एफेसस् 1:10 - चेपाङ

¹⁰ ओहाङःसैको क्रोःओ बेलाहाङःपाय् परमेस्‍वर्‌इ लाङ्‌काहाङःमा ल्‍हाव्‍ह्‌दैबाङ्‌हाङःमा ओउःहाङःकोः सबै थोक्‌लम्‌मा ख्रीस्‌कोः मीक्‌हाङः हुम्‌ती वानःसालेः खेःनाः ओहाङःसैको ख्रीस्‌पाय् सबैकःसै पुःनाः। ओउःत हायःसापाय् परमेस्‍वर्‌इ ङ्‌हाहाङःसै रय्‍ह्‌ती गम्ओ कुरा लेःआः।

एफेसस् 1:10 ပူးပေါင်းရင်းမြစ်များ

मत्ती 25:32

ओहाङःपाय् सबै जात्‌कोः मान्‍तालम् हुम्‌ती वाङ्‌नै वाङ्आक्‌तीको ओउःमयःकायः मान्‍ताकोः चोःइ नीस् भाक्‌ताङ् वेङ्‌ह्‌ताक्‌नाःथास।

मर्‌कस् 1:15

“लौ परमेस्‍वर्‌इ ङ्‌हा तोती गम्ओ बेलापाय् द्याह् दाह्आ ओउःकोः राजीलेः द्याह् दाङ्‌खेःनाः। लौ लःलयःकोः रेव्आ काम्‌खे फेती परमेस्‍वर्‌कोः पेओ कुराखे ङ्‌हाम्‌ती जाङ्‌ह्‌नु दा” त दाय्‍ह्‌ती येसुइ तोओलेः खेःतो।

१ कोरीन्‍थी 10:11

इ कुरालम्‌पाय् मान्‍ताकायः गानाक्‌ती स्‍यान्‌सा थेङालेः स्‍याव्आ। ओहाङःसै ङीइ पह्रती चीःताक्‌साकायः इ कुरालम् परमेस्‍वर्‌कोः आखरःहाङः लेखओ खेःतो दोह् हायःती दाय्‍ह्‌सा ङी ल्‍हाव्‍ह्‌दैबाङ्‌कोः द्युम्‌खेःओ बेलाहाङः दाह्‌खयःनाःतय्‍ही।

१ कोरीन्‍थी 11:3

ओउःत हायःसा स्‍याव्‌नाः यात्‌ज्‍याङ् अरु कुरा तोसा खेःनेःनाङ्‌स। सबै गोय्‌चोःकोः हुकुम् बयःसाचाक् ख्रीस् लेःआः सबै मोमःचोःकोः हुकुम् बयःसाचाक्‌पाय् गोय्‌चोः लेःआः फेरी ख्रीस्‌कोः हुकुम् बयःसापाय् परमेस्‍वर्‌लेः खेःनाः।

गालाती 4:4

ओउःतलेः जाङ्‌ह्‌तय्‍ह्‌नीतो क्रोःओ दीन् पुत्आक्‌तीको परमेस्‍वर्‌इ लयःकोः चोः ल्‍होक्आथै। ओउःकोः चोःपाय् मोमःचोःसै दोःओआः ऐन्‌कोः कुरा जाङ्‌ह्‌सा खेःओ मान्‍ता खेःतो।

एफेसस् 1:22

परमेस्‍वर्‌इ ख्रीस्‌कायः सबैकोः हुकुम् बयःसाचाक्‌लेः जाङ्‌ह्आथै सबै ङ्‌हाम्ओलम् पुःसाकायःमा परमेस्‍वर्‌इ बयःआथै।

एफेसस् 2:15

ओउःइ लयःकोः आङ् बयःती ऐन्‌कोः कुरा वाय्आक्‌तीको यहुदीलम्‌मा यहुदी खेःमालोलम्‌मा यातैज्‍योः स्‍याव्‌ताक्आतय्‍ही।

एफेसस् 3:15

ओउः आपाकोः मय्‍ङ्‌पाय् लाङ्‌काहाङःमा ल्‍हाव्‍ह्‌दैबाङ्‌हाङःमा सबै कीम्‌कोः आपालम्इ त्‍याक्‌नानी।

एफेसस् 3:2

नीङ् यहुदी खेःमालोलम्‌कायः “परमेस्‍वर्‌इ सबैकायः योनःती योतेःनै” त स्‍यान्‌ती तोसा काम्‌लेः ओउःइ बयःआताङः। ओउःपाय् नीङ्इ चीःतेःनानी माःर।

