कोलसी 3:25 - चेपाङ

²⁵ सुसुइ पेमालो जाङ्‌ह्‌नानी ओउःपाय् रेव्‌झ्‍याङ्‌कायः रेव्ओलेः दोःनै। सुखेलोइ पेमालो जाङ्‌ह्‌नानी ओउःइ रेव्‌तोलेः दोःनै ताङ्‌ह्ओ मान्‍तामा मीओ मान्‍तामा छमाःत दोःनै।

कोलसी 3:25 ပူးပေါင်းရင်းမြစ်များ

मत्ती 16:27

ओउः वाङ्‌सा खेःओ दीन्‌हाङः ओउः मान्‍ताकोः चोः त तोओपाय् परमेस्‍वर्‌ आपालो लेखा अङ्‌ग थङ्‌ग त ताङ्‌ह्‌तोलेः ल्‍होक्ओमयःकुस् वाङ्‌नै। वाङ्आक्‌तीको मान्‍ता मान्‍ताकायः पेपेओ जाङ्‌ह्ओलम्‌खेकायः पेतो जाङ्‌ह्‌झ्‍याङ्‌कायः बयःनौ रेव्ओ जाङ्‌ह्ओलम्‌खेकायः पेमालो बयःनौ

लुका 20:21

“लौ गुरुय नाङ्इ ओजायःतलेः दोङ् कुरा ह तोतेःनौ। सुकःमातेः रैमाःत नाङ्इ परमेस्‍वर्‌कोः दोङ् कुरातेः स्‍यान्‌तेःनौ बा इत ङीइ चीःनाङःसु।

खबरदुत 10:34

ओउःत तोआक्‌तीको “दोङ्‌सीलेः परमेस्‍वर्‌इ सुकायःमा घाराङ्‌लेः राप्‌नाःथास। इतलेः ङाइ द्याह् पेतोलेः चीःनाङः।

रोमी 2:11

दोह् हायःती दाय्‍ह्‌सा सबैकायःपाय् यहुदीलम्‌कायःमा यहुदी खेःमालोलम्‌कायःमा परमेस्‍वर्‌इ यातैज्‍योःलेः घार्‌ती योती जाङ्‌ह्‌नाःथास।

२ कोरीन्‍थी 5:10

ङीकोः काम् तय्‌छनःती योसाकायः यात्‌नम् दीन्‌हाङः ङी सबै ख्रीस्‌कःहाङः चीङ्‌लाङ् आल्‌सा परनाःतय्‍ही ओहाङःसैको ल्‍हाव्‍ह्‌दैबाङ्‌हाङःकोः मुतोक्‌हाङः ङी पेतो जाङ्‌ह्आतय्‍ह्‌नी त खेःया लोने पेओलेः दोःनाःतय्‍ही। खेःल ङी पेमालो जाङ्‌ह्आतय्‍ह्‌नी त खेःया पेमालोलेः दोःनाःतय्‍ही।

एफेसस् 6:8

ओहाङःसैको नोकरीमा नोकरी खेःमालो मान्‍तामा सुखेलोइ काम् पेतो जाङ्‌ह्‌नानी ओउःखेइ परमेस्‍वर्‌कःसै लोनेः दोःलेःनै ओउःत चीःतेःपानी।

एफेसस् 6:9

फेरी नीङ् मालीक्‌लम्इमा नीङ्‌कोः नोकरीलम्‌कायः पेतो हायःती खह्र्तोलेः जान्‌तेःचानी। ओउःमयःकोः मालीक् नीङ्‌कोः मालीक्‌मा लाङ्‌काहाङः मुओ प्रभु परमेस्‍वर्‌ लेःआः बा एतलेः चीःतेःपानी। ओउःइ सुकायःमा घार्‌तीलेः योतेःनै बा।

कोलसी 4:1

मालीक्‌लम्‌मा नीङ्‌कोः नोकरीलम्‌कायः पेतो हायःउसु। लाङ्‌काहाङः नीङ्‌कोः मालीक्‌मा मुलेःनाः एत नीङ्इ चीःसा खेःतो।

१ थेसलोनिकि 4:6

एत हायःती सुइमा अरु ङ्‌हाम्ओ हौकायः तोपाल्‌ती ओउःकोः बुधी आलःतेःचानी उया परमेस्‍वर्‌इ न्‍युम्‍ह्‌ताक्‌तेःनै ओउःत ङीइ ङ्‌हालेः गानाक्‌ती तोनेःआलाङ्‌स बा।

२ थेसलोनिकि 1:6

परमेस्‍वर्‌इ पेतो हायःती ओउः नीङ्‌कायः लीह्‌सीःओ बयःओलम्‌खेकायः लीह्‌सीःओ बयःती न्‍युम्‍ह्‌ताक्‌नाःथास।

फीलेमोन् 1:18

ओउःइ नाङ्‌कायः पेमालो हायःओया ओउःकःहाङः नाङ्‌कोः पैसा पाय्‍क्‌साकायः मुधाङ्‌नाः त खेःओया लौ ङाइलेः पाय्‍क्‌चेःनाङ्।

हेब्रैनी 2:2

दोह् हायःती दाय्‍ह्‌सा ओउः लाङ्‌काकोः ल्‍होक्ओमयःइ तोती बयःओ कुरापाय् दोङ् सायःसा खेःओ कुरा खेःतो। सुसुइ ओउः कुरा सायःसा ग्‍यामाःत झ्‍यान्‍ते जाङ्‌ह्‌नीली ओउःपाय् लोने न्‍युम्‍ह्‌तोलेः स्‍याव्‌नै।

१ पत्रुस् 1:17

ओउः सुकायःमा छमाःत घार्‌तीलेः तय्‌छनःती योओ परमेस्‍वर्‌कायः तेती तोओ बेलाहाङः ओउःकायः नीङ् “आपाय” त गोत्‌ती तोतेःनानी ओउःत झ्‍यान्‍ते ल्‍हाव्‍ह्‌दैबाङ्‌हाङः वाह्‌ती मुतोक्‌हाङः परमेस्‍वर्‌कः एङःती मुनाः।

यहुदा 1:16

ओउः मान्‍तालम्‌पाय् अरुलम्‌कायः गलमा काय्‍ह्‌य्‍हाव्‌ती गाल्‌तुम्‌ती मुनै। ओउःमयः लयः ल्‍हुङ्‌कोः मोह्‌हाय्ओलम् जाङ्‌ह्‌नानी लःलयःकोः नेह्‌रो ओर्‌ताक्‌नाःइसी लयः झाक्ओ कुरा दोःसाकायः अरुलम्‌कायः फोल्‍यावःती होम्‌नानी।