नीङ्कोः ल्हाव्ह्दैबाङ्कोः थोक्लम् माल्ताल्लम् वीनःती ओउःकोः मोल्कोः पैसालम् नाःतो नाःमालो मान्तालम्कायः बयःनु दा। ओउःत हायःतीलेः नीङ्कायः लाङ्काहाङः परमेस्वर्इ लोनेः न्हाङ्तोलेः नाःतो बयःतेःनै बा। ओहाङःसै ओउःहाङःकोः थोक्लम्पाय् गलमा ह्र्योल गलमा मीह्ल। ओहाङःपाय् सुमा कुःलाङ् वाङ्इली घुन्इमा दोह्इमा माक्ती वाय्उलु।
कोलसी 1:5 - चेपाङ5 “लाङ्काहाङः पेओ दोःनाःतय्ही” त दाय्ह्ओ ओउः पेओ समचार्कोः दोङ् कुरा ङ्हालेः सायःआक्तीको नीङ् चोङाय्तो स्याव्ती झ्यान्ते ङ्हाम्मातेःआकानी राप्मातेःआकानी। အခန်းကိုကြည့်ပါ။ |
कोलसी 1:5
33 ပူးပေါင်းရင်းမြစ်များ
एत त्याङ्आक्तीको ओउः हुम्ओ मान्तालम्हाङः आधाखे सादुकी त तोओलम् खेःइतो आधाखे फरीसी त तोओलम् खेःइतो त पावुल्इ च्यवःआकान्। ओउः फरीसी त तोओलम्खेइ “मान्ता सीआक्तीको नया जीङः दोःनाः” त स्यान्नानी। फेरी “परमेस्वर्कोः लाङ्काकोः ल्होक्ओमयःमा नाःनाः मान्ताकोः गलमा ह्र्योङःमालो जीङःमा नाःलेःनाः” तमा स्यान्ती तोनीतो ओउः सादुकी त तोओलम्खेइ “खेःल इ कुरालम्पाय् दोह्मा नाःल” त स्यान्ती तोनानी। ओउःत झ्यान्ते पावुल् चीङ्ती “लौ पुःचोङ् हौचोङ्य ङापाय् यात्चाक् फरीसी लेःआः ङ। फेरी फरीसीकोः चोःमा ङालेः खेःनाङः। ओहाङःसै ‘मान्ता सीआक्ती रौ जीङः दोःलेःनाः’ त ङाइ स्यान्ती तोओ खेःतो ओउःत झ्यान्ते ङापाय् इहाङःलेः कुरा सायःलाङ् वानःओलेः मुनाङः” त दाय्ह्ती पावुल्इ तोआथास। ओउःत तोआक्तीको ओउः फरीसी त तोओलम्मा सादुकी त तोओलम्मा आन काय्काय्ती तानःकाय्ती ओउः फरीसीलम्खेइ “माः रैस पावुल्कोः कुरा दोङ् कुरा लेःआः” त दाय्ह्ती दाय्ह्इतो “खेःल ओउः कुरापाय् स्याव्ल” त दाय्ह्ती सादुकीलम्खे त्याङ्आकाय्।
ओउःमयःइ ख्रीस्कोः दोङ् पेओ समचार् सायःमाःत एत रेव्ओ काम् जाङ्ह्ओ च्यवःती ङाइ सबैकोः मीक्हाङः पत्रुस्कायः जान्ती “लौ नाङ्पाय् यहुदी मान्ता लेःतेःआः। तेन्छ्याङ्तेः यहुदी मान्तालो लेखा वाह्तेःल यहुदी खेःमालोलम्लो लेखा वाह्धै मुतेःनाः ओउःत झ्यान्ते दोह् हायःतीतेः यहुदी खेःमालोलम्कायः यहुदीकोः ऐन् जाङ्ह्तेःताक्तेःनौ” त दाय्ह्ती ओउःकायः तोआलाङः।
फेरी ओउः ङ्हाम्ओलम्कायः छ्यान्ह्सा कुरा आन पेओमा ताङ्ह्ओ लेःआः एत परमेस्वर्इ सबै जात्कोः मान्तालम्कायः छ्यान्ह्आथास। ओहाङःसै ओउः छ्यान्ह्राय्पाय् इलेःआः। नीङ्कःहाङः ख्रीस् मुलेःनाः ओउःत झ्यान्ते लोनेः गुच्युक् पेओतेः स्याव्तेःनै त चीःती नीङ्इ आसती ल्युङ्ह्ती मुसा खाय्तेःनानी।
परमेस्वर्कोः नोःराय् ङी नीङ्कःताङ् तोलाङ् वाङ्तोक्हाङः “लौ इपाय् मान्तासै वाङ्ओ नोःराय् ह खेःल परमेस्वर्कोः लेःआः” त दाय्ह्ती ङीइ स्यान्ओ कुराकायः ङ्हाम्ती सायःतेःआकानी। ओउःत झ्यान्ते ङीइ गलकायःमा परमेस्वर्कायः “च्युता” त तोनाङःसु। दोङ्सीलेः ङीइ स्यान्ओ नोःराय्पाय् परमेस्वर्कोः लेःआः। ओउः नोःराय्इपाय् देङीलेः नीङ् ङ्हाम्ओलम्कायः पेतो वाह्ताक्तेःनै।
ကြော်ငြာတွေ