एफेसस् 1:20 - चेपाङ20 ओउःच्युक् ताङ्ह्ओ ग्वम्इपाय् ख्रीस् सीओ बेलाहाङः परमेस्वर्इ ओउःकायः उह्ती च्योक्ताक्ती ओउःकुस् लाङ्काहाङः लयःकोः ङोय्सैहाङः गुल्ह्दाङ् स्याव्ताक्ती गम्आथै। အခန်းကိုကြည့်ပါ။ |
एफेसस् 1:20
33 ပူးပေါင်းရင်းမြစ်များ
ओउःत खेःया इ कुरा पेतो चीःती सायःनु दा। नीङ् इस्राएल्कोः मान्तालम्इ क्ल्याय्ओ सीङःहाङः सात्ओ नासरेत् गाव्सै वाङ्ओ येसुपाय् ओउःकायःलेः परमेस्वर्इ च्योक्ताक्आथै। ओउः येसु ख्रीस्कोः मय्ङ् पेह्ती झ्यान्ते इ ङ्हा क्ल्योय्बाङ् खेःओ मान्तापाय् द्याह् नीङ्कःहाङः पेतो सेलःलेः चीङ्ती मुनाः।
दोह्खेलो नाःनाः लाङ्काहाङःमा ल्हाव्ह्दैबाङ्हाङःमा दोह्खेलो नाःनाः ओउः सबैलेः परमेस्वर्इ ख्रीस्कायः जाङ्ह्ताक्आथै। च्यवःसा खाय्ओ खाल्लम्मा च्यवःसा खाय्मालो खाल्लम्मा राजालम्मा हुकुम् बयःओलम्मा ताङ्ह्ओ खाल्लम्मा सबै परमेस्वर्इ ख्रीस्कायः जाङ्ह्ताक्आथै सबै ख्रीस्कायः थेङालेः जाङ्ह्ओआः बा।
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
परमेस्वर्इलेः ङीकोः ताङ्ह्ओ प्रभु येसुकायः सीओसै उह्ती च्योक्ताक्आकान् बा। येसुपाय् सीती झ्यान्ते ओउः गलमा वाय्मालो तोती गम्ओ कुरापाय् पेतोलेः स्याव्नाः। ओउःपाय् ङी ङ्हाम्ओलम्कोः स्यालःओ मान्ता लेःआः। लौ ओउः झाक्ओ काम् जाङ्ह्साकायः ङीकायः ल्हुङ् धोमाय्ताक्ओ परमेस्वर्इ सबै पेओलम् दोःतेःताक्तेःपै। ओहाङःसै येसु ख्रीस्इ बयःओ ग्वम्इलेः ओउःकायः म्रोताक्सा काम्लम् जाङ्ह्ताक्पाःतय्ही। येसु ख्रीस्कायःपाय् गलकायःमा ताङ्ह्ताक्पाःथै। ओउःतलेः स्याव्पाः दा।
मान्ताकोः जात्खे एत खेःधाङ्ल येसुखे एत हुकुम् बयःसा राजा स्याव्ओलेः च्यवःनाःतय्ह्नी। ङ्हालेः येसुपाय् लाङ्काकोः ल्होक्ओमयःसै बल मीतो स्याव्तो ओहाङःसै परमेस्वर्इ मान्तालम्कायः योनःती योती झ्यान्ते येसु ओउःमयःकायः दल्ताक्साकायः ल्हाङःती सीलेःआ। ओउः सीआ त खेःओ द्याह् ओउःपाय् राजालो लेखालेः आन पेतो ताङ्ह्तोलेः स्याव्ओ त च्यवःनाःतय्ह्नी।
द्याह् ङीकोः प्रभु येसु ख्रीस्कोः परमेस्वर् आपाकायः लाङ्काताङ् त्याव्ती लावार्ताङ् गोय्ह्ती “च्युता” त तोसा खेःतय्हीतो। दोह् हायःती दाय्ह्सा ङीकायःपाय् आन योनःती योती परमेस्वर्इ रौ जीङः दोःताक्नाःतय्ही। येसु ख्रीस्पाय् सीआक्तीको ओउःकायः परमेस्वर्इ उह्ती स्याक्ताक्ओ त चीःती “लोने ङीमा रौ जीङः दोःनाःतय्ही” त दाय्ह्ती आन चोङाय्तो मुनाःतय्ही।
ကြော်ငြာတွေ