कोलसी 2:6 - चेपाङ

⁶ लौ प्रभु येसु ख्रीस्‌कोः कुरा गतलो नीङ्इ ङ्‌हाम्‌ती सायःतेःनीतो ओउःतलेः वाह्‌न।

कोलसी 2:6 ပူးပေါင်းရင်းမြစ်များ

मत्ती 10:40

सुसुइ नीङ्‌कायः रोम्‌तेःनै ओउःइलेः ङाकायःमा रोम्‌नाःताङः। फेरी सुखेइ ङाकायः रोम्‌नाःताङः ओउःइलेः ङाकायः ल्‍होक्ओ आपाकायःमा रोम्‌नानी।

युहना 13:20

दोङ्‌सीलेः सुखेइ ङाइ ल्‍होक्ओ चाक्‌कायः रोम्‌नाःथै ओउःइ ङाकायःमा रोम्‌नाःताङः। सुखेइ ङाकायः रोम्‌नाःताङः ओउःइ ङाकायः ल्‍होक्ओ आपाकायःमा रोम्‌नाःथै” त दाय्‍ह्‌ती येसुइ तोआथास।

युहना 14:6

“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।

१ कोरीन्‍थी 1:30

ओउःइलेः ङीकायः येसु ख्रीस्‌कुस् ब्राङ्‌ती यातैज्‍याङ् जाङ्‌ह्आतय्‍ही फेरी येसु ख्रीस्इलेः ङीकायः व्‍हाय्‌माताक्आतय्‍ही। ओउःइलेः छय्‍ङ्‌ताक्‌तीमा पेतो जाङ्‌ह्‌तीमा ङीकायः रेव्ओ काम्‌मा फेमाताक्आतय्‍ही

२ कोरीन्‍थी 5:7

ओउःत झ्‍यान्‍ते ङी लाङ्‌काकोः कुरा च्‍यवःसा खाय्‌धाङ्‌माःखाहाङः ङ्‌हाम्‌तीलेः वाह्‌नाङी।

गालाती 2:20

ख्रीस्‌कुस् ङा क्‍ल्‍याय्ओ सीङःहाङः सीङोतो द्याह् ङा उह्‌ती रौ जीङः दोःतीलेः मुनाङः। लयः ह खेःल ख्रीस्‌कुस् ब्राङःती रौ जीङः दोःतीलेः मुनाङः बा। द्याह्‌पाय् ङाकायः राप्‌ती सीओ परमेस्‍वर्‌कोः चोःकायःलेः ङ्‌हाम्‌ती ङा आङ्‌हाङः मुतोक्‌हाङः रौ जीङः नाःती वाह्‌नाङः।

गालाती 3:26

दोह् हायःती दाय्‍ह्‌सा येसु ख्रीस्‌कायः ङ्‌हाम्‌ती झ्‍यान्‍ते द्याह् नीङ् सबै परमेस्‍वर्‌कोः चोःलम् स्‍याव्‌तीतेः मुतेःनै।

एफेसस् 4:1

ङा पावुल् त तोओ प्रभुकोः काम् जाङ्‌ह्‌साकायः थुनती मुनाङः। थुनती मुतोक्‌हाङः ङाइ द्याह् इत तेती तोनेःनाङ्‌स। लौ गतलो पेतो स्‍याव्‌साकायः परमेस्‍वर्‌इ गोत्‌तेःआकाय् ओउःतलेः पेतो वाह्‌ती मुन।

फीलीपी 1:27

ओहाङःसैको दोह् खेःयाकायःमा ख्रीस्‌कोः पेओ समचार्‌ ङ्‌हाम्ओलम्‌लो लेखा वाह्‌न। ओउःत हायःती नाङ्‌कायः ङाइ क्रुस्‌नेःनाङ्‌सया क्रुस्‌नेःनाङ्‌सलया “ओउःमयःइ यातैज्‍याङ् ल्‍हुङ् ग्रमःत मुती ब्राङ्‌तोलेः स्‍याव्‌ती ओउः पेओ समचार्‌कोः काम्‌पाय् त्‍युस्‌तीलेः जाङ्‌ह्‌नानी” त दाय्‍ह्‌ती नीङ्‌कायः नोःओ सायःपाङः।

कोलसी 1:10

ओहाङःसैको परमेस्‍वर्‌ झाक्ओ कुरापाय् न्‍हाङ्‌तोलेः चीःती नीङ्इ सबै पेओ काम्‌लम् जाङ्‌ह्‌तीलेः वाह्‌ती झ्‍यान्‍ते ओउःकायः गलकायःमा म्रोताक्‌सा खाय्‌तेःनानी।

कोलसी 3:17

दोह् खेःयामा दाय्‍ह्‌तेःनै दोह् खेःयामा जाङ्‌ह्‌तेःनानी सबै कुरा “इ प्रभु येसुकायः लेःआः” त दाय्‍ह्‌ती ख्रीस्‌कोः मान्‍तालो लेखा जाङ्‌ह्‌मानु। “इ कुरा प्रभु येसुइ दोःताक्आताङः” दाय्‍ह्‌ती परमेस्‍वर्‌ आपाकायः “च्‍युता” त तोमानु।

१ थेसलोनिकि 4:1

लौ उया पुःचोङ् हौचोङ्‌य परमेस्‍वर्‌कायः म्रोताक्‌ती वाह्‌सा कुरा स्‍यान्‌नेःआलाङ्‌स आने दोङ्‌सीलेः नीङ् ओउःतलेः वाह्‌तेःनै बा। द्याह् प्रभु येसुकायः ङ्‌हाम्‌तेःनानी त झ्‍यान्‍ते “ओउःत न्‍हाङ्‌तोलेः पेतोलेः हायःनु दा” त नीङ्‌कायः ङीइ आन तेती तोनेःनाङ्‌स।

हेब्रैनी 3:14

ङी लोनेःकोः वाङ्‌सा खेःओ दीन्‌च्‍युक्‌कायः ङ्‌हालो लेखालेः येसुकोः ङ्‌हाम्‌सीःओ कुरा ग्रमःतलेः ङ्‌हाम्‌ती मुनाःतय्‍ही त खेःया ङी येसुकुस् ब्राङ्‌तोलेः मुसा दोःनाःतय्‍ही।

१ युहना 2:6

फेरी “ङा परमेस्‍वर्‌कुस् ब्राङ्‌ती वाह्‌नाङःच” त दाय्‍ह्‌ती दाय्‍ह्ओ मान्‍ता ओउःपाय् ख्रीस्‌लो लेखा पेतो वाह्‌सा खेःतो।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।

यहुदा 1:3

लौ ङाइ राप्ओलम्‌य ङ्‌हापाय् ङी सबैकायः गत हायःती दल्‌ताक्‌नाःतय्‍ही त लेखसा ल्‍हुङ् रोती बोङःङोतो ओउः बेलाहाङः “अरु कुरामा लेखसा खेःतो” त म्‍हर्‌आलाङः। दोह् हायःती दाय्‍ह्‌सा परमेस्‍वर्‌इ यातै पेन्‍ह्‌हाङःलेः ङ्‌हाम्ओलम्‌कायः बयःओ ङ्‌हाम्‌राय् कुराकायः नीङ्इ दोङ्‌ह्‌तोलेः तानःकाय्‌सा खेःतो।