कोलसी 2:4 - चेपाङ

⁴ ओउःत झ्‍यान्‍ते सुखेलो यात्‌चाक्इ अरु ङ्‌हाम्‌गार्‌सीःओ कुरा माःती तोतेःनै “ओउः कुरापाय् ङ्‌हाम्‌तेःचानी” त दाय्‍ह्‌ती तोनेःनाङ्‌स।

कोलसी 2:4 ပူးပေါင်းရင်းမြစ်များ

मत्ती 24:24

लोन्‍तेहाङः मान्‍तालम् ‘लौ ङापाय् ख्रीस् लेःआः’ तमा ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः’ तमा माःती तोती वाङ्‌नै फेरी आन ग्‍याङ्‌ह्‌राय्‌मा जाङ्‌ह्‌नानी। ओउःमयःइ सबैकायःमा थ्‍योन्‍ह्‌ती होम्‌सा बोङःनानी परमेस्‍वर्‌कोः चल्ओमयःकायःमा होम्‌सा बोङःनानी ओउःमयःखेकायः होम्‌सा खाय्‌नीली।

मत्ती 24:4

“लौ नीङ्‌पाय् पेतो धय्‌ती मुजेःन दा ओहाङःसैको नीङ्‌कायः अरुलम्इ माःती होम्‌सा बोङःतेःनै त खेःया ओउःमयःइ नीङ्‌कायः ब्रःताक्‌सा खाय्‌नीली।

मर्‌कस् 13:22

लोन्‍तेहाङः मान्‍तालम् ‘लौ ङापाय् ख्रीस्‌लेः’ तमा ‘ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त माःती तोती वाङ्‌नै ओउःमयःइ फेरी ग्‍याङ्‌ह्‌राय्‌मा जाङ्‌ह्‌नानी। ओउःमयःइ सबैकायःमा परमेस्‍वर्‌कोः चल्ओमयःकायःमा थ्‍योन्‍ह्‌ती होम्‌सा बोङःनानी

खबरदुत 20:30

नीङ् मान्‍तालम्‌कःहाङःमा लोने यात् नीस्‌चाक्इ पेओ काम् फेती माःती तोओ कुरा स्‍यान्‌ती अरु ङ्‌हाम्ओलम्‌कायः उन्‍चुलावःसा बोङःनाःथास।

१ कोरीन्‍थी 2:4

ओउः बेलाहाङः ङाइ मान्‍ताखेकोः ग्‍वम्इलेः व्‍हाय्‌तो कुरा तोङल स्‍यान्‌ङल परमेस्‍वर्‌कोः ग्‍वालामःखेकोः ग्‍वम्इ छ्यानःती तोनेःआलाङ्‌स।

२ कोरीन्‍थी 11:3

नीङ्‌पाय् ख्रीस्‌कायः ह ङाइ धयःती गम्‌ङोतो उय्‍ह्‌लेकोः हवा त तोओलो लेखालेः सैतान्इ नीङ्‌कायःमा थ्‍योन्‍ह्‌ती माःती तोतेःनै ओहाङःसै नीङ्इ ख्रीस्‌कायः पेतो छय्‍ङ्‌तो ङ्‌हाम्ओपाय् फेनानी यादो त रैती म्‍हर्‌नाङः।

एफेसस् 4:14

ओउःत स्‍याव्आक्‌तीको ङीपाय् व्‍हाय्‌धाङ्‌मालो हौलम्‌लो लेखा खेःतय्‍हीली। मारुःइ साङ्‌ह्‌ताक्ओ तीःलो लेखालेः इहाङः उहाङः स्‍यान्‌लाङ् आल्‌मामाःत पेमालो मान्‍ताकोः माःती स्‍यान्ओ कुराखे ङ्‌हाम्‌मामाःत

एफेसस् 4:17

लौ इ प्रभुकोः कुरा तोनेःनाङ्‌स। द्याह्‌गोते परमेस्‍वर्‌कायः तय्‍ह्‌मालोलम्‌लो लखालेः आह्रे म्‍हर्‌ओ ल्‍हुङ्‌मा

एफेसस् 5:6

“ओउःत हायःसा पेमालो खेःल” त माःती नोःओपाय् सायःतेःचानी ओउःत पेमालो हायःओलम्‌कायः परमेस्‍वर्‌इ ल्‍हुङ् मल्‍ह्‌ती झ्‍यान्‍ते न्‍युम्‍ह्‌ताक्‌नाःथास।

कोलसी 2:18

फेरी यात्‌नीस्‌चाक्इ “लौ ङीइपाय् लःलयःकायः मीताक्‌ती परमेस्‍वर्‌इ ल्‍होक्‌सा लाङ्‌कामयः ताङ्‌ह्‌ताक्‌ती माङःखाहाङः आन पेओ च्‍यवःआलाङःसु” त दाय्‍ह्‌ती ओउःमयःइ लयःकोः नेह्‌रो ओर्‌ताक्‌नाःइसी। ओउःमयःइ तोओ कुरापाय् सायःतेःचानी ओउःपाय् मान्‍ताकोः कुरा ह दोङ् कुरा खेःबाय्‌ल।

कोलसी 2:8

अरु मान्‍ताकोः माःती तोओ स्‍यान्‌राय् सायःतेःचानी ओउःमयःइ स्‍यान्ओ कुरा आह्रे लेःआः। ओउः कुरापाय् ल्‍हाव्‍ह्‌दैबाङ्‌कोः मान्‍ताइ जवओ द्यव्‌ताकोः कुरा ह ख्रीस्इ बयःओ खेःल।

