एफेसस् 4:29 - चेपाङ

²⁹ नोःओ बेलाहाङः पेमालो खह्र्ओ कुरा नोःलाम् लुङ्‌ती छेङःकलःती पेताक्‌सा कुरा ह नोःन।

एफेसस् 4:29 ပူးပေါင်းရင်းမြစ်များ

मत्ती 5:16

नीङ्इमा ओउःतलेः परमेस्‍वर्‌कोः काम् पेतो जाङ्‌ह्‌ती सबै मान्‍ताकायः छ्यानःती थोङ्‌ताक्‌नु दा। ओहाङःसैको नीङ्‌कोः पेओ काम् च्‍यवःती अरुइ नीङ्‌कोः परमेस्‍वर्‌ आपाकायः ‘ओजायःत पेओलेः’ त दाय्‍ह्‌ती ताङ्‌ह्‌ताक्‌नानी।

लुका 4:22

ओहाङःसैको येसुइ इतलेः आन व्‍हाय्ओमा क्‍लोनःती तोओ कुरा स्‍यान्‌ती झ्‍यान्‍ते सायःओलम्इ आन ग्‍याङ्‌ह्आकाय् “ओउःपाय् इहाङःकोः युसेफ् त तोओकोः चोः लेःआः माःर” त दाय्‍ह्‌ती नोःकाय्आकाय्।

युहना 1:37

ओउःइ तोओ कुरा सायःती ओउःकुस् मुओ नीस्‌चाक्इ येसुकायः गुल्‍ह्आकाचु।

रोमी 14:19

लौ उया ब्राङ्‌ताक्ओमा अरुकायः पेतो स्‍याव्‌ताक्ओ कुरामा त्‍युस्‌तीलेः जाङ्‌ह्‌साकायः बोङःनी।

रोमी 15:2

ङीइ ओउःमयःखेकायः म्रोताक्‌सा बोङःती “लौ ङाकोः हौकायः गत हायःती पेतो ङ्‌हाम्‌ताक्‌सा खाय्‌चाङः” त म्‍हर्‌सा खेःतो।

१ कोरीन्‍थी 14:19

ङ्‌हाम्ओलम्‌कःहाङः मुतोक्‌हाङः थेथे भासाहाङः दस् हजार्‌ कुरा तोओसै ङाइ पास् कुरा अरुइ चीःसा खाय्ओ कुरा स्‍यान्‌ती तोसालेः पेनाः।

एफेसस् 4:12

दोह्‌कायः बयःओ दाय्‍ह्‌सा परमेस्‍वर्‌कोः काम् पेतो जाङ्‌ह्‌सा थेङा ख्रीस्इलेः लयःकोः ङ्‌हाम्ओलम्‌कायः पेतो स्‍याव्‌ताक्‌साकायः बयःआथास।

एफेसस् 4:16

ङी ङ्‌हाम्ओलम्‌खेपाय् आङ्‌लो लेखालेः मुनाःतय्‍ही। आङ्‌हाङः सबै क्रुत्‌लम् दोम्‌लम् तालाङ् यातैज्‍याङ् द्योप्‌काय्‌तीलेः मुनाः। ओउःत खेःओ ङी सबै यातैज्‍योः स्‍याव्‌ती लयःमयः राप्‌काय्‌ती काम् पेतो जाङ्‌ह्‌ती ताङ्‌ह्‌तोलेः स्‍याव्‌नाःतय्‍ही।

कोलसी 4:6

ओउःत नोःओ कुरापाय् सायःगार्‌सीःआ स्‍याव्‌पाः ओहाङःसैको सबै मान्‍तालम्‌कोः व्‍हत्ओ कुराकायः पेतो त्‍याङ्‌नु दा।

१ थेसलोनिकि 5:11

ओउःत चीःती लयःमयः लुङ्‌काय्‌धै लव्‍ह्‌काय्‌धै मुन। नीङ्इ द्याह् लेखालेः ओउःत हायःनु दा।

१ पत्रुस् 2:12

परमेस्‍वर्‌कायः ङ्‌हाम्‌मालोलम्‌कुस् मुतोक्‌हाङः सबै पेतो हायःती वाह्‌न ओहाङःसै ओउः मान्‍तालम्इ तेन्‌छ्याङ् नीङ्‌कायः माःती तोतेःइतो लोनेः प्रभु येसु द्यान्‍ह्‌ती वाङ्‌सा दीन्‌हाङः ओउःमयःइ ल्‍हुङ्‌हाङः दोङ् कुरा चीःती नीङ्‌कायः “पेओ लेःआः इ” त दाय्‍ह्‌ती परमेस्‍वर्‌कायः ताङ्‌ह्‌ताक्‌तीलेः तोनानी।

१ पत्रुस् 3:1

फेरी नीङ् नाःचोङ्‌य नीङ्इमा लयःकोः बुधाइ तोओ कुरालम् म्‍ह्याङ्‌ती ग्‍याती जाङ्‌ह्‌नु दा। ओहाङःसैको सुसुकोः बुधापाय् येसुकोः कुरा ङ्‌हाम्‌माःत मुचानाः ओउः बुधाइलेः नाङ्‌कोः पेओ नीङ्ओ काम्‌लम् च्‍यवःती झ्‍यान्‍ते नोःती स्‍यान्‌मामाःत ओउःपाय् लोने लयः ङ्‌हाम्‌साकायः ग्‍यातो स्‍याव्‌नाः यादो।

२ पत्रुस् 2:18

ओउःमयः लयःकोः नेह्‌रो ओर्‌ताक्ओ कुरा नोःती अरु तोहालेः रेव्ओ काम् फेओलम्‌कायः लुःर्‍यव् कुराइ थ्‍योन्‍ह्‌ती फेरी रेव्‌ताक्‌नाःथास।