एफेसस् 2:15 - चेपाङ

¹⁵ ओउःइ लयःकोः आङ् बयःती ऐन्‌कोः कुरा वाय्आक्‌तीको यहुदीलम्‌मा यहुदी खेःमालोलम्‌मा यातैज्‍योः स्‍याव्‌ताक्आतय्‍ही।

एफेसस् 2:15 ပူးပေါင်းရင်းမြစ်များ

२ कोरीन्‍थी 5:17

ओउःत खेःया सुसु ख्रीस्‌कोः मान्‍ता लेःआः ओउःपाय् नया स्‍याव्ओ मान्‍ता खेःलेःनाः। आय् कुरा द्याह् म्‍हीत्‌ती मीह्‌लेःआ लौ सबै कुरा रौलेः खेःनाः बा।

गालाती 3:10

ओउः ऐन् जाङ्‌ह्ओलम्‌खे पेमालो स्‍याव्‌नै दोह् हायःती दाय्‍ह्‌सा आखरःहाङः “सुसुइ ऐन् लेखओ कुरा जुगाङ् जाङ्‌ह्‌नीली ओउःपाय् प्रनःओ स्‍याव्‌नै” त दाय्‍ह्ओ लेखती मुनाः।

गालाती 3:28

ओउःत ख्रीस्‌कुस् ब्राङ्‌तो स्‍याव्आक्‌तीको नीङ्‌पाय् यहुदीया यहुदी खेःमालो मान्‍ताया परमेस्‍वर्‌इ दोक्‌ती तोउलु। नोकरीया नोकरी खेःमालोया गोय्‌चोःया मोमःचोःया ओउःइ सु खेःयाकायःमा दोक्‌ती तोउलु सबै ख्रीस्‌कुस् यातैज्‍याङ् स्‍याव्‌तेःनै।

गालाती 6:15

पुन् तात्‌सापाय् जवओया जवमालोया दोह्‌मा दयःल। गत दाय्‍ह्‌सा मान्‍ताकायः रौ जीङः दोःसालेः खेःतो ओउः ह ताङ्‌ह्ओ कुरा लेःआः।

एफेसस् 2:10

ङीकायःपाय् ओउःइ ङ्‌हा रय्‍ह्‌ती गम्ओ काम्‌लम् जाङ्‌ह्‌ती वाह्‌साकायःलेः परमेस्‍वर्‌इ ख्रीस्‌कुस्इ जाङ्‌ह्आतय्‍ही।

एफेसस् 2:14

येसु ख्रीस्इलेः ङी यहुदीलम्‌पाय् नीङ् यहुदी खेःमालोलम्‌कुस् ब्राङ्‌ताक्आतय्‍ही। ङीकायः फाःकाय्ओ बार्‌ वाय्‌ती झ्‍यान्‍ते द्याह् नीङ्‌पाय् ङीकोः बीरोत्‌लम् खेःतेःइली।

एफेसस् 2:16

ओहाङःसैको सबै यात्‌ज्‍योः स्‍याव्‌ताक्आक्‌तीको येसु ख्रीस्इ ओउःमयःकायः परमेस्‍वर्‌कुस् ब्राङ्‌ताक्आकान्। ओउः नीस् जात्‌पाय् द्याह् क्रुम्‍ह्‌काय्‌चल।

एफेसस् 4:16

ङी ङ्‌हाम्ओलम्‌खेपाय् आङ्‌लो लेखालेः मुनाःतय्‍ही। आङ्‌हाङः सबै क्रुत्‌लम् दोम्‌लम् तालाङ् यातैज्‍याङ् द्योप्‌काय्‌तीलेः मुनाः। ओउःत खेःओ ङी सबै यातैज्‍योः स्‍याव्‌ती लयःमयः राप्‌काय्‌ती काम् पेतो जाङ्‌ह्‌ती ताङ्‌ह्‌तोलेः स्‍याव्‌नाःतय्‍ही।

