एफेसस् 3:21 - चेपाङ

²¹ ओउःत ग्‍वम् बयःओ परमेस्‍वर्‌कायःपाय् सबै ङ्‌हाम्ओलम्इमा येसु ख्रीस्इमा तेन्‌छ्याङ्‌मा लोनेःमा गलकायःमा ताङ्‌ह्‌ताक्‌पाःथै। ओउःच्‍युक्‌लेः तेनाङः।

एफेसस् 3:21 ပူးပေါင်းရင်းမြစ်များ

मत्ती 6:13

ङीकायः सैतान्‌सै दल्‌ताक्‌ती रेव्‌तो जाङ्‌ह्‌साकायः ताक्‌तेःचाःताङी’ त दाय्‍ह्‌ती परमेस्‍वर्‌कायः तोसाआः।

रोमी 11:36

दोह् हायःती दाय्‍ह्‌सा थोक्‌लम्‌पाय् जुदालेः ओउःइलेः जाङ्‌ह्आकान्। फेरी सबै थोक्‌लम् ओउःइ तेन्‌छ्याङ्‌मा गम्‌लेःनौ सबै लयःकायःलेः जाङ्‌ह्ओ खेःतो। ओउः परमेस्‍वर्‌कायः गलकायःमा मानओमा ताङ्‌ह्‌ताक्ओमा स्‍याव्‌पाः। माःहै ओउःतलेः स्‍याव्‌पाः।

रोमी 16:27

लौ ओउः यातैज्‍योः सबैसै व्‍हाय्ओ परमेस्‍वर्‌कायः येसु ख्रीस्इलेः गलकायःमा ताङ्‌ह्‌ताक्‌पाःथै। ओउःतलेः स्‍याव्‌पाः।

गालाती 1:5

लौ परमेस्‍वर्‌कायः गलकायःमा ताङ्‌ह्‌ताक्‌पाःथै ओउःतलेः स्‍याव्‌पाः दा।

एफेसस् 1:6

ङीकायःपाय् ओउःतलेः आन पेतो योनःती योती झ्‍यान्‍ते लयःकोः ल्‍हुङ् गोरे चोःपाय् ल्‍होक्आतय्‍ही ओउःत हायःओकायः परमेस्‍वर्‌कायः जुगाङ् ताङ्‌ह्‌ताक्‌पाःथै।

एफेसस् 2:7

एतलेः येसु ख्रीस्‌कुस् परमेस्‍वर्‌इ ङीकायः गुच्‍युक् पेतो राप्‌ती बयःआतय्‍ही त गलकायःमा छ्यानःसा थेङा लाङ्‌काहाङः च्‍युङःताक्आतय्‍ही।

एफेसस् 4:1

ङा पावुल् त तोओ प्रभुकोः काम् जाङ्‌ह्‌साकायः थुनती मुनाङः। थुनती मुतोक्‌हाङः ङाइ द्याह् इत तेती तोनेःनाङ्‌स। लौ गतलो पेतो स्‍याव्‌साकायः परमेस्‍वर्‌इ गोत्‌तेःआकाय् ओउःतलेः पेतो वाह्‌ती मुन।

फीलीपी 1:11

ओहाङःसैको एत वाह्‌ती येसु ख्रीस्इ बयःओ दोङ् पेओ कुरा दोःती परमेस्‍वर्‌कायः लुङ्‌ती ताङ्‌ह्‌तेःताक्‌सा खाय्‌तेःनानी।

फीलीपी 2:11

“येसु ख्रीस्‌पाय् प्रभु लेःआः” त सबै तय्‍ह्‌ती तोसामा खेःइतो ओउःत हायःती ओउःमयःइ परमेस्‍वर्‌ आपाकायःमा ताङ्‌ह्‌ताक्‌नानी।

फीलीपी 4:20

लौ ङीकोः परमेस्‍वर्‌ आपाकायः गलकायः खेःयामा ताङ्‌ह्‌ताक्‌तीलेः गम्‌ताक्‌पानाःथै।

२ तीमोथी 4:18

माः रैस ओउःसैमा प्रभुइ दल्‌ताक्आताङः। ङाकायः सबै रेव्ओसै दल्‌ती प्रभुइ लयःकोः लाङ्‌काकोः राजीहाङः लोने पेतोलेः वानःनाःताङः। ओउःकायः गलकायःमा ताङ्‌ह्‌लेःनाः त मनःती तोपानानी। माः ओउःतलेः स्‍याव्‌पाः दै।

१ पत्रुस् 2:5

फेरी ओउः परमेस्‍वर्‌कोः कीम्‌हाङः देती गम्‌सा बाङ्‌लो लेखालेः नीङ् जीङः नाःओलम्‌पाय् छ्युङ्‌ह्ओलेःतेः इ। परमेस्‍वर्‌कायः म्रोताक्‌सा पेओ कुरा ल्‍हासाकायः नीङ् येसु ख्रीस्इ छ्युङ्‌ह्ओ पुरोहीत्‌लो लेखा स्‍याव्‌तेःनै।

१ पत्रुस् 5:11

ओउः परमेस्‍वर्‌पाय् गलकायःमा ग्‍वम् नाःओ मुलेःनाः बा। ओउःच्‍युक्‌लेः स्‍याव्‌पाः दै।

२ पत्रुस् 3:18

लौ ङीकायः दल्‌ताक्ओ प्रभु येसु ख्रीस्इ नीङ्‌कायः न्‍हाङ्‌तोलेः बयःती ओउःकोः ल्‍हुङ्‌तुक् चीःताक्‌लेःपै। देङीमा गलकायःमा ङीकोः प्रभु जुगाङ् ताङ्‌ह्‌तोलेः स्‍याव्‌पाः। लौ ओउःतलेः स्‍याव्‌पाः।

यहुदा 1:25

ङीकायः दल्‌ताक्‌सा यातैज्‍योः परमेस्‍वर्‌कायः ङीकोः प्रभु येसु ख्रीस्‌कुस्इलेः जुगाङ् ताङ्‌ह्ओ पेओ ग्‍वम् नाःओलेः ङ्‌हामा द्याह्‌मा लोनेःकायःमा मुताक्‌पाः। ओउःतलेः स्‍याव्‌पाः दै।