एफेसस् 4:15 - चेपाङ

¹⁵ ङी दोङ् कुराखे अरुलम्‌कायः राप्‌तोलेः नोःती ङीकायः स्‍यालःओ ख्रीस्‌लो लेखा ताङ्‌ह्‌नाःतय्‍ही। ओउःखेपाय् तालाङ्‌लो लेखा मुनाः

एफेसस् 4:15 ပူးပေါင်းရင်းမြစ်များ

युहना 1:47

ओहाङःसैको आल्‌ती येसुकःताङ् वाङ्आ। वाङ्‌तोक्‌हाङः येसुइ नथानएल् वाङ्‌धै मुओ च्‍यवःती “लौ इपाय् दोङ् इस्राएल्‌कोः मान्‍ता लेःआः बा। ओउःपाय् माःओ कुरा गलमा नोःबाय्उलु” त दाय्‍ह्‌ती

रोमी 12:9

अरुकायः च्‍यवःताक्‌सा आले खेःल दोङ् ल्‍हुङ्इलेः अरुकायः राप्‌नु। पेमालो कुराखे ब्‍लाय्‍क्‌तीलेः फेती वाय्‌नु। पेओ कुराखेकः म्रोतीलेः मुन।

१ कोरीन्‍थी 11:3

ओउःत हायःसा स्‍याव्‌नाः यात्‌ज्‍याङ् अरु कुरा तोसा खेःनेःनाङ्‌स। सबै गोय्‌चोःकोः हुकुम् बयःसाचाक् ख्रीस् लेःआः सबै मोमःचोःकोः हुकुम् बयःसाचाक्‌पाय् गोय्‌चोः लेःआः फेरी ख्रीस्‌कोः हुकुम् बयःसापाय् परमेस्‍वर्‌लेः खेःनाः।

२ कोरीन्‍थी 4:2

ङी अरुइ चीःमालो रेव्ओ काम् जाङ्‌ह्ओमा फेआलाङःसु। ले ब्रेह्‌तीलेः माःती नोःमामाःत ङी परमेस्‍वर्‌कोः दोङ् कुरा छ्योय्‍ह्‌मामाःत स्‍यान्‌नाङःसु। एतलेः परमेस्‍वर्‌कोः मीक्‌हाङः वाह्‌ती ङीइ सबै मान्‍तालम्‌कायः ङीकोः ल्‍हुङ्‌पाय् “दोङ् पेओ लेःआः” त छ्यानःनाङःसु।

२ कोरीन्‍थी 8:8

एत तोओपाय् गानाक्‌ती तोओलेः खेःल। ओउः अरु मान्‍तालम् गुच्‍युक् साय्‍क्‌तोलेः बयःसा ग्‍यानै त नीङ्‌कायः छ्यानःनेःआलाङ्‌स। ओहाङःसै नीङ्इमा अरुलम्‌कायः गुच्‍युक् राप्‌ती बयःतेःनानी त ङाइ योसालेः खाय्‌नाङः ओउःत हायःसाकायः ह इतलेः तोनेःआलाङ्‌स।

एफेसस् 1:22

परमेस्‍वर्‌इ ख्रीस्‌कायः सबैकोः हुकुम् बयःसाचाक्‌लेः जाङ्‌ह्आथै सबै ङ्‌हाम्ओलम् पुःसाकायःमा परमेस्‍वर्‌इ बयःआथै।

एफेसस् 1:4

ल्‍हाव्‍ह्‌दैबाङ् जाङ्‌ह्‌धाङ्‌मालोहाङःपाय् ओउःकोः मीक्‌हाङः पेतो छय्‍ङ्‌तो स्‍याव्‌ताक्‌सा थेङालेः परमेस्‍वर्‌इ ङीकायः छीङ्‌ह्आतय्‍ही।

एफेसस् 2:21

ओउःइपाय् सबै ब्रक्‌तलेः यातैज्‍योः प्रभुकोः मन्‍दीर्‌ कीम्‌लो लेखा स्‍याव्‌ताक्‌नै।

एफेसस् 4:25

ओउःत झ्‍यान्‍ते माःओ कुरा फेती लयःमयःकुस् दोङ् कुरा ह नोःकाय्‌न ङी सबैलेः ख्रीस्‌कोः आङ् स्‍याव्‌ती यातैज्‍योः मुनाःतय्‍ही।

एफेसस् 5:23

दोह् हायःती दाय्‍ह्‌सा ङ्‌हाम्ओमयःपाय् ख्रीस्‌कोः आङ्‌लो लेखा मुनै। ओउःमयःकोः पुःओमा दल्‌ताक्ओमा ख्रीस् लेःआः ओउःतलेः बुधाइ बुधीकायःमा पुःनौ।

१ पत्रुस् 1:22

परमेस्‍वर्‌कोः दोङ् कुरा ग्‍याती जाङ्‌ह्‌ती नीङ्‌पाय् नीङ्‌तो ल्‍हुङ् दोःती अरु परमेस्‍वर्‌कायः ङ्‌हाम्ओलम्‌कायः पेतोलेः राप्‌सा खाय्‌तेःनानी ओउःत खेःओ ओउःमयःकायः दोङ् पेतोलेः राप्‌काय्‌न दा।

१ पत्रुस् 2:2

रेः चोःलम् योङ्‌क्राय्‌ती दुत् तुङ्‌सा आन ग्‍यानै ओउःलो लेखालेः नीङ्‌मा परमेस्‍वर्‌कोः पेओ नोःराय्‌कायः ल्‍हुङ्‌हाङः सेती गम्‌सा ग्‍यातेःपै। ओहाङःसैको रौ जीङः दोःआक्‌तीको नीङ् न्‍हाङ्‌तोलेः छय्‍ङ्‌तो स्‍याव्‌ती रेव्ओसै दल्‌तेःनै।

२ पत्रुस् 3:18

लौ ङीकायः दल्‌ताक्ओ प्रभु येसु ख्रीस्इ नीङ्‌कायः न्‍हाङ्‌तोलेः बयःती ओउःकोः ल्‍हुङ्‌तुक् चीःताक्‌लेःपै। देङीमा गलकायःमा ङीकोः प्रभु जुगाङ् ताङ्‌ह्‌तोलेः स्‍याव्‌पाः। लौ ओउःतलेः स्‍याव्‌पाः।

१ युहना 3:18

लौ हौलम्‌य ङीइ नाःमालो हौकायः योती “लौ ङाकोः हौकायः आन राप्‌नाङः” त तोती दोह्‌मा बयःसा ग्‍यामालो मुचाःतय्‍ही त खेःया ओउःपाय् स्‍याव्‌ल। दोह्‌त नीङ्इ लेइ नोःतेःनै ओउःतलेः क्रुत्इमा जाङ्‌ह्‌सा खेःतो।