२ तीमोथी 2:16

ल्‍हाव्‍ह्‌दैबाङ्‌कोः आह्रे भाङःती नोःओ कुरालम्‌सै वेङ्‌ती मुस ओउःत आह्रे नोःओइलेः मान्‍तालम्‌कायः परमेस्‍वर्‌कःसै न्‍हाङ्‌तोलेः लोक्‌तो लोक्‌तो स्‍याव्‌ताक्‌नाःथास।

२ तीमोथी 3:13

ओउःमयःखेइ लीह्‌सीःओ च्‍यवःनानी रेव्‌तो माःती जाङ्‌ह्ओलम्‌खेइ पेमालो हायःधार्‌ना न्‍हाङ्‌तोलेः रेव्‌तो स्‍याव्‌नै। ओउःमयःइमा अरुकायः तोपाल्‌नानी अरुलम्इमा ओउःमयःकायः तोपाल्‌नाःथास।

१ युहना 2:18

लौ हौलम्‌य ल्‍हाव्‍ह्‌दैबाङ्‌कोः पुत्ओ दीन्‌लम् दाह्‌खयःनाः। “ख्रीस्‌कोः बीरोत् वाङ्‌नाः” त तोओ सायःतेःआकानी। द्याह्‌पाय् ख्रीस्‌कोः बीरोत्‌लम् नाःतोलेः वाङ्आकाय् ओउःत झ्‍यान्‍ते ओउः ल्‍हाव्‍ह्‌दैबाङ्‌कोः लोन्‌दोकोः दीन् “वाङ्‌खयःआ” त चीःनाःतय्‍ह्‌नी।

१ युहना 2:26

इ कुरा “ओउः नीङ्‌कायः ब्रःताक्‌सा बोङःओ माःरेव्‌लम्‌कायः धय्‌ती योती मुन” त दाय्‍ह्‌ती लेखनेःनाङ्‌स।

१ युहना 4:1

लौ राप्ओ पुःचोङ् हौचोङ्‌य “ङापाय् परमेस्‍वर्‌कोः ग्‍वालामः दोःआलाङः” त तोओ मान्‍ताकायः सबै ङ्‌हाम्‌तेःचनै ओउःइ दोङ्‌सी तोओ खेःनाःया खेःलया ङ्‌हा योआक्‌सा खेःतो। दोह् हायःती दाय्‍ह्‌सा नाःतो माःती तोओ कुरा छ्यानःओमयः ल्‍हाव्‍ह्‌दैबाङ्‌हाङः वाह्‌ती मुनै ओउःत झ्‍यान्‍ते योसाआः।

२ युहना 1:7

ल्‍हाव्‍ह्‌दैबाङ्‌हाङः नाःतो माःती स्‍यान्ओलम् वाङ्आकाय्। ओउःमयः “लौ येसु ख्रीस्‌पाय् दोङ् मान्‍ता स्‍याव्‌ती वाङ्‌ल” त दाय्‍ह्‌ती स्‍यान्‌नानी। ओउःमयः माःरेव् लेःआः बा। येसु ख्रीस्‌कोः बीरोत् लेःआः इ

प्रकाश 12:9

ओउः ताङ्‌ह्ओ रुपाय् लान्‌कोः राजा सैतान् त तोओलेः ओउःपाय् सबै ल्‍हाव्‍ह्‌दैबाङ्‌हाङः मुओलम्‌कायः माःती थ्‍योन्‍ह्ओ काम् जाङ्‌ह्आकान्। क्‍लीमःतोक्‌हाङः ओउःकायःमा सबै ओउःकुस् वाह्ओ ल्‍होक्ओमयःकायःमा ल्‍हाव्‍ह्‌दैबाङ्‌ताङ् क्‍लाःओ खेःइतो।

प्रकाश 13:8

ओउः जाःकायः सबै ल्‍हाव्‍ह्‌दैबाङ्‌कोः मान्‍तालम्इ ताङ्‌ह्‌ताक्‌ती माननानी। सुसुकोः मय्‍ङ्‌पाय् ल्‍हाव्‍ह्‌दैबाङ् जापीनःती न्‍यास्ओ बेलाहाङःसै ओउः ल्‍हाती सात्ओ भेदाकोः चोःइ लेखओ जीङः नाःओलम्‌कोः कीताप्‌हाङः लेखती मुनाः ओउःमयःइ झुङ्आले ओउः जाःकायः माननीली।

प्रकाश 20:3

कामःअ नालाहाङः क्‍लाःती बोमःतीलेः गम्आथै। ओहाङः काती गम्आक्‌तीको ओउः रुइपाय् जात् जात्‌लम्‌कोः मान्‍तालम्‌कायः यात् हजार्‌ बर्‌सच्‍युक्‌कायः माःती थ्‍योन्‍ह्‌ती तोसा खाय्उलु। ओहाङःसैको यात् हजार्‌ बर्‌स पुत्आक्‌तीको ओउः रुपाय् ज्‍याङःतो खेःमाच्‍युक्‌कायः बेन्‌ताक्‌सा खेःतो।

प्रकाश 20:8

बेन्आक्‌तीको ओउःइपाय् ल्‍हाव्‍ह्‌दैबाङ्‌कोः चार्‌ दोवाहाङः मुओ गोग् मागोग त तोओ मान्‍तालम्‌कायः माःती थ्‍योन्‍ह्‌ती ताङ्‌ह्ओ मीन्‍ह्‌काय्‌साकायः हुम्‌ताक्‌नाःथास। ओउः मान्‍तालम्‌पाय् आन नाःतोलेः ल्‍हाव्‍ह्‌दैबाङ्‌कोः बाङ्‌लम्‌च्‍युक् नाःतोलेः मुनै।