कोलसी 1:16

दोह्‌खेलो नाःनाः लाङ्‌काहाङःमा ल्‍हाव्‍ह्‌दैबाङ्‌हाङःमा दोह्‌खेलो नाःनाः ओउः सबैलेः परमेस्‍वर्‌इ ख्रीस्‌कायः जाङ्‌ह्‌ताक्आथै। च्‍यवःसा खाय्ओ खाल्‌लम्‌मा च्‍यवःसा खाय्‌मालो खाल्‌लम्‌मा राजालम्‌मा हुकुम् बयःओलम्‌मा ताङ्‌ह्ओ खाल्‌लम्‌मा सबै परमेस्‍वर्‌इ ख्रीस्‌कायः जाङ्‌ह्‌ताक्आथै सबै ख्रीस्‌कायः थेङालेः जाङ्‌ह्ओआः बा।

कोलसी 1:20

ओहाङःसैको ख्रीस्‌कायः ल्‍होक्आक्‌तीको ओउःपाय् क्‍ल्‍याय्ओ सीङःहाङः वयःती सीआ त झ्‍यान्‍ते परमेस्‍वर्‌इ सबै लयःकुस् ब्राङ्‌ताक्आकान्। लाङ्‌काहाङः मुओलम्‌मा ल्‍हाव्‍ह्‌दैबाङ्‌हाङः मुओलम्‌कायःमा ओउःइ सबैकायः लयःकुस् ब्राङ्‌ताक्आकान्।

कोलसी 3:11

नीङ् सबै रौ जीङः दोःतेःनै त झ्‍यान्‍ते द्याह् परमेस्‍वर्‌कोः मीक्‌हाङः एलेनीमा यहुदीमा पुन् तात्‌सा जवमालोलम्‌मा पुन् तात्‌सा जवओलम्‌मा बीदेसीलम्‌मा पहारीलम्‌मा नोकरीमा नोकरी खेःमालोलम्‌मा सबै यातैज्‍योः लेःआः थेथे खेःइली दोह् हायःती दाय्‍ह्‌सा ख्रीस्‌पाय् सबै लेःआः सबैकुस् ख्रीस्‌लेः मुनाः।

हेब्रैनी 1:2

द्याह् इ लोनेकोः दीन्‌खेहाङः ओउःइ लयःकोः चोःकायःलेः ङीकायः तोसा थेङा ल्‍होक्आथै। ओउः चोःकुस्‌लेः परमेस्‍वर्‌इ सबै थोक् जापीनःती न्‍यास्आकान् लोनेः सबै थोक् ओउः चोःकोःलेः स्‍याव्‌नाः एत हायःसाकायः परमेस्‍वर्‌इ चोःकायः छ्युङ्‌ह्आथै।

हेब्रैनी 11:40

परमेस्‍वर्‌इ ङीइ ख्रीस्‌कायः ङ्‌हाम्ओलम्‌कायः ओउःसै पेतो जाङ्‌ह्‌नाःतय्‍ही। ओउः ङ्‌हा ङ्‌हाम्‌ती वाह्ओलम्‌पाय् ङीकुस् ह ओउः तोती गम्ओ कुरा दोःती परमेस्‍वर्‌कोः मीक्‌हाङः जुगाङ् पेतो स्‍याव्‌नै।

हेब्रैनी 9:10

ओउः कुराखेपाय् जेःगा तुङ्‌गा आङ् जेस्‌सा आङ् पेतो हायःसाकोः कुरा ह ओउः नया लोनेः वाङ्‌सा जुगाङ् पेओ कुरा बयःधाङ्‌माःच्‍युक्‌कायः जवसाजम्‌कायः ह मुलेःनाः।

१ पत्रुस् 1:20

फेरी ओउःत हायःसाकायः ल्‍हाव्‍ह्‌दैबाङ् जापीनःती न्‍यास्‌धाङ्‌मालो बेलाहाङः येसु ख्रीस्‌पाय् छ्युङ्‌ह्ओलेः खेःतो लोने नीङ्‌कायःलेः छ्यानःसालेः ताप्आ।

प्रकाश 5:9

ओहाङःसैको नया गीत् मेती “लौ ओउः थुरी त्‍याक्‌ती छाप् तेत्‌ती फास्‌साकायः नाङ्‌लेःतेः ज्‍योतेःनाः दोह् हायःती दाय्‍ह्‌सा नाङ्‌पाय् सात्ओलेः खेःतेःतो। नाङ्‌कोः वयःइ परमेस्‍वर्‌कायः सबै खलक् भासा देस् जात्‌लम्‌कोः मान्‍तालम् ल्‍हाङ्‌ती लेःतेःआकान्।