेनु दा।

१ कोरीन्‍थी 11:21

दोह् हायःती दाय्‍ह्‌सा जेःतोक्‌हाङः नीङ् लःलयःकायः जेःतेःनाःइसी ह। यात्‌चाक्इ अरुकःसै ङ्‌हा जेःतेःनानी यात्‌नीस् अरुखे योङ्‌क्राय्‌ती मुनै अरुखे ङोती मुनै।

१ कोरीन्‍थी 5:11

खेःल ङाइ ङ्‌हाम्ओलम्‌खेकायः ह लेखनेःनाङ्‌स। नीङ्‌कःहाङःपाय् यात्‌चाक् एत रेव्‌तो जाङ्‌ह्ओ मान्‍ता लओ मान्‍ता मुर्‌ती मानओ मान्‍ता पेमालो नोःओ मान्‍ता हान् ङोती तुङ्ओ मान्‍ता पैसा जेःओ मान्‍ता मुनाः त खेःया ओउःकुस् वाह्‌लाम् जेःलाम्। एतलेः तोनेःनाङ्‌स।

१ कोरीन्‍थी 6:10

कुःरेव् जेःरेव् ङोरेव् मान्‍तामा पेमालो जवती नोःओ मान्‍ता आन पैसा क्‍युती जेःओ मान्‍तामा ओउःमयः सबैलेः परमेस्‍वर्‌कोः राजीहाङः मुसा दोःइली।

१ थेसलोनिकि 5:7

एनःसा खेःओ मान्‍तालम्‌पाय् याह्‌दीङ्‌हाङः एनःनै हान् तुङ्ओलम्‌मा याह्‌दीङ्‌हाङः ङोनै।

तीतस् 1:6

ङ्‌हाम्ओलम्‌कायः स्‍यालःओ थालवःपा मान्‍तापाय् पेओ अरुइ गाल्‌तुम्‌सा खाय्‌मालो मान्‍ता खेःसा खेःतो। फेरी यातैज्‍योः बुधी ह वानःओ मान्‍ता खेःतो ओउःकोः चोःलम् आमा आपाकायः सायःमालो लुङ्‌ह्‌जेःती लीङ्‌हायःओलम् खेःसा स्‍याव्‌ल ओउःमयःमा ख्रीस्‌कायः ङ्‌हाम्ओलम् स्‍याव्‌सा खेःतो।