Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




कोलसी 3:12 - चेपाङ

12 नीङ्‌पाय् परमेस्‍वर्‌कोः मान्‍तालम् लेःतेःइ। नीङ्‌कायः राप्‌ती छीङ्‌ह्‌ती छय्‍ङ्‌ताक्‌तेःआकाय् ओउःत झ्‍यान्‍ते योनःओ काङ्ओ मीतो स्‍याव्‌सा गोरःसा ग्‍याओ ल्‍हुङ् दोःती वाह्‌न।

အခန်းကိုကြည့်ပါ။ ကော်ပီ




कोलसी 3:12
50 ပူးပေါင်းရင်းမြစ်များ  

ओउः लीह्‌तो स्‍याव्‌सा बेलाहाङःपाय् परमेस्‍वर्‌इ लयःइ चल्ओ मान्‍तालम्‌कायः ज्‍याङःतो स्‍याव्‌ताक्उलु ज्‍याङःतो स्‍याव्आ त खेःया सुमा स्‍याक्‌सा खाय्‌नीली।


लोन्‍तेहाङः मान्‍तालम् ‘लौ ङापाय् ख्रीस् लेःआः’ तमा ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः’ तमा माःती तोती वाङ्‌नै फेरी आन ग्‍याङ्‌ह्‌राय्‌मा जाङ्‌ह्‌नानी। ओउःमयःइ सबैकायःमा थ्‍योन्‍ह्‌ती होम्‌सा बोङःनानी परमेस्‍वर्‌कोः चल्ओमयःकायःमा होम्‌सा बोङःनानी ओउःमयःखेकायः होम्‌सा खाय्‌नीली।


वाङ्आक्‌तीको ओउःइ लाङ्‌काकोः ल्‍होक्ओमयः ताङ्‌ह्ओ तुरहीकोः हाव्‌नयःकुस्इ ल्‍होक्‌ती परमेस्‍वर्‌इ छ्युङ्‌ह्ओ मान्‍तालम्‌कायः ल्‍हाव्‍ह्‌दैबाङ्‌कोः चार्‌दोवासै हुम्‌ती वानःनाःथास।


ओउः लीह्ओपाय् परमेस्‍वर्‌इ लयःइ चल्ओ मान्‍तालम्‌कायः ज्‍याङःतो स्‍याव्‌ताक्उलु। ज्‍याङःतो स्‍याव्आ त खेःया सुमा स्‍याक्‌तो मुइली।


लोन्‍तेहाङः मान्‍तालम् ‘लौ ङापाय् ख्रीस्‌लेः’ तमा ‘ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त माःती तोती वाङ्‌नै ओउःमयःइ फेरी ग्‍याङ्‌ह्‌राय्‌मा जाङ्‌ह्‌नानी। ओउःमयःइ सबैकायःमा परमेस्‍वर्‌कोः चल्ओमयःकायःमा थ्‍योन्‍ह्‌ती होम्‌सा बोङःनानी


वाङ्आक्‌तीको ओउःइ लाङ्‌काकोः ल्‍होक्ओमयः ल्‍होक्‌ती परमेस्‍वर्‌इ चल्ओ मान्‍तालम्‌कायः ल्‍हाव्‍ह्‌दैबाङ्‌कोः चार्‌दोवासै हुम्‌ती वानःनाःथास।


एतलेः ङीकोः पेओ काङ्ओ परमेस्‍वर्‌इ नया दीन्‌कोः न्‍याम् थोङ्‌ताक्‌ती झ्‍यान्‍ते च्‍याक्ओपाय् क्रव्‌ताक्‌लेःनाः। ओउःलो लेखालेः परमेस्‍वर्‌कोः नया कुरा वाङ्आक्‌तीको लयः सीओकः रैती वाह्ओ मान्‍तालम् ओउः कुरा ङ्‌हाम्आक्‌तीको सीओकः रैमाःत ल्‍हुङ् धोमाय्‌तो मुनै” त दाय्‍ह्‌ती युहनाकोः आपा दाय्‍ह्आ।


