एफेसस् 2:22 - चेपाङ

²² नीङ्‌मा सबैकुस् परमेस्‍वर्‌कोः ग्‍वालामःइ परमेस्‍वर्‌कोः याक्‌सा कीम् जाङ्‌ह्‌नौ।

एफेसस् 2:22 ပူးပေါင်းရင်းမြစ်များ

१ कोरीन्‍थी 3:16

नीङ्‌पाय् परमेस्‍वर्‌कोः मन्‍दीर्‌लो लेखालेः खेःतेःनै बा। नीङ्‌कोः ल्‍हुङ्‌हाङः परमेस्‍वर्‌कोः ग्‍वालामः याक्‌नाः ओउःत नीङ्इ चीःतेःनीली र।

१ कोरीन्‍थी 3:9

ङीखे परमेस्‍वर्‌कोः खेत्‌ल्‍यालो लेखा मुनै नीङ्‌खे परमेस्‍वर्‌इ दोक्ओ राङ्‌लो लेखामा मुतेःनै। नीङ्‌पाय् परमेस्‍वर्‌इ जाङ्‌ह्ओ कीम्‌लो लेखामा मुतेःनै।

१ कोरीन्‍थी 6:19

नीङ्‌कोः आङ्‌हाङःपाय् परमेस्‍वर्‌कोः ग्‍वालामःलेः मुनै। ओउःत झ्‍यान्‍ते नीङ् परमेस्‍वर्‌कोः मन्‍दीर्‌लो लेखा मुतेःनै एत नीङ्इ चीःतेःनानी माःर। फेरी नीङ्‌कोः आङ्‌लम्‌पाय् परमेस्‍वर्‌इ बयःतेःआकाय् नीङ्‌कोः लयःकोःलेः खेःबाय्‌ल।

२ कोरीन्‍थी 6:16

परमेस्‍वर्‌कोः मन्‍दीर्‌हाङः मुर्‌तीलम् मुसा दोःइली। ङीपाय् ओउः दोङ् जीङः नाःओ परमेस्‍वर्‌कोः मन्‍दीर्‌ लेःआः तय्‍ही। “ङापाय् लयःकोः मान्‍तालम्‌कुस् याक्‌मानाङः ओउःमयःकुस् वाह्‌मानाङः। ओउःमयःकोः परमेस्‍वर्‌ ङालेः स्‍याव्‌नाङः ओउःमयः ङाकोः मान्‍तालेः स्‍याव्‌नै” त दाय्‍ह्‌ती परमेस्‍वर्‌ दाय्‍ह्आ।

एफेसस् 3:17

फेरी नीङ्इ ख्रीस्‌कायः ङ्‌हाम्‌ती झ्‍यान्‍ते ओउःपाय् नीङ्‌कोः ल्‍हुङ्‌हाङः पोक्‌ती मुबत्‌तेःपै ओउःत ङाइ परमेस्‍वर्‌कः तेती तोनेःनाङ्‌स। ओहाङःसैको पेओ राप्ओ ल्‍हुङ् दोःती

१ युहना 3:24

ओउःइ तोओ कुरा जाङ्‌ह्ओ मान्‍तापाय् परमेस्‍वर्‌कुस् ब्राङ्‌नाःच परमेस्‍वर्‌मा ओउःकुस् ब्राङ्‌नाःच। ओहाङःसैको परमेस्‍वर्‌इ बयःओ ग्‍वालामः दोःआक्‌तीको ओउःपाय् ङीकुस् ब्राङ्ओ लेःआः त चीःनाःतय्‍ह्‌नी।

१ युहना 4:13

ङी ओउःकुस् ब्राङ्‌नाःतय्‍ही त गत हायःती चीःनाःतय्‍ह्‌नी दाय्‍ह्‌सा। ङीकायःपाय् परमेस्‍वर्‌इ लयःकोः ग्‍वालामः बयःआतय्‍ही ओउःत झ्‍यान्‍ते ङी ओउःकुस्‌मा ब्राङ्‌नाःतय्‍ही ओउः ङीकुस्‌मा ब्राङ्‌नाःतय्‍ही त चीःनाःतय्‍ह्‌नी।

१ युहना 4:16

ओहाङःसैको “ङीकायः परमेस्‍वर्‌इ राप्‌नाःतय्‍ही” त चीःती ङ्‌हाम्‌नाःतय्‍ह्‌नी। परमेस्‍वर्‌कोः ल्‍हुङ् जुगाङ् राप्ओ ल्‍हुङ् लेःआः बा। फेरी अरुकायः राप्ओचाक्‌कुस्‌लेः परमेस्‍वर्‌ मुनाः ओउःलेः परमेस्‍वर्‌कुस् मुनै।