एफेसस् 1:13 - चेपाङ13 एतलेः नीङ्कायः दल्ताक्सा खाय्ओ दोङ् पेओ ख्रीस्कोः समचार्लेः नीङ्इमा सायःआक्तीको ङ्हाम्तेःआकानी। ङ्हाम्आक्तीको नीङ् मान्तालम्पाय् “ङाकोः मान्तालम् लेःआः इ” त छ्यानःसा थेङा परमेस्वर्इपाय् लयःकोः ङ्हाहाङःसै तोती गम्ओ ग्वालामः बयःतेःआकाय्। အခန်းကိုကြည့်ပါ။ |
एफेसस् 1:13
38 ပူးပေါင်းရင်းမြစ်များ
लौ इ ल्हाव्ह्दैबाङ्कोः जेःगालम् सय्ङ्ती ल्ह्योह्ती वाय्नाः ओउः जेःगाखेकायः केलःती काम् जाङ्ह्माःत ओउः गलमा द्योक्मालो रौ जीङः दोःताक्सा जेःगाखेकायः काम् जाङ्ह्नु। इ जेःगापाय् ङा मान्ताकोः चोः त तोओइ बयःनेःनाङ्स। एत हायःसाकायः ङाकोः परमेस्वर् आपाइ ङाकायः दोक्तीलेः गम्आताङः बा” त दाय्ह्ती येसुइ तोआकान्।
ओहाङःसैको द्याह् येसुपाय् परमेस्वर्कोः ङोय्दोहाङः मुओ सबैसै व्हाय्ओ गुल्ह्दाङ् स्याव्नाः। ओउःपाय् एत ताङ्ह्तोलेः स्याव्ओआः ओहाङःसैको परमेस्वर्इ ङ्हा तोओलो लेखा येसुइ परमेस्वर्कोः ग्वालामः दोःती ओउः ग्वालामःपाय् मान्तालम्कायः ल्होक्आकान्। इ मान्तालम्कःताङ् ल्होक्आक्तीको नीङ्इ मेस्खा च्यवःओ मेस्खा सायःओ ग्याङ्ह्सीःओ काम् स्याव्आ।
ओउः पेओ नोःराय्पाय् थोल्ह्ती तोतोक्हाङः ङाइ गत खेःयाकायःमा रास्माःत ङाःतोलेः तोनाङः। ओउः नोःराय्पाय् परमेस्वर्कोः ग्वम् दोःताक्ओ नोःराय् लेःआः दोह् हायःती दाय्ह्सा ङ्हाम्आक्तीको सबै मान्तालम् दल्तो स्याव्नै। ङ्हापाय् यहुदीलम्इ लोने यहुदी खेःमालोलम्इ ङ्हाम्ती दल्तो स्याव्सा खाय्नानी।
ओउः पुन् तात्ओपाय् “लौ इत जवओ ङ्हासैलेः ङापाय् परमेस्वर्कोः मीक्हाङः पेतो स्याव्आलाङः” त अरुकायः छ्यानःसाकायः जाङ्ह्ओ खेःतो। ओहाङःसैको पुन् तात्ओ जवधाङ्मालो बेलाहाङःपाय् आब्राहाम् परमेस्वर्कोः मीक्हाङः पेतो स्याव्आ त झ्यान्तेलेः आब्राहाम्पाय् सबै परमेस्वर्कोः मीक्हाङः पेतो स्याव्ओ ङ्हाम्ओलम्कोः ताकुः लेःआः। ओउःपाय् पुन् तात्ओ जवमालो मान्तालम्कोः ताकुः लेःआः
परमेस्वर्कोः नोःराय् ङी नीङ्कःताङ् तोलाङ् वाङ्तोक्हाङः “लौ इपाय् मान्तासै वाङ्ओ नोःराय् ह खेःल परमेस्वर्कोः लेःआः” त दाय्ह्ती ङीइ स्यान्ओ कुराकायः ङ्हाम्ती सायःतेःआकानी। ओउःत झ्यान्ते ङीइ गलकायःमा परमेस्वर्कायः “च्युता” त तोनाङःसु। दोङ्सीलेः ङीइ स्यान्ओ नोःराय्पाय् परमेस्वर्कोः लेःआः। ओउः नोःराय्इपाय् देङीलेः नीङ् ङ्हाम्ओलम्कायः पेतो वाह्ताक्तेःनै।
यात्नीस्चाक्कायः ब्रःताक्ओ लेःआः बुरु दोह् दोह् परमेस्वर्इलेः लयः तोती गम्आकान् ओउःपाय् ग्रमःत मुओ तोस्बाङ्लो लेखा गलमा वाय्सा खाय्मालो लेःआः। ओउः बाङ्हाङः “लयःकोः मान्तालम्कायः प्रभुइ तय्ह्नाःथास” त दाय्ह्ओमा लेखती मुनाः। फेरी “सुसुइलो येसुकोः मीक्हाङः ओउःकायः ‘प्रभुय’ त दाय्ह्नै ओउःमयःइ रेव्ओ काम् जाङ्ह्ओकायः फेनानी” त दाय्ह्ओमा लेखती मुनाः।
ओउः लाङ्कामयःइ बयःओ कुराखे सायःमालोलम् न्युम्ह्आकाय् त खेःया न्हाङ्तोलेः परमेस्वर्कोः चोःइ बयःओ ताङ्ह्ओ दल्ताक्सा कुराखे ङीइ सायःसालेः खेःतो बा उया ङीइपाय् गलमा दल्तो स्याव्तय्हीली बा। ओउः दल्सा कुरापाय् प्रभु येसुइ ङ्हासै तोआकान् ओहाङःसैको ओउःइ तोआक्तीको ओउःकायः सायःओ मान्तालम्इमा ङीकायःपाय् पाःतीलेः तोआतय्ही।
ကြော်ငြာတွေ