कोलसी 3:16 - चेपाङ16 ख्रीस्कोः नोःराय् ल्हुङ्हाङः पेतोलेः सेती गम्ती लःलयःमयःकायः व्हाय्तोलेः स्यान्काय्माइसी लुङ्काय्माइसी। ल्हुङ्हाङः “च्युता” त दाय्ह्ती परमेस्वर्कायः पेओ गीत्लम् भजन्लम् मेन। အခန်းကိုကြည့်ပါ။ |
प्रभुकोः नोःराय्पाय् मासीदोनीया ग्रीस्हाङः ह नीङ्इ छ्यानःओ खेःल गाःहाङः खेःयामा नीङ्इ “परमेस्वर्कायः इतलेः ङ्हाम्सा” त छ्यानःतेःआकानी छ्यानःआक्तीको नीङ्कायः “ओउःमयः परमेस्वर्कायः पेतोलेः ङ्हाम्नानी बा” त अरुलम्इ सबै चीःनानी। ओउःत झ्यान्ते नीङ्कायः ल्हाक्ती तोओ कुराकायः ङीइ पाःती तोसा परल।
ल्हाव्ह्दैबाङ्कोः नाःतो नाःओलम्कायः “लौ अरुलम्कायः मीतो योतेःचानी” त दाय्ह्ती तोउसु दा। फेरी “तेन्छ्याङ्कोः क्युओ पैसालम् थोक्लम् चोङाय्तोलेः योतेःचानी ओउः देङी वाय्सा खेःओ थोक्पाय् खेःल ङीकायः सबै पेओ दोःताक्सा परमेस्वर्इ बयःसा खाल्कायः चोङाय्तोलेः योती ल्युङ्ह्ती मुन” तमा दाय्ह्ती तोउसु।
ओउः त्यावःअसै दोःओ व्हाय्तो चीःओ ल्हुङ्पाय् नीङ्ओ लेःआः। ओउःत व्हाय्तोलेः चीःओ ल्हुङ् नाःओ मान्तापाय् खह्र्ओ काय्काय्ओ मान्तापाय् खेःल। ओउःपाय् काङ्ओलेः अरुकुस् ब्राङ्ती वाह्ओ लेःआः अरुकायः योनःती योओ मान्ता लेःआः बा ओउःइ पेओ काम्लम् आन जाङ्ह्नौ। ताङ्ह्ओ मान्तामा मीओ मान्तामा सुकायःमा घार्ताक्तीलेः योनौ ओउःइपाय् ब्रेह्तो लेइ नोःउलु।
लौ हौलम्य परमेस्वर् आपाकायःतेः तय्ह्तेःनानी ओउःत झ्यान्ते नीङ्कायः लेखनेःनाङ्स। लौ थालवःपालम्य ओउः ङ्हाहाङःसै मुओ ख्रीस्कायः तय्ह्तेःनानी ओउःत झ्यान्ते नीङ्कायःमा लेखनेःनाङ्स। लौ लाव्मयःलम्य परमेस्वर्इ तोओ कुरापाय् नीङ्कोः ल्हुङ्हाङः सेती गम्ती नीङ्इ गेतीलेः सैतान्कायः क्लीमःतेःआकानी ओउःत झ्यान्तेमा नीङ्कायःमा लेखनेःनाङ्स।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।