कोलसी 2:14

ङीकायः गाल्‌तुम्‌ती लेखओ ऐन्‌कोः कुरापाय् ख्रीस्इ ओउःकोः क्‍ल्‍याय्ओ सीङःहाङः गम्‌ती म्‍हीत्‌ती वाय्आकान्।

कोलसी 2:20

नीङ्‌पाय् ख्रीस्‌कुस् सीती झ्‍यान्‍ते हुकुम्‌कोः ऐन् बयःओलम्‌सै फेतेःआकानी ओउःत खेःया दोह् हायःतीतेः ल्‍हाव्‍ह्‌दैबाङ्‌कोः मान्‍तालो लेखालेः ऐन्‌कोः कुरा जवधाङ्‌तेःनानी।

कोलसी 3:10

रौ जीङःमा रौ ल्‍हुङ्‌तुक्‌मा दोःतेःआकाय्। ओउः रौ ल्‍हुङ्‌तुक्‌पाय् परमेस्‍वर्‌इ लयःकोः ल्‍हुङ्‌तुक्‌लो लेखालेः जाङ्‌ह्‌ती मुनाः त झ्‍यान्‍ते जुगाङ् व्‍हाय्ओ ल्‍हुङ्‌तुक् लेःआः।

कोलसी 3:11

नीङ् सबै रौ जीङः दोःतेःनै त झ्‍यान्‍ते द्याह् परमेस्‍वर्‌कोः मीक्‌हाङः एलेनीमा यहुदीमा पुन् तात्‌सा जवमालोलम्‌मा पुन् तात्‌सा जवओलम्‌मा बीदेसीलम्‌मा पहारीलम्‌मा नोकरीमा नोकरी खेःमालोलम्‌मा सबै यातैज्‍योः लेःआः थेथे खेःइली दोह् हायःती दाय्‍ह्‌सा ख्रीस्‌पाय् सबै लेःआः सबैकुस् ख्रीस्‌लेः मुनाः।

कोलसी 3:15

ख्रीस्‌सै धोमाय्ओ ल्‍हुङ् दोःती अरुकः पेओ ल्‍हुङ् स्‍याव्‌ती वाह्‌न। एत हायःसाकायः परमेस्‍वर्‌इ नीङ्‌कायः गोत्‌ती यातैज्‍योः स्‍याव्‌तेःताक्‌तेःआकाय्। फेरी सबै कुराकायः “च्‍युता” त तोनु दा।

हेब्रैनी 7:16

ओउःपाय् मान्‍ताइ जवओ ज्‍योओ होह्र्कोः हुकुम् जाङ्‌ह्‌धार्‌नालेः पुरोहीत् स्‍याव्ओ खेःल ओउः गलमा द्योक्‌मालो जीङःकोः ग्‍वम् दोःती झ्‍यान्‍ते ओउःपाय् पुरोहीत् स्‍याव्ओ।

हेब्रैनी 8:13

ओहाङःसैको ओउः नया होम्‌काय्ओ कुरा गम्आक्‌तीको ओउः ङ्‌हाकोः कुरा द्याह् आय्‌मा स्‍याव्‌ताक्आकान् आह्रे स्‍याव्‌ताक्आकान्। ओहाङःसैको ओउः आय् कुरापाय् म्‍हीत्‌तीलेः वाय्‌खेःनाः।

हेब्रैनी 9:23

इ ल्‍हाव्‍ह्‌दैबाङ्‌कोः थोक्‌लम् इतलेः छय्‍ङ्‌ताक्‌सा खेःतो। इ थोक्‌लम्‌पाय् लाङ्‌काहाङः मुओ दोङ् थोक्‌लम्‌कायः तेःती जाङ्‌ह्ओ लेःआः इ। ओहाङःसै ओउः लाङ्‌काकोः थोक्‌लम् छय्‍ङ्‌ताक्‌साकायः न्‍हाङ्‌तोलेः पेओ ल्‍हाती बयःसा काम् जाङ्‌ह्‌सा खेःतो।