एफेसस् 4:21 - चेपाङ

²¹ नीङ्‌कायः स्‍यान्ओ येसुकोः दोङ् कुरापाय् नीङ्इ सायःतेःआकानी माःर।

एफेसस् 4:21 ပူးပေါင်းရင်းမြစ်များ

मत्ती 17:5

ओउःपाय् दाय्‍ह्‌दाय्‍ह्‌बालेलेः रेनःझेनःत मुस् वाङ्‌ती घमःआथास। मुस् घमःतोक्‌हाङः मुस्‌सै हाव्‌नयः वाङ्‌ती “लौ इपाय् ङाकोः आन राप्ओ चोः लेःआः बत्‌ताङः। ओउःकः ङा आन म्रोलेःनाङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओ खेःतो।

लुका 10:16

“सुसुखेइ नीङ्इ स्‍यान्‌ती तोओ कुरापाय् ग्‍यातीलेः सायःनानी ओउःलेः ङाकोः कुरापाय् ग्‍याती सायःलेःनानी। सुसुखेइ नीङ्इ स्‍यान्‌ती तोओ कुरापाय् ङ्‌हाम्‌तेःइली ओउःलेः ङाकायःमा ङ्‌हाम्‌ताङःल ङाकायः ल्‍होक्ओ परमेस्‍वर्‌कायःमा ङ्‌हाम्‌लेःनीली” त दाय्‍ह्‌ती येसुइ ओउःकोः बहत्तर्‌ छ्युङ्‌ह्ओमयःकायः तोआथास।

युहना 1:17

मोसाकःसै परमेस्‍वर्‌कोः ऐन्‌खे दोःओ खेःतो दोङ् पेओ व्‍हाय्ओ कुराखेमा काङ्‌ती बयःओ कुराखेमा येसु ख्रीस्‌सै दोःनाःतय्‍ही।

युहना 10:27

ङाकोःमयःइ भेदालो लेखालेः ङाकोः हाव्‌नयः सायःती ङाकायः गुल्‍ह्‌नाःताङः।

युहना 14:17

ओउःपाय् ओउः दोङ् कुरा छ्यान्‍ह्ओ ग्‍वालामः लेःआः नीङ्‌कुस् गलकायःमा मुलेःनाः। अरु ल्‍हाव्‍ह्‌दैबाङ्‌हाङः मुओ ङाकायः ङ्‌हाम्‌मालो मान्‍तालम् ओउः ग्‍वालामः दोःइली। ओउःकायः ओउः मान्‍तालम्‌खेइ च्‍यवःमानीली तय्‍ह्‌मानीली ओउःत झ्‍यान्‍ते दोःमाइली। ओउःपाय् नीङ्‌कःगन ब्राङ्‌तोलेः मुनाः ओउःत झ्‍यान्‍ते नीङ्‌खेइ ओउःकायः तय्‍ह्‌तेःनानी।

युहना 14:6

“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।

रोमी 10:14

तेआक्‌तीको मान्‍ता दल्‌सापाय् दल्‌तो स्‍याव्‌नै ओउःमयःइ प्रभुकायः आःताः ङ्‌हाम्‌माःत गत हायःती तेती तोसा खाय्‌चानी र। फेरी ओउःकोः कुरा आःताः सायःमाःत गत हायःती ङ्‌हाम्‌चानी। ओहाङःसै ओउःकोः कुरा आःताः थोल्‍ह्‌ती तोमाःत गत हायःती सायःचानी।

२ कोरीन्‍थी 1:20

येसु ख्रीस्इपाय् परमेस्‍वर्‌इ तोती गम्ओ कुरा जुदालेः ताप्‌ताक्‌तीलेः जाङ्‌ह्आकान्। ओउःत खेःओ ङीइ येसु ख्रीस्‌कोः मय्‍ङ् पेह्‌ती परमेस्‍वर्‌कायः ताङ्‌ह्‌ताक्‌तीलेः नोःती “आमेन्” त दाय्‍ह्‌ती तोनाङःसु।

२ कोरीन्‍थी 11:10

ख्रीस्इलेः ङाकायः द्याह् दोङ् कुरा तोताक्‌नाःताङः आखयाहाङः ङाइ एत ङाःती नोःओकायःपाय् सुइमा त्‍याःसा खाय्‌नीली।

एफेसस् 1:13

एतलेः नीङ्‌कायः दल्‌ताक्‌सा खाय्ओ दोङ् पेओ ख्रीस्‌कोः समचार्‌लेः नीङ्इमा सायःआक्‌तीको ङ्‌हाम्‌तेःआकानी। ङ्‌हाम्आक्‌तीको नीङ् मान्‍तालम्‌पाय् “ङाकोः मान्‍तालम् लेःआः इ” त छ्यानःसा थेङा परमेस्‍वर्‌इपाय् लयःकोः ङ्‌हाहाङःसै तोती गम्ओ ग्‍वालामः बयःतेःआकाय्।

एफेसस् 2:17

ओहाङःसैको ल्‍हाव्‍ह्‌दैबाङ्‌ताङ् वाङ्‌तोक्‌हाङः “लौ परमेस्‍वर्‌कःताङ् वाङ्‌सा दोःतेःनै” त दाय्‍ह्‌ती ख्रीस्इलेः परमेस्‍वर्‌कः द्याङ्‌तो मुओ यहुदीलम्‌कायःमा नीङ् लोक्‌तो मुओ यहुदी खेःमालोलम्‌कायःमा ओउः पेओ समचार्‌लेः थोल्‍ह्‌ती तोतेःआकाय्।

कोलसी 1:5

“लाङ्‌काहाङः पेओ दोःनाःतय्‍ही” त दाय्‍ह्ओ ओउः पेओ समचार्‌कोः दोङ् कुरा ङ्‌हालेः सायःआक्‌तीको नीङ् चोङाय्‌तो स्‍याव्‌ती झ्‍यान्‍ते ङ्‌हाम्‌मातेःआकानी राप्‌मातेःआकानी।

कोलसी 1:6

“परमेस्‍वर्‌इ सबैकायः योनःती योती झ्‍यान्‍ते पेतो दोःताक्‌नाःतय्‍ही” त दाय्‍ह्ओ दोङ् कुरालेः सायःती चीःआक्‌तीको नीङ् पेतो वाह्‌ती ब्‍याव्‌तेःआकाय्। ओउः कुरापाय् सबै ल्‍हाव्‍ह्‌दैबाङ्‌हाङःमा आल्‌ती नीङ्‌कःहाङःलो लेखा ब्‍याव्‌ताक्‌नौ।

कोलसी 2:7

नीङ्‌कायः ङ्‌हा स्‍यान्ओलो लेखा ख्रीस्‌कोः ग्‍वम् दोःती क्रोङ्ओ ल्‍हुङ्इ ग्रमःत मुती न्‍हाङ्‌तोतेः पेतोलेः ङ्‌हाम्‌नु दा। गलकायःमा परमेस्‍वर्‌कायः च्‍युता त तोती मुन।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।