ओउःच्‍युक् पेमालो हाकीम् मान्‍ताकायः अरु वाङ्‌ती युङ्‌ती तेआक्‌तीको ओउः तेओ कुरा लोने जाङ्‌ह्‌सा ग्‍यालेःनाः त खेःया दोङ्‌सीलेः परमेस्‍वर्‌इ लयःकोः मान्‍तालम्इ ‘ङीकोः बीरोत्‌लम्‌सै दल्‌ताक्‌ताङी’ त न्‍हीदीङ् याह्‌दीङ् तेती तोओ कुरा न्‍हाङ्‌तोलेः ग्‍याती जाङ्‌ह्‌नौ।


लौ उया नीङ् रोमी सहर्‌हाङः मुओलम्‌य नीङ्‌कायःपाय् परमेस्‍वर्‌इ राप्‌ती लयःकोः मान्‍तालम् स्‍याव्‌साकायः गोत्‌तेःआकाय्। नीङ्‌कायःपाय् ङाइ द्याह् लेखनेःनाङ्‌स। ङीकोः परमेस्‍वर्‌ आपामा ङीकोः प्रभु येसु ख्रीस्इमा नीङ्‌कायः योनःती योती ल्‍हुङ् धोमाय्‌ताक्‌तेःपै।


येसु ख्रीस्इ बयःओ रौ ल्‍हुङ्‌पाय् दोःती ओउः ङ्‌हाकोः आय् ल्‍हुङ्‌कोः रेव्‌तो मोह्‌हाय्ओपाय् फेन।


ओउः नीस्‌चोःकोः आपा यात्‌चाक्‌लेः खेःतो। यात्‌चाक् खेःसापाय् खेःतो ओउःनीस् ओत्‌धाङ्‌मालो बेलाहाङः पेओ काम् जाङ्‌ह्ओमा चीःआक्‌चुलु रेव्ओ काम् जाङ्‌ह्ओमा चीःआक्‌चुलु। ओउः बेलाहाङःपाय् “लौ पुःपाय् हौकोः नोकरी स्‍याव्‌नाः” त दाय्‍ह्‌ती परमेस्‍वर्‌इ रेबेकाकायः तोआथै। एतलेः परमेस्‍वर्‌इ ओउः याकुब् त तोओ हौकायः लयः झाक्‌ती छीङ्‌ह्आथै ओउःनीस्इ जाङ्‌ह्ओ काम्‌कायः खेःल परमेस्‍वर्‌इ लयः झाक्‌ती छीङ्‌ह्आकान्।


अरुकायः पेतो राप्ओ मान्‍तापाय् गलकायःमा सावःमामाःत काङ्‌तीलेः मुनै। ओउः पेतो राप्ओ मान्‍तापाय् अरुकोः चीस् लइली लयःकोः नेह्‌रो ओर्‌ताक्‌ती वाह्इली।


ओहाङःसैको ङी छय्‍ङ्‌तो जाङ्‌ह्‌तीमा व्‍हाय्‌तो जाङ्‌ह्‌तीमा वाह्‌नाङी। अरुकायः रीस् वाङ्‌माःत काङ्‌तीलेः योनाङःसु। परमेस्‍वर्‌कोः छय्‍ङ्‌तो ग्‍वालामः दोःती ङीइ सबैकायः दोङ् पेतोलेः राप्‌नाङःसु।


येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।


ल्‍हाव्‍ह्‌दैबाङ् जाङ्‌ह्‌धाङ्‌मालोहाङःपाय् ओउःकोः मीक्‌हाङः पेतो छय्‍ङ्‌तो स्‍याव्‌ताक्‌सा थेङालेः परमेस्‍वर्‌इ ङीकायः छीङ्‌ह्आतय्‍ही।


मीओ ल्‍हुङ् दोःती अरुकायः राप्‌ती झ्‍यान्‍ते खह्र्तो तोलाम् अरुकः रेन्‍ह्‌तोलेः ल्‍हुङ् मल्‍ह्‌तेःचनै।


ओहाङःसै नया मान्‍ता स्‍याव्‌तेःपै। ओउःपाय् दोङ् पेओ छय्‍ङ्‌तो परमेस्‍वर्‌लो लेखा लेःआः।


ओउःत हायःमाःत अरु अरुकायः योनःती योती ओउःमयःइ नीङ्‌कायः ल्‍हुङ् मल्‍ह्‌ताक्‌तेःनै त खेःया लौ नीङ्‌कोः ल्‍हुङ् मल्‍ह्ओ स्‍याक्‌तेःपै। दोह् हायःती दाय्‍ह्‌सा नीङ्‌कःहाङः परमेस्‍वर्‌ ल्‍हुङ् मल्‍ह्ओपाय् ख्रीस्इलेः स्‍याक्‌ताक्‌तेःआकाय्।


दोङ्‌सीलेः ङाइ नीङ्‌कायः येसु ख्रीस्इलो लेखालेः झाह्‌नेःनाङ्‌स एतलेः परमेस्‍वर्‌इ चीःआनौ।


रौ जीङःमा रौ ल्‍हुङ्‌तुक्‌मा दोःतेःआकाय्। ओउः रौ ल्‍हुङ्‌तुक्‌पाय् परमेस्‍वर्‌इ लयःकोः ल्‍हुङ्‌तुक्‌लो लेखालेः जाङ्‌ह्‌ती मुनाः त झ्‍यान्‍ते जुगाङ् व्‍हाय्ओ ल्‍हुङ्‌तुक् लेःआः।


यात्‌चाक्इ नीङ्‌कायः पेमालो हायःतेःनै त खेःया ओउःकायः पेमालो पाय्‍क्‌लाम्। गलकायःमा लयःमयःकायःमा सबैकायःमा पेतो काङ्‌तीलेः हायःनीङ्इसी दा।


ओउःइ ङीकायः दल्‌ताक्‌ती लयःकोः मान्‍तालम् स्‍याव्‌साकायः गोत्आतय्‍ही। ङीपाय् ङीकोः लयः जाङ्‌ह्ओ काम्‌कायः छीङ्‌ह्ओ खेःतय्‍हीली परमेस्‍वर्‌इ ल्‍हाव्‍ह्‌दैबाङ् जाङ्‌ह्ओकोः ङ्‌हाहाङःसैलेः ङीकायः योनःती लयः झाक्‌ती येसु ख्रीस्इ दल्‌ताक्‌साकायः छीङ्‌ह्आतय्‍ही।


एत हायःओ स्‍याव्‌ती ङाइ परमेस्‍वर्‌इ छीङ्‌ह्ओ मान्‍तालम्‌कायः लीह्‌सीःओ गोरःलेःनाङः दोह् हायःती दाय्‍ह्‌सा ओउःमयःइमा येसु ख्रीस्इ जाङ्‌ह्ओ आन पेओ गलमा द्योक्‌मालो जीङः दोःसा खाय्‌नानी।


इ चेती ङा पावुल्इ ङाकुस् दोङ् पेतो ङ्‌हाम्ओ हौ तीतस्‌कायः लेखती ल्‍होक्‌नेःनाङ्। ङाकायःपाय् परमेस्‍वर्‌कोः काम् जाङ्‌ह्‌साकायः येसु ख्रीस्इ छ्युङ्‌ह्‌ती ल्‍होक्आताङः। ओउःइ छीह्ओ मान्‍तालम्‌कायः पेतो ङ्‌हाम्‌ताक्‌साकायःमा ओउःकोः दोङ् कुरा पेतो चीःती वाह्‌ताक्‌साकायःमा परमेस्‍वर्‌इ छ्युङ्‌ह्आताङः। लोने दोःसा गलमा वाय्‌मालो रौ जीङःकायः ङीइ झाह्‌तीलेः ल्‍युङ्‌ह्‌ती मुनाङी। इ रौ जीङःकोः कुरापाय् ओउः गलमा माःताक्‌मालो परमेस्‍वर्‌इ उय्‍ह्‌लेहाङःसै ङीकायः तोती गम्ओ लेःआः। ओउःइपाय् लयःकोः क्रोःओ बेलाहाङः ओउः कुराकोः नोःराय् छ्यानःआकान्। ओहाङःसैको ओउः नोःराय्‌पाय् थोल्‍ह्‌ती तोसाकायः ङीकायः दल्‌ताक्‌सा परमेस्‍वर्‌इपाय् ङाकायःलेः बयःती ल्‍होक्आताङः। लौ तीतस्‌य ङीकोः परमेस्‍वर्‌ आपाइमा ङीकायः दल्‌ताक्‌सा येसु ख्रीस्इमा नाङ्‌कायः योनःती योती ल्‍हुङ् धोमाय्‌ताक्‌तेःपाः।


नीङ्‌कायःपाय् “लौ ङाकोः लयःकोः मान्‍तालम् स्‍याव्‌पै” त दाय्‍ह्‌ती परमेस्‍वर्‌इ आपाइ लयः झाक्‌तीलेः छीङ्‌ह्‌तेःआकाय्। ओहाङःसैको एत हायःती येसु ख्रीस्‌कोः वयःइ रेव्ओसै छय्‍ङ्‌ताक्‌साकायःमा ओउःकोः काम् ग्‍याताक्‌साकायःमा परमेस्‍वर्‌कोः ग्‍वालामःइ नीङ्‌कायः गम्‌तेःआकाय्। लौ नीङ्‌कायः परमेस्‍वर्‌इ न्‍हाङ्‌तोलेः योनःती योती आन पेतोलेः ल्‍हुङ् धोमाय्‌ताक्‌तेःपै।


लौ उया पुःचोङ् हौचोङ्‌लम् परमेस्‍वर्‌इ नीङ्‌कायः छीङ्‌ह्‌तीलेः गोत्‌तेःआकाय् ओउःत खेःओ एतलेः पेतो हायःती वाह्‌सा बोङःनु दा ओहाङःसै नीङ् गलकायःमा वाय्‌तोलेः स्‍याव्‌तेःइली।


ङीकायःपाय् परमेस्‍वर्‌इ ङ्‌हासै राप्आतय्‍ही ओउःत झ्‍यान्‍ते ङीइमा द्याह् ओउःकायःमा अरुकायःमा राप्‌नाःतय्‍ह्‌नी।


लौ नाङ्‌कोः परमेस्‍वर्‌इ छ्युङ्‌ह्ओ नाःकोः चोःलम्इ नाङ्‌कायः नमस्‍ते ल्‍होक्‌तेःनै।


ओहाङःसैको ओउःमयःपाय् ओउः भेदाकोः चोःकुस् मीन्‍ह्‌काय्‌लेःनै। ओउःकुस् मीन्‍ह्‌काय्इतो ओउःमयःकायः ओउः भेदाकोः चोःइ क्‍लीमःनाःथास दोह् हायःती दाय्‍ह्‌सा ओउः भेदाकोः चोःपाय् सबैसै ताङ्‌ह्ओ प्रभुमा राजा लेःआः बा। ओउःकुस् वाह्ओलम्‌पाय् ओउःइ छ्युङ्‌ह्‌ती गोत्ओ पेतो ङ्‌हाम्ओ मान्‍तालम् लेःआः इ” त दाय्‍ह्‌ती ओउः ल्‍होक्ओमयःइ तोआताङः।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