18 ङा पावुल्इ नमस्ते त लयःकोः क्रुत्इलेः लेखती ल्होक्नेःनाङ्स। ङाकायः थुनती मुलेःनाः त म्हेःलाम्। लौ नीङ्कायः परमेस्वर्इ योनःती योतेःपै।
ओहाङःसैको ङाकोः ल्हुङ् धोमाय्ताक्ओ परमेस्वर्इलेः रेन्ह्तोलेः नीङ्कायः सैतान् क्लीमःती वाय्ताक्तेःनै। ङाकोः प्रभु येसुइ नीङ्कायः योनःतीतेः योतेःपै।
पावुल्इ इ चेती लेखताक्ओ ङा तर्तीयस्इमा नीङ् प्रभुकायः ङ्हाम्ओलम्कायः नमस्ते ल्होक्नेःनाङ्स।
ङाइ मुओ कीम्कोः आपा गायुस्इमा नमस्ते ल्होक्तेःनै। ओउःकोः कीम्हाङःपाय् इहाङःकोः ङ्हाम्ओमयः सबै थनःती वाङ्नै। इ सहर्कोः पैसा थेङ्ओ एरास्तस्इमा क्वार्तस्इमा नीङ्कायः नमस्ते ल्होक्लेःनै।
लौ नीङ्कायः ङा पावुल्इमा लयः क्रुत्इ लेखती नमस्ते ल्होक्नेःनाङ्स।
लौ प्रभु येसु ख्रीस्इलेः नीङ्कायः योनःती योतेःपै। परमेस्वर्इ नीङ्कायः राप्तेःपै ओउःकोः ग्वालामःमा नीङ्कुस् ब्राङ्ती मुपै। ओउःच्युक्लेः।
नीङ्कायःपाय् ङाइ गलकायःमा झाह्ती मुनाङः ओउःत खेःओ इतलेः म्हर्सा स्याव्लेःनाः। ङा इहाङः थुनती मुओ बेलाहाङःमा बाहीर पेओ समचार् स्यान्ओमा त्यानःकाय्ती नोःओ बेलाहाङःमा ङाकुस्लेः नीङ्मा परमेस्वर्इ पेतो बयःओलेः दोःनाःतय्ही।
ङीकायःमा परमेस्वर्कः तेती तोमानु। “ओउःमयःइ ख्रीस्कोः ङ्हा चीःआक्मालो नोःराय् थोल्ह्ती तोसा दोःताक्उ दै” त दाय्ह्ती ङाकायःमा ङाकुस् मुओलम्कायःमा परमेस्वर्कः तेती तोनु। ओउः कुरा थोल्ह्ती तोओकायः ङा द्याह् थुनती मुनाङः।
द्याह् ङा पावुल् त तोओइ लयःकोः क्रुत्इ लेखती नमस्ते ल्होक्नेःनाङ्स। इतलेः “ङाकोः चेती लेःआः” त छ्यानःसाकायः सबै चेती दप्ती लेखनाङः।
यात्नीस् ओउःत नोःओलम् ख्रीस्कायः ङ्हाम्ओ फेआकानी। लौ नीङ् सबैकायः परमेस्वर्इ योनःती योतेःपै।
ओउःत झ्यान्ते ङीकोः प्रभुकोः कुरा तोसाकायः रैतेःचाः। ओउःकोः काम् जाङ्ह्ओकायःलेः ङा झ्याल्खानहाङः मुओ मुनाङः। ओउःत चीःती रैमामाःत परमेस्वर्कोः पेओ समचार् तोती ङाकुस्इ लीह्सीःओ गोरःसा ग्याअ दा। ओउःत हायःसाकायःलेः परमेस्वर्इ लयःकोः ग्वम् बयःआतय्ही।
लौ प्रभुपाय् नाङ्कोः वाहीमःकुस् मुपाः ओउःइ सबैकायः योनःती योती पेतोलेः बयःतेःपै।
ङाकुस् मुओलम् सबै नाङ्कायः नमस्ते ल्होक्तेःनाः। नाङ्कुस् मुओ ङीकायः राप्ओ ङ्हाम्ओलम्कायः नमस्ते तोती बयःउसु। परमेस्वर्इ नीङ्कायः सबै योनःती योतेःपै।
लौ नीङ् सबैकायःपाय् परमेस्वर्इलेः योनःतीलेः योतेःपै। ओउःच्युक्लेः।
फेरी झ्याल्खानहाङः थुनती मुओलम्कायः नीङ्मा ओउःमयःकुस् मुओलो लेखा ताःती लव्ह्सा खेःतो एतमा म्हेःलाम्। लीह्सीःओ गोरःओलम्कायः नीङ्मा लयः धेःती लीह्सीःओ गोरःती मुओलो लेखा योनःतीलेः योनु